ສານສະເປນ ສັ່ງຮື້ຖອນໂຮງແຮມໃຈກາງເມືອງບາເຊໂລນາ ທີ່ເມສຊີ ເປັນເຈົ້າຂອງ
ເດິ ມິຣເຣີ ລາຍງານຂ່າວວ່າ ສານເມືອງ ບາເຊໂລນາ ໃນປະເທດສະເປີນ ໄດ້ມີຄຳສັ່ງໃຫ້ຮື້ຖອນໂຮງແຮມ Mim Sitges ລະດັບ 4 ດາວ ທີ່ ລີໂອເນລ ເມສຊີ ເປັນເຈົ້າຂອງ ເຊິ່ງມີມູນຄ່າ 26 ລ້ານປອນ ອອກຈາກພື້ນທີ່ທັນທີ.
ໂດຍສາເຫດທີ່ມີຄຳສັ່ງໃຫ້ຕ້ອງຮື້ຖອນໂຮງແຮມລາຄາແພງຂອງ ດາວຍິງຄົນດັງເຈົ້າຂອງບັນລົງດໍ 7 ສະໄຫມ ເນື່ອງຈາກສານເບິ່ງວ່າ ໂຮງແຮມແຫ່ງນີ້ ບໍ່ໄດ້ເປັນໄປຕາມມາດຕະຖານຂອງເມືອງ ແລະ ບໍລິເວນລະບຽງມີຂະຫນາດໃຫຍ່ເກີນໄປ ແລະ ແຜນການຊ້ອມສຸກເສີນດ້ານອັກຄີໄພກໍລົ້ມເຫລວ ຕາມລາຍງານຫລ້າສຸດຈາກເຈົ້າຫນ້າທີ່ທີ່ຮັບຜິດຊອບ ແນວໃດກໍຕາມ ເມສຊີ ຍັງບໍ່ໄດ້ອອກມາເປີດໃຈເຖິງເລື່ອງນີ້ ເຖິງວ່າຈະຖືກນັກຂ່າວຈຳນວນຫລາຍສອບຖາມ.
ສຳລັບໂຮງແຮມແຫ່ງນີ້ ມີຫ້ອງພັກທັງຫມົດ 77 ຫ້ອງ ລວມເຖິງຫ້ອງຈູເນຍສະຫວິດ 5 ຫ້ອງ ແລະ ຫ້ອງສະຫວີດ 1 ຫ້ອງ ໂດຍມີຄ່າໃຊ້ຈ່າຍປະມານ 105 ປອນ, ຈຸດເດ່ັນຂອງໂຮງແຮມນີ້ຄື ມີຫ້ອງເຫລົ້າຢູ່ດາດຟ້າ ພ້ອມສະລອຍນຳ້ ທີ່ສາມາດຊົມທັດສະນີຍະພາບອັນງົດງາມຂອງເມືອງບາເຊໂລນາ ແລະ ທະເລເມດິເຕີເຣນຽນ ຫ່າງຈາກທະເລພຽງ 100 ຟຸດເທົ່ານັ້ນ.
