ຣັງນິກ ຊື່ນຊົມ ໂຣນັລໂດ ເປັນມືອາຊີບ ເກມຄຸມທີມປະເດີມສະຫນາມນັດທຳອິດ
ໄຊຊະນະຂອງ ແມນເຊສເຕີ ຢູໄນເຕັດ ທີ່ເປີດສະຫນາມໂອນແທຣບຟອດ ເອົາຊະນະ ຄຣິສຕັລ ພາເລດ 1-0 ຖືເປັນການເປີດໂຕຄຸມທີມຂອງ ຣາຟ ຣັງນິກ ນັດທຳອິດດ້ວຍການຄວ້າມ 3 ຄະແນນໄດ້ສຳເລັດ ເຊິ່ງໃນເກມນັດນີ້ຮູບແບບການຫລິ້ນຂອງທີມຖືວ່າເລີ່ມການປ່ຽນແປງໄປເນັ້ນການຂຶ້ນເກມເປັນທີມຫລາຍກວ່າອາໄສຄວາມສາມາດສະເພາະໂຕ.
ແຜນການຫລິ້ນໃຫມ່ຂອງຜູ້ຈັດການທີມຊາດເຢຍລະມັນ ກໍຄືຕ້ອງການໃຫ້ບັນດາຜູ້ຫລິ້ນຕ້ອງໄລ່ບີບກົດດັນຄູ່ແຂ່ງງຫລາຍຂຶ້ນ ເພື່ອເອົາບານກັບມາຕັ້ງເກມບຸກໂຕ້ກັບຢ່າງທັນທີ ແລະ 1 ໃນຄຳຖາມທີ່ຫລາຍຄົນໃຫ້ຄວາມສົນໃຈກໍຄື ຄຣິສຕຽນໂນ ໂຣນັລໂດ ໃນໄວ 36 ປີ ຈະພ້ອມສຳລັບແຜນການຫລິ້ນນີ້ຫລືບໍ່.
ໂດຍ ຣາຟ ຣັງນິກ ໄດ້ຕອບຄຳຖາມນັກຂ່າວເຖິງເລື່ອງນີ້ວ່າ : ຂ້ອຍປະຫລາດໃນຫລາຍເມື່ອເຫັນລາວໃນເກມທີ່ພົບກັບ ອາເຊນອລ ເມື່ອວັນພະຫັດທີ່ຜ່ານມາ ມັນເປັນໄວ 36 ປີ ທີ່ມີສະພາບຮ່າງຫາຍທີ່ດີເດລີດຫລາຍ ລາວເປັນມືອາຊີບສູງ ໃນໄວຄືລາວ ຂ້ອຍບໍ່ເຄີຍເຫັນນັກເຕະທີ່ມີສະພາບຮ່າງກາຍສົມບູນຂະຫນາດນີ້ມາກ່ອນ ລາວຍັງຄົງເປັນຜູ້ຫລິ້ນທີ່ສ້າງຄວາມແຕກຕ່າງໃຫ້ກັບທີມໄດ້ສະເຫມີ.
ພ້ອມກັນນີ້ ລາວຍັງເປີດເຜີຍແຜນການຫລິ້ນທີ່ຫລາຍເບິ່ງວ່າ ອາດບໍ່ເຂົ້າກັບດາວຍິງທີມຊາດໂປຣຕຸເກສ. “ຂ້ອຍຄິດວ່າມັນບໍ່ຄວນຈະເປັນບັນຫາ. ການວາງແຜນເກມມັນຕ້ອງມີການປັບປ່ຽນຮູບແບບໃຫ້ເຂົ້າກັບຜູ້ຫລິ້ນທີ່ເຈົ້າມີຢູ່ສະເຫມີ “.
ເຊິ່ງຫລັງເກມທີ່ເປີດສະຫນາມເກັບ 3 ຄະແນນ ເຫນືອ ຄຣິສຕັນ ພາເລດ ໄດ້ມີການເປີດເຜີຍເສັ້ນທາງການແລ່ນຂອງ ຄຣິສຕຽນໂນ ໂຣນັລໂດ ໂດຍເກມນັດດັ່ງກ່າວອອກມາ ປາກົດວ່າ ດາວຍິງໄວ 36 ປີ ທຸ່ມເທເພື່ອທີມຕາມທີ່ ຣັງນິກ ຕ້ອງການ ດ້ວຍການແລ່ນກວ່າເກ່ົາ ໄລ່ກົດດັນຄູ່ແຂ່ງ ແຖມມີການລົງມາຊ່ວຍໄລ່ບານໃນແດນຕົນເອງນຳອີກ.
ຂະນະທີ່ ຜູ້ຈັດການທີມ ໄວ 63 ປີ ກໍສະແດງຄວາມພໍໃຈກັບການຫລິ້ນຂອງ ໂຣນັລໂດ ໂດຍໃຫ້ໂອກາດຫລິ້ນຈົນຈົບເກມ ຖືເປັນການລົບຂ່າວທີ່ວ່າ ໂຣນັນໂດ ອາດບໍ່ເຫມາະກັບຮູບແບບການຫລິ້ນທີ່ຕ້ອງເພຣສຊິ່ງ ໄລ່ບີດເກມຄູ່ແຂ່ງຕະຫລອດທັງເກມ ລົງແບບບໍ່ມີຂໍ້ສົງໄສ.
