ບໍ່ຮອດເດືອນສິນຄ້າສົ່ງຜ່ານລົດໄຟລາວ-ຈີນ ມີມູນຄ່າກວ່າ 100 ລ້ານຢວນ

ແຫລ່ງຂ່າວຈາກ CRI ລາຍງານວ່າ: ພຽງບໍ່ທໍ່ໃດວັນພາຍຫລັງເປີດນຳໃຊ້ລົດໄຟລາວ-ຈີນໄດ້ມີມູນຄ່າສູງເຖິງ100 ລ້ານກ່ວາຢວນແລະ ສະເພາະວັນທີ 15 ທັນວານີ້, ຂະບວນລົດໄຟຂົນສົ່ງສິນຄ້າຈຳນວນ 11ຕູ້ຄອນເທັນເນີໄດ້ອອກເດີນທາງຈາກນະຄອນຄຸນມິງ ແຂວງຢູນນານ ສປ ຈີນ ຜ່ານດ່ານບໍ່ຫານເຂົ້າສູ່ ສປປ ລາວ ດ້ວຍຄວາມປອດໄພ.

ກ່ອນໜ້ານີ້ຄືວັນທີ 4 ທັນວາ, ລົດໄຟຂົນສົ່ງສິນຄ້າຂາອອກຂະບວນທຳອິດເດີນທາງຜ່ານດ່ານສຳເລັດຜົນເປັນຢ່າງດີອັນເປັນການເລີ່ມຕົ້ນການຈໍລະຈອນສິນຄ້າຂ້າມປະເທດທີ່ໃຊ້ເສັ້ນທາງລົດໄຟລາວ-ຈີນຢ່າງໄດ້ປະສົບຜົນສຳເລັດ. ຂະນະທີ່ມາຮອດວັນທີ 15 ທັນວາ, ດ່ານນະຄອນຄຸນມິງ ໄດ້ຄຸ້ມຄອງກວດກາ ແລະ ອະນຸຍາດໃຫ້ລົດໄຟຂົນສົ່ງສິນຄ້າຈີນ-ລາວ ມີ 31 ຂະບວນໄດ້ອອກເດີນທາງ ຊຶ່ງມີປະລິມານສິນຄ້າຂາເຂົ້າ-ຂາອອກຫລາຍເຖິງ 1,71 ໝື່ນໂຕນ ແລະ ມີມູນຄ່າ 107 ລ້ານຢວນ. ຂະນະດຽວກັນກໍມີລົດໄຟຈາກນະຄອນ ເຊິນເຈິ້ນ, ກວາງໂຈ, ຈຸ່ງກິ່ງ, ນານກິ່ງ ແລະ ນະຄອນຊິ່ງຕາວ ໄດ້ຜ່ານດ່ານຢ່າງວ່ອງໄວ.