4 ສະໂມສອນອັງກິດ ໃຜພົບກັບວຽກໜັກ-ເບົາ ໃນຮອບ 16 ທີມສຸດທ້າຍຢູຟາ ແຊ໊ມປຽນລີກ
ລີເວີພູລ, ແມນເຊສເຕີ ຊິຕີ, ເຊລຊີ ແລະ ແມນເຊສເຕີ ຢູໄນເຕັດ 4 ສະໂມສອນຈາກພຣີເມຍລີກອັງກິດ ພ້ອມໃຈກັນຍ່າງເຂົ້າຮອບ 16 ທີມສຸດທ້າຍ ການແຂ່ງຂັນບານເຕະ ຢູຟາ ແຊ໊ມປຽນລີກ ປະຈຳລະດູການ 2021/2022 ໄດ້ຢ່າງດີເລີດ.
ສຳລັບ ລີເວີພູລ, ແມນເຊສເຕີ ຊິຕີ ແລະ ແມນເຊສເຕີ ຢູໄນເຕັດ ສະແດງຜົນງານໄດ້ຢ່າງແຂງແກ່ນ ເມື່ອສາມາດຄວ້າແຊ໊ມກຸ່ມໄດ້, ໃນຂະນະທີ່ ເຊລຊີ ພາດທ່າໃນເກມສຸດທ້າຍສະເຫມີກັນ ເຊນິດ ເຊນປີເຕີສະເບີກ 3-3 ເຮັດໃຫ້ພວກເຂົາຕ້ອງຕົກໄປເປັນອັນດັບ 2 ຂອງກຸ່ມ ເຮັສ.
ການຈັບສະຫລາດໃນຮອບ 16 ທີມສຸດທ້າຍຈະມີຂຶ້ນໃນວັນຈັນທີ 13 ທັນວານີ້ ແລະ ແນ່ນອນວ່າ 4 ສະໂມສອນໃນລີກສູງສຸດຂອງອັງກິດ ບໍ່ຈະເປັນທີມວາງ ຫລື ບໍ່ເປັນທີມວາງ ກໍມີສິດທີ່ຈະຕ້ອງພົບກັບຄູ່ແຂ່ງທີ່ແຂງແກ່ນເຊັ່ນດຽວກັນໃນເດືອນກຸມພາປີຫນ້າ.
ສຳລັບ ລີເວີພູລ, ແມນເຊສເຕີ ຊິຕີ ແລະ ແມນເຊສເຕີ ຢູໄນເຕັດ ຖືກຈັດໃຫ້ຢູ່ໃນທີມວາງ ເນື່ອງຈາກຄວ້າແຊ໊ມກຸ່ມ ແລະ ຈະຕ້ອງປະທະກັບທີມອັນດັບ 2 ໃນກຸ່ມອື່ນ ແນວໃດກໍຕາມພວກເຂົາຈະບໍ່ມີສິດຈົບສະຫລາກກັບທີມຈາກປະເທດດຽວກັນ ຫລື ທີມຄູ່ແຂ່ງເກ່ົາທີ່ພົບກັນໃນຮອບແບ່ງກຸ່ມ.
8 ທີມວາງໃນຮອບ 16 ທີມ ມີດັ່ງນີ້:
- ອາແຈັກ ອຳເຕີດຳ (ເນເທີແລນ, ກຸ່ມ ຊີ)
- ບາເຢິນ ມິວນິກ ( ເຢຍລະມັນ, ກຸ່ມ ອີ)
- ລີເວີພູລ (ອັງກິດ, ກຸ່ມ ບີ)
- ແມນເຊສເຕີ ຊິຕີ (ອັງກິດ, ກຸ່ມ ເອ)
- ແມນເຊສເຕີ ຢູໄນເຕັດ (ອັງກິດ ກຸ່ມ ເອຟ)
- ເຣອັນ ມາດຣິດ (ສະເປນ, ກຸ່ມ ດີ)
- ລິລ (ຝຣັ່ງ, ກຸ່ມ ຈີ)
- ຢູເວນຕຸສ (ອິຕາລີ, ກຸ່ມ ເອຊ)
