ສິ້ນສຸດການລໍຄອຍ 16 ເດືອນ, ຣອນນີ ຄວ້າແຊ໊ມເວີນແຣ໊ງກິງລາຍການທີ 38.
ໃນທີ່ສຸດບັນດາເຫລ່ົາແຟນຄັບຂອງ “The Rocket” ຣອນນີ ໂອຊູລລີແວນ ນັກສະນຸກເກີ ມື 3 ຂອງໂລກຈາກອັງກິດ ກໍໄດ້ສຸກສົມຫວັງ ເມື່ອຫລ້າສຸດມະຫາເທບແຫ່ງວົງການຄິວໂລກຜູ້ນີ້ ຄວ້າແຊ໊ມສະນຸກເກີລາຍການ ເວີນກຣັງປຣີ 2021 ທີ່ໂຄເວັນທຣີບິລດິງໂຊໄຊຕີ ອາຣີນາ ເມືອງ ໂຄເວີນຕຣີ ປະເທດອັງກິດ ໃນຕອນເດິກຂອງວັນທີ 19 ທັນວາຜ່ານມາ.
ຫຼັງຮອບຊີງຊະນະເລີດ ລາວພິກສະຖານະການຈາກການຕາມຫລັງຕະຫລອດ ກັບມາຊະນະ ນິລ ໂຣເບີດສັນ ມື 4 ຂອງໂລກ ຈາກອົດສະຕຣາລີ 10-8 ເຟຣມ ຄວ້າແຊ໊ມສະໄຫມທີ 2 ມາຄອງຢ່າງຍິ່ງໃຫຍ່ ຕໍ່ຈາກການແຂ່ງຂັນເວີນ ກຣັງປີ 2018, ກວາດເງິນລາງວັນ 100,000 ປອນ.
ພ້ອມຮັບຄະແນນສະສົມເພີ່ມອີກ 100,000 ຄະແນນ ຍັງຄອງອັນດັບທີ 3 ຂອງໂລກຄືເກົ່າ ແຕ່ຄະແນນສະສົມຂອງທ່ານ ຈັດ ທຣຳ ມືສອງຂອງໂລກຈາກຊາດດຽວກັນເຫລືອພຽງ 22,500 ຄະແນນເທົ່ານັ້ນ.
ແຖມຍັງເຮັດໃຫ້ ຣອນນີ ຄວ້າແຊ໊ມລາຍການລະດັບເວີນແຣ໊ງກິ້ງໄປແລ້ວເຖິງ 38 ລາຍການ ຂະຫຍາຍສະຖິຕິການເປັນນັກສະນຸກເກີທີ່ຄວ້າແຊ໊ມລາຍການລະດັບເວີນແຣ໊ງກິ້ງຫລາຍທີ່ສຸດໃນໂລກອອກໄປອີກ, ເຊິ່ງເຊື່ອວ່າຄົງອີກດົນ ກວ່າທີ່ຈະມີນັກສະນຸກເກີຄົນອື່ນສາມາດທຳລາຍສະຖິຕິອັນຫນ້າມະຫັດສະຈັນນີ້ລງໄດ້.
ຜົນສຳເລັດໃນຄັ້ງນີ້ ມັນຍັງເປັນຈຸດສິ້ນສຸດຂອງການລໍຖ້າ 16 ເດືອນທີ່ ຣອນນີ ບໍ່ໄດ້ສຳຜັດຂັນລາງວັນ. ນັບຕັ້ງແຕ່ຄວ້າແຊ໊ມໂລກຄັ້ງທີ 6 ເມື່ອວັນທີ 16 ສິງຫາ 2020 ທີ່ສະໜາມ ຄຣູຊິເບິເທຍເຕີ ເມືອງເຊບຟິລ ປະເທດອັງກິດ.
