ລິດ ກຽມຂາຍສະໂມສອນໃຫ້ທີມດັງ NFLໃນປີ 2024 ມູນຄ່າ 475 ລ້ານປອນ
ເຈົ້າຂອງສະໂມສອນ ລິດສ ຢູໄນຕັດ ກຽມໄດ້ກຳໄລມະຫາສານ ຫລັງມີຂ່າວວ່າກຸ່ມທຶນຂອງທີມດັງໃນການແຂ່ງຂັນອາເມລິກັນຟຸຕບອລ NFL ກຽມຫອບເງິນມາຊື້ສະໂມສອນ.
ແອດເລຕິກ ສື່ຊັ້ນນຳຂອງອັງກິດລາຍງານຂ່າວວ່າ : ໂຟຕີໄນເນີ ເອັນເຕີໄພຣເຊສ ກຸ່ມທຶນຂອງ ຊານຟຣານຊິສໂກ ໂຟຕີໄນເນີ ທີມດັງໃນການແຂ່ງຂັນອາເມລິກັນຟຸຕບອລ NFL ກຽມໃຊ້ຂໍ້ສະເຫນີໃນການເຂົ້າຖືຫຸ້ນ 100% ຂອງລີດ ຢູໄນເຕັດ ທີມໃນພຣີເມຍລີກ ອັງກິດ ພາຍໃນເດືອນມັງກອນປີ 2024 ເຊິ່ງຄອບຄຸມເຖງງການເປັນເຈົ້າຂອງ ເອລແລນ ໂຣດ ສະຫນາມຂອງສະໂມສອນນຳອີກ.
ສຳລັບຂໍ້ຕົກລົງໃນການຄອບຄອງຂອງສະໂມສອນ ໄດ້ເກີດຂຶ້ນເມື່ອນມັງກອນປີນີ້ ຫລັງຈາກ ໂຟດີໄນເນີສ ເພີ່ມຈຳນວນການຖືຫຸ້ນຂຶ້ນມາເປັນ 37% ເຊິ່ງຫລ້າສຸດມີການລະບຸວ່າການຊື້ສະໂມສອນມູນຄ່າ 475 ລ້ານປອນ ອາດສົມບູນພາຍໃນເວລາບໍ່ເກີນ 2 ປີ.
ທັງນີ້ ອັນເດຣຍ ຣາດຣີສຊານີ ເຈົ້າຂອງສະໂມສອນຄົນປັດຈຸບັນຊາວອີຕາລີໄດ້ເຂົ້າມາຊື້ ລິດສ ຢູໄນເຕັດ ເມື່ອປີ 2017 ດ້ວຍມູນຄ່າພຽງ 45 ລ້ານປອນ ແຕ່ຫລັງຈາກເລື່ອນຊັ້ນຈາກແຊ໊ມປຽນຊິບ ມາຫລິ້ນໃນພຣີເມຍລີກໄດ້ສຳເລັດໃນປີ 2020 ກໍເຮັດໃຫ້ມູນຄ່າຂອງສະໂມສອນເພີ່ມຂຶ້ນແບບຂ້າມຂັ້ນໄປນຳ.
ຈາກນັ້ນ ຮາດຣິຊຊານີ ໄດ້ຂາຍຫຸ່້ນ 10% ຂອງລິດສ ໃຫ້ກັບກຸ່ມທຶນໂຟໄນເນີສ ໃນປີ 2018 ກ່ອນເພີ່ມຈຳນວນຂຶ້ນເທື່ອລະຫນ້ອຍ ເຊິ່ງເຈົ້າຂອງທີມຊາວອີຕາລີຊີ້ແຈງເມື່ອເດືອນຜ່ານມາວ່າ ຈະເປັນຮາກຖານຊ່ວຍໃຫ້ສະໂມສອນກັບໄປເປັນທີມຊັ້ນນຳຂອງວົງການບານເຕະອັງກິດຄືກັບອະດີດໄດ້ອີກເທື່ອຫນຶ່ງ.
