10 ອັນດັບທີມທີ່ຈ່າຍເງິນຫຼາຍທີ່ສຸດໃນການຊື້ນັກເຕະແຫ່ງສະຕະວັດທີ 21

ປັດຈຸບັນ ທີມທີ່ໃຊ້ເງິນຊື້ນັກເຕະຫຼາຍທີ່ສຸດໃນສະຕະວັດທີ 21 ຄື ເຊລຊີ, ໂດຍ ມີແມນເຊສເຕີ ຊິຕີ ຕາມມາຢູ່ອັນດັບສອງ.

ເຊລຊີ ສະໂມສອນບານເຕະຊື່ດັງຂອງບານເຕະພຣີເມຍລີກອັງກິດ, ເປັນທີມທີ່ໃຊ້ເງິນເສີມທີມຫຼາຍທີ່ສຸດໃນໂລກໃນສະຕະວັດທີ 21. ຫາກນັບຈົນເຖິງປັດຈຸບັນ ພາຍຫຼັງທີ່ພວກເຂົາຈ່າຍເງິນໄປທັງຫມົດຈໍານວນ 2,445 ລ້ານເອີໂຣ,

ເຖິງແມ່ນວ່າ ເຊລຊີ ຈະເຄີຍຖືກສັ່ງຫ້າມບໍ່ໃຫ້ລົງທະບຽນຜູ້ຫຼິ້ນຫນ້າໃຫມ່ໃນລະດູການ 2019-20, ແຕ່ໂດຍລວມແລ້ວພວກເຂົາໃຊ້ເງິນເສີມທີມຫຼາຍໃນສະຕະວັດທີ 21 ເຊ່ັນໃນໄລຍະລະດູການຜ່ານມາ ພວກເຂົາຈ່າຍເງິນຊື້ ໂຣທຳຣູ ລູກາກູ ພຽງຄົນດຽວ ພວກເຂົາກໍມີມູນຄ່າສູງເຖິງ 97.5 ລ້ານປອນ ແລ້ວ.

ສຳລັບອັນດັບ 2 ຂອງຕາຕະລາງນີ້ ແມ່ນ ແມນເຊສເຕີ ຊິຕີ ຫຼັງຈາກພວກເຂົາຈ່າຍເງິນໄປທັງໝົດ 2,332 ລ້ານເອີໂຣ, ສ່ວນ ເຣອັນ ມາດຣິດ ມາເປັນອັນດັບ 3 ດ້ວຍຈຳນວນເງິນ 2,186 ລ້ານເອີໂຣ.

    10 ທີມທີ່ໃຊ້ເງິນເສີມທີມຫຼາຍທີ່ສຸດໃນໂລກ ໃນສະຕະວັດທີ 21

1. Chelsea (ອັງກິດ) 2,445 ລ້ານເອີໂຣ
2. ແມນເຊສເຕີ ຊິຕີ (ອັງກິດ) 2,332 ລ້ານເອີໂຣ
3. ເຣອັນ ມາດຣິດ (ສະເປນ) 2,186 ລ້ານເອີໂຣ
4. ບາເຊໂລນາ (ສະເປນ) 2.181 ລ້ານເອີໂຣ
5. ຢູເວນຕຸສ (ອິຕາລີ) 2,079 ລ້ານເອີໂຣ
6. ແມນເຊສເຕີ ຢູໄນເຕັດ (ອັງກິດ) 2,025 ລ້ານເອີໂຣ
7. ອິນເຕີ ມິລານ (ອິຕາລີ) 1,772 ລ້ານເອີໂຣ
8. ປາຣີ ແຊັງ-ແຊັກແມັງ (ຝຣັ່ງ) 1,646 ລ້ານເອີໂຣ
9. ລິເວີພູລ (ອັງກິດ) 1,622 ລ້ານເອີໂຣ
10. ເອຊີ ມິລານ (ອິຕາລີ) 1,486 ລ້ານເອີໂຣ