ຄະນະສະເພາະກິດຮຽກຮ້ອງຜູ້ຊື້ປີ້ລົດໄຟລາວ-ຈີນ ມີສະຕິປ້ອງກັນໂຕເອງເພື່ອປອດໄພຈາກໂຄວິດ-19

ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ລາຍງານໃນວັນທີ 8 ທັນວາ 2021 ນີ້ວ່າ:  ການເປີດການບໍລິການຂອງລົດໄຟຄວາມໄວສູງມໍ່ໆມານີ້ ເປັນຂີດໝາຍແຫ່ງຄວາມສະດວກສະບາຍຂອງປະຊາຊົນໂດຍສະເພາະການເດີນທາງລະຫວ່າງແຂວງຕ່າງໆ ແລະ ນັບແຕ່ມື້ເປີດບໍລິການມີຜູ້ໄປໃຊ້ບໍລິການຢ່າງໜາແໜ້ນ ໂດຍເຫັນໄດ້ຕາມສື່ອອນລາຍຕ່າງໆ.

ແນວໃດກໍດີ, ຕາງໜ້າຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດພະຍາດໂຄວິດ-19 ໄດ້ຮຽກຮ້ອງບັນດາທ່ານເດີນທາງໃຫ້ມີສະຕິລະວັງຕົວໂດຍການຮັກສາໄລຍະຫ່າງເລີ່ມແຕ່ການຊື້ປີ້ ກໍຕ້ອງລຽນແຖວເປັນລະບຽບ ບໍ່ແອອັດບຽດແຫຍ້ກັນ, ໃສ່ຜ້າອັດປາກດັງຕະຫລອດເວລາ, ຖືເຈວຂ້າເຊື້ອ ຫລື ເຫລົ້າ 70-90 ເພື່ອລ້າງມືເລືື້ອຍໆ. ທີ່ສໍາຄັນຜູ້ທີ່ຈະໄປໃຊ້ບໍລິການລົດໄຟຕ້ອງໄດ້ສັກວັກຊີນຄົບໂດສ.