Facebook ຈ່າຍ 60 ລ້ານໂດລາ ຊື້ລິຂະສິດຊື່ Meta ຈາກທະນາຄານ ໃນອາເມລິກາ ທີ່ຊື່ຊ້ຳກັນ
December 17, 2021 - 10:20 PM
Facebook ຈ່າຍເງິນ 60 ລ້ານໂດລາ ໃຫ້ທະນາຄານແຫ່ງໜຶ່ງໃນເຊົາດາໂຄຕາ ທີ່ຊື່ວ່າ Meta Financial Group ເພື່ອໃຊ້ສິດສຳລັບຊື່ Meta ໃຫ້ຖືກຕ້ອງຕາມກົດໝາຍ ຕໍ່ຍອດຄວາມຕ້ອງການສ້າງໂລກ metaverse ເຊິ່ງເຊື່ອວ່າເປັນອະນາຄົດຂອງໂລກອິນເຕີເນັດ.
Meta Financial Group ເປັນບໍລິສັດການເງິນລະດັບພາກພື້ນ ທີ່ນຳສະເໜີຜະລິດຕະພັນທາງການເງິນຜ່ານຊື່ MetaBank ເຊັ່ນ: ເງິນຝາກອອມຊັບ, ສິນເຊື່ອ ແລະ ບັດເຄຣດິດ, ການປ່ອຍກູ້ທາງການຄ້າ ເຊິ່ງມີຜູ້ສະໜັບສະໜູນຫລາຍສ່ວນເຊັ່ນ: ໜ່ວຍງານພາກລັດ ແລະ ບໍລິສັດຟິນເທັກ ເພື່ອໃຫ້ບໍລິການດ້ານການທະນາຄານນຳ.
ໂຄສົກຂອງ Meta Platforms ຢືນຢັນວ່າ: ບໍລິສັດໄດ້ມີການຫາລືກັບ Meta Financial ກ່ອນປະກາດປ່ຽນຊື່ Facebook ເປັນ Meta ແລະ ຕາມເອກະສານຍື່ນເຂົ້າຊື້ Meta Financial Group ຈະມີເວລາໜຶ່ງປີໃນການລົບ Meta ອອກຈາກຊື່ ແລະ ຍີ່ຫໍ້ສິນຄ້າອອກທັງໝົດ.
ອ້າງອີງ:
- https://www.reuters.com/business/media-telecom/exclusive-facebook-owner-is-behind-60-mln-deal-meta-name-rights-2021-12-13/
- https://www.complex.com/life/company-formerly-facebook-pays-60-million-meta-naming-rights
