ແຂວງສາລະວັນຈັດເກັບລາຍຮັບເຂົ້າງົບປະມານປີ 2021 ໄດ້ 106,02 ຕື້ກີບ

ທ່ານ ໂພໄຊ ໄຊຍະສອນ ກໍາມະການສູນກາງພັກ, ເລຂາພັກແຂວງ ເຈົ້າແຂວງສາລະວັນ ລາຍງານເນື່ອງໃນໂອກາດການລົງຢ້ຽມຢາມ ແລະ ເຮັດວຂອງທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສາທາລະນະລັດ ປະຊາ ທິປະໄຕ ປະຊາຊົນລາວ ວັນທີ 17 ທັນວາ 2021ນີ້ໃຫ້ຮູ້ວ່າ:

ສະເພາະວຽກງານຂົງເຂດປ້ອງກັນຊາດ-ປ້ອງກັນຄວາມສະຫງົບ ແມ່ນມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບສຸກ, ປະຊາຊົນມີຄວາມສາມັກຄີປອງດອງ.

ເສດຖະກິດສືບຕໍ່ຂະ ຫຍາຍຕົວຕາມທ່າອ່ຽງຂອງເສດຖະກິດແຫ່ງຊາດ, ໂດຍສະເພາະຂົງເຂດອຸດສາຫະກໍາ-ພະລັງງານໄຟຟ້າ, ຂົງເຂດກະສິກໍາ ແລະ ການຜະລິດ, ຈັ່ງຫວະການຂະຫຍາຍຕົວເສດຖະກິດຂອງແຂວງ ຢູ່ໃນລະດັບ 1,4%, ການຈັດເກັບລາຍຮັບເຂົ້າງົບປະມານ ປະຕິບັດໄດ້ 106,02 ຕື້ກີບ; ເທົ່າກັບ 61% ຂອງແຜນປີ (ຄາດຄະເນໝົດປີ 117,4 ຕຶື້ກີບ ເທົ່າກັບ 67,55%).

ໃນນັ້ນລາຍຮັບພູດສູນກາງ ປະຕິບັດໄດ້ 26,45 ຕື້ກີບ, ເທົ່າກັບ 40,7% ຂອງແຜນ ແລະ ລາຍຮັບພູດທ້ອງຖິ່ນ ປະຕິບັດໄດ້ 79,56 ຕື້ກີບ, ເທົ່າກັບ 73,12% ຂອງແຜນ, ປະຕິບັດລາຍຈ່າຍໄດ້ 370,72 ຕື້ກີບ ເທົ່າກັບ 86,54 ຂອງແຜນປີ.