ປາຣິສ-ລີຢົງ ແຂ່ງບໍ່ຈົບ ແຟນບານກໍ່ຄວາມວຸ້ນວາຍລົງມາມາໃນສະຫນາມ

ການແຂ່ງຂັນບານເຕະຝຣັ່ງເກີດຄວາມວຸ້ນວາຍຈາກການໃຊ້ຄວາມຮຸນແຮງອີກແລ້ວ ໃນການແຂ່ງຂັນ ເຟຣນ ຄັບ ຮອບ 64 ທີມ ລະຫວ່າງປາຣີສ ເອັຟຊີ ທີມຈາກລີກ 2 ແລະ ໂອລິມປິກ ລີຢົງ ຈາກລີກ 1 ທີ່ສະຫນາມຊາເລຕີ ໃນນະຄອນ ປາຣີສ ເມື່ອວັນສຸກທີ່ຜ່ານມາ ທີ່ແຂ່ງຂັນບໍ່ຈົບ ຕ້ອງຍົກເລີກກາງການແຂ່ງຂັນ ໃນຂະນະທີ່ສະເຫມີກັນ 1-1 ເນື່ອງຈາກມີແຟນບານຕີກັນ.

ແຟນບານທັງສອງຝ່າຍເປີດເສິກຕີກັນເອງ ແລະ ຂວ້າງພຸໃສ່ກັນໃນໄລຍະພັກເຄິ່ງເວລາການແຂ່ງຂັນ ກ່ອນພາກັນແລ່ນລົງມາໃນສະຫນາມ ຕຳຫລວດພະຍາຍາມເຂົ້າຄວບຄຸມສະຖານະການ ນັກເຕະເຖິງວ່າຈະພ້ອມລົງສະຫນາມເຄິ່ງເວລາທີສອງ ແຕ່ກໍຕ້ອງກັບເຂົ້າໄປຫ້ອງພັກ ເພື່ອຄວາມປອດໄພ ໃນທີ່ສຸດກໍກຳຈັດຄົນອອກໄດ້ ແຕ່ກໍມີການຕັດສິນໃຈແລ້ວວ່າໃຫ້ຍົກເລີກການແຂ່ງຂັນອອກໄປກ່ອນ ແລະ ໂຄສົກສະຫນາມປະກາດໃຫ້ແຟນບານເທິງອັດສະຈັນອອກຈາກສະຫນາມ.

ລີຢົງ ຫາກໍຖືກຕັດ 1 ຄະແນນ ຈາກເກມກັບມາກເຊ ເມື່ອເດືອນກ່ອນທີ່ ດີິມິທຣີ ປາເຢັດ ຖືກແຟນບານຂວ້າງກວດນຳ້ໃສ່ ເຊັ່ນດຽວກັບ  ນິສ ທີ່ຖືກຕັດຄະແນນກໍລະນີແຟນບານທຳຮ້າຍນັກເຕະມາກເຊ ເມື່ອເດືອນສິງຫາ ຂະນະທີ່ການແຂ່ງຂັນຕອນເຫນືອ ດາບີແມັດ ລະຫວ່າງ ລ໊ອງ ກັບ ລິລ ເມື່ອເດືອນກັນຍາ ເກມເຄິ່ງເວລາທີສອງຫລ້າຊ້າ ເພາະແຟນບອນລົງສະຫນາມເພື່ອຈະໄປວິວາກັບອີກຝ່າຍ.

ທາງການຝຣັ່ງ ຫາຫໍປະກາດວ່າ ເກມຈະຖືກຍົກເລີກທັນທີຫາກຜູ້ຫລິ້ນ ຫລື ຜູ້ຕັດສິນໄດ້ຮັບບາດເຈັບຈາກແຟນບານທີ່ຂວ້າງສິ່ງຂອງຈາກອັດສະຈັນ.