ບັນຫາທີ່ກັງວົນທີ່ສຸດໃນນະຄອນຫລວງວຽງຈັນຕອນນີ້ຄື ຜູ້ມາກວດປິດບັງອາຊີບຕົນເອງ
December 16, 2021 - 3:13 PM
ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດໂຄວິດ-19 ຢູ່ສປປ ລາວ ປະຈໍາວັນທີ 16 ທັນວາ 2021 ວ່າ:ມື້ນີ້ນະຄອນຫລວງ ວຽງຈັນ ກວດພົບຜູ້ຕິດເຊື້ອໃໝ່ຫລາຍເຖິງ 723 ຄົນ, ໃນນັ້ນຫລາຍກວ່າໝູ່ ແມ່ນກຸ່ມນັກຮຽນ ຄູ-ອາຈານ ຖັດມາແມ່ນ ກຸ່ມກຳມະກອນແຮງງານ, ພະນັກງານທະຫານ-ຕຳຫລວດ, ລັດວິສາຫະກິດ/ບໍລິສັດ/ເອກະຊົນ/ທະນາຄານ, ພະນັກງານສາທາ ແລະ ອື່ນໆ.
ແນວໃດກໍດີ, ບັນຫາທີ່ກັງວົນທີ່ສຸດໃນນະຄອນຫລວງວຽງຈັນຕອນນີ້ຄື ຜູ້ມາກວດ ປິດບັງອາຊີບຕົນເອງ ໂດຍເຫັນໄດ້ຈາກມື້ວານນີ້ມີເຖິງ 125 ຄົນ. ການບໍ່ລະບຸອາຊີບ ມີສ່ວນເຮັດໃຫ້ນະຄອນຫລວງສືບຕໍ່ແພ່ເຊື້ອຢ່າງຕໍ່ເນື່ອງ ແລະ ສ້າງຄວາມສັບສົນທີ່ບໍ່ສາມາດຮູ້ໄດ້ວ່າການຕິດເຊື້ອຢູ່ກຸ່ມໃດ. ສະນັ້ນ, ຂໍຮຽກ ຮ້ອງໃຫ້ທ່ານຈິງໃຈ ລະບຸອາຊີບຂອງຕົນຢ່າງຈະແຈ້ງເພື່ອສະດວກໃນການເກັບກຳ ແລະ ວິເຄາະຂໍ້ມູນ ການຕິດຕາມຜູ້ສຳພັດດໃກ້ຊິດ C1.
