ດ່ວນ ! ໂຣນັລໂດ ຕັດໜ້າເຈົ້າຂອງ ລິເວີພູລ ຊື້ ຄູຣໄຊໂຣ ຮຽບຮ້ອຍ
ຕໍ່ໄປນີ້ເອີ້ນວ່າ “ເສ່ຍໂລ້ນຄຳ” ແລ້ວ… ໂຣນັລໂດ ປາດໜ້າກຸ່ມທຶນເຈົ້າຂອງສະໂມສອນ ລີເວີພູລ ຊື້ ຄຣູໄຊໂຣ ມາຄອບຄອງແລ້ວ. ພ້ອມທີ່ຈະປະກາດຢ່າງຈະແຈ້ງ ຕ້ອງການພາສະໂມສອນແຫ່ງນີ້ກັບມາຍິ່ງໃຫຍ່ອີກຄັ້ງຫນຶ່ງ.
ໂຣນັລໂດ ກອງໜ້າຊາວບຣາຊິນ ກາຍເປັນເຈົ້າຂອງຄົນໃໝ່ຂອງ ຄຣູໄຊໂຣ ສະໂມສອນດັງໃນລີກບຣາຊິນ ຮຽບຮ້ອຍແລ້ວ ຫຼັງຈາກທີ່ສຳເລັດການຊື້ກິດຈະການສະໂມສອນມາຄອງໄດ້ສຳເລັດ. ໃນວັນເສົາ ທີ 18 ທັນວາທີ່ຜ່ານມ.
ເຟນເວ ສະປອດ ກຣຸບ (FSG) ກຸ່ມທຶນອາເມລິກາ ເຊິ່ງເປັນເຈົ້າຂອງສະໂມສອນ ລິເວີພູລ ພວມເຈລະຈາຊື້ ຄຣູໄຊໂຣ ທີປັດຈຸບັນຫລິ້ນໃນລະດັບ ເຊເຣຍ ບີ (ລີກ 2) ມາຄອບຄອງ ແຕ່ຫຼ້າສຸດກາຍເປັນ ໂຣນັລໂດ ອາຍຸ 45 ປີ ທີ່ເຂົ້າມາເບິ່ງແຍມກິດຈະການສະໂມສອນ. ເຊິ່ງຖືວ່າເປັນຕົ້ນສັງກັດທຳອິດທໍາອິດໃນອາຊີບນັກເຕະຂອງລາວ. ດ້ວຍ ການຖືຫຸ້ນສ່ວນໃຫຍ່ຂອງສະໂມສອນເຖິງ 90%.
ໂຣນັລໂດ ເລີ່ມຕົ້ນອາຊີບບານເຕະກັບ ຄຣູໄຊໂຣ່ ໃນໄລຍະທີ່ລາວຢູ່ກັບສະໂມສອນລະຫວ່າງປີ 1993 ຫາ 1994. ເຊິ່ງຕອນນັ້ນລາວອາຍຸພຽງ 17 ປີ ສ້າງປາກົດການຍິງແບບຖະຫລົ່ມທະລາຍ 44 ປະຕູ ຈາກ 47 ເກມ ກ່ອນທີ່ອອກຈາກທີມໄປຫລິ້ນໃນເອີຣົບກັບ ພີເອສວີ ໄອໂຮເຟນ ສະໂມສອນຍັກໃຫຍ່ຂອງລີກໂຮນລັງ.
“ຂ້ອຍດີທີ່ຊື້ກິດຈະການໄດ້ສຳເລັດ”. ໂຣນັລໂດ ກ່າວ “ຂ້ອຍມີຫຼາຍຢ່າງທີ່ຈະສະເຫນີເພື່ອທີ່ຈະຕອບແທນ, ຄຣູໄຊໂຣ ແລະຂ້ອຍຕ້ອງການນໍາສະໂມສອນກັບຄືນສູ່ບ່ອນທີ່ມັນສົມຄວນອີກເທື່ອຫນຶ່ງ. ພວກເຮົາມີວຽກຫຼາຍລໍຖ້າຢູ່ຂ້າງໜ້າ ແລະຂ້າພະເຈົ້າຂໍໃຫ້ແຟນບານກັບມາສານສາຍສຳພັນກັບສະໂມສອນຄືນໃໝ່. ແລະກັບໄປເບິ່ງເກມໃນສະຫນາມ ເພາະວ່າເຮົາຕ້ອງການຄວາມເຂັ້ມແຂງແລະຄວາມເປັນນໍ້າໜຶ່ງໃຈດຽວກັນ. ພວກເຮົາມີຄວາມທະເຍີທະຍານທີ່ຈະເຮັດໃຫ້ ຄຣູໄຊໂຣ ກັບມາຍິ່ງໃຫຍ່ອີກເທື່ອຫນຶ່ງ. ພວກເຮົາບໍ່ມີຫຍັງທີ່ຈະສະເຫຼີມສະຫຼອງໃນປັດຈຸບັນ. ແຕ່ພວກເຮົາມີຄວາມທະເຍີທະຍານສູງຫຼາຍ.”
ນອກຈາກ ຄຣູໄຊໂຣ ແລ້ວ ໂຣນັລໂດ ຍັງເປັນເຈົ້າຂອງສະໂມສອນ ເລອັນ ບາຢາໂດລິດ ສະໂມສອນໃນ ເຊກຸນດາ ດີບີຊີອອນ (ດີວີຊັນ 2) ຂອງສະເປນ, ທີ່ເຂົາຊື້ໃນປີ 2018 ນຳອີກ.
