ຜູ້ຈັດການທີມຊື່ດັງຊາວອີຢິບ ຫົວໃຈວາຍເສຍຊີວິດຂະນະດີໃຈທີ່ທີມຍິງປະຕູໄຊນາທີສຸດທ້າຍ
ເກີດເຫດການໂສກເສົ້າເກີດຂຶ້ນໃນບານເຕະລີກຂອງອີຢິບ ເມື່ອຜູ້ຈັດການ ອັດຮາມ ເອລ ເຊລຮາດາ ຜູ້ຈັດການທີມ ເອລ ມາກ ເສຍຊີວິດໃນຂະນະທີ່ສະເຫຼີມສະຫຼອງປະຕູໄຊໃນໄລຍະທົດເວລາບາດເຈັບ.
ອັດຮາມ ເອລ ເຊລຮາດາ, ຫົວຫນ້າຄູຝຶກອາຍຸ 53 ປີ, ລົງຄຸມທີມລົງສະຫນາມພົບກັບ ເອລ ຊາຊ່າ ໃນລີກສອງຂອງເມືອງໄອຄຸບ. ໂດຍການແຂ່ງຂັນດຳເນີນມາເຖິງໄລຍະທົດເວລາບາດເຈັບ. ທັງສອງ ສະເຫມີກັນ ຈົນເຂົ້າສູ່ໄລຍະນາທີທີ 92 ລູກທີມ ເອລ ເຊລຮາດາ ກໍມາໄດ້ປະຕູຂຶ້ນນຳໄດ້ສຳເລັດ.
ແນວໃດກໍຕາມ, ຈາກບັນຍາກາດການສະຫລອງປະຕູຕະຫລອດຈົນໄຊຊະນະທີ່ໄດ້ຮັບຈົນທີມມໄດ້ຂຶ້ນມາຢູ່ອັນດັບທີ 7 ຂອງຕາຕະລາງ ຊ້ຳພັດມາແລກດ້ວຍເລື່ອງເສົ້າເມື່ອ ເອລ ເຊລຮາດາ ຖືກເລ່ັງນຳໂຕສົ່ງໂຮງໝໍຢ່າງຮີບດ່ວນ ຫຼັງຈາກຖືກໂຣກຫົວໃຈກຳເລີບ ຂະນະທີ່ກຳລັງດີໃຈກັບປະຕູໄຊຂອງທີມ,
ຫຼັງຈາກນັ້ນ, ໄດ້ມີການຖະແຫຼງການຢ່າງເປັນທາງການກ່ຽວກັບການຈາກໄປຂອງ ເອລ ເຊລຮາດາ ໂດຍມີສອງທີມຕົ້ນໆຂອງອີຢິບ ຄື ອັລ ອາລີ ແລະ ອິສໄມລີ ເຊິ່ງເປັນສະໂມສອນທີ່ ເອລ ເຊລຮາດາ ເຄີຍຄຸມທີມຕ່າງສະແດງຄວາມໄວ້ອາໄລຕໍ່ການເສຍຊີວິດຂອງລາວ.
ທັງນີ້ ສະໂມສອນ ເອລ ມາກ ໄດ້ປະກາດໄວ້ທຸກແກ່ອະດີດຜູ້ຈັດການທີມຜູ້ລ່ວງລັບເປັນເວລາ 6 ໄດ້ເລື່ອນການແຂ່ງຂັນນັດຕໍ່ໄປຂອງພວກເຂົາເປັນທີ່ຮຽບຮ້ອຍ.
ສໍາລັບ ເອລ ຊາຮາດາ ເຄີຍປະສົບຜົນສໍາເລັດໃນເວລາທີ່ລາວເປັນນັກກິລາບານເຕະມືອາຊີບ. ລາວເຄີຍໄດ້ຄວ້າແຊ໊ມລີກສູງສຸດຂອງອີຢິບ ເມື່ອຄັ້ງທີ່ຫຼິ້ນໃຫ້ ອິສໄມລີ ໃນຊຸມປີ 90 ກ່ອນຈະຍ້າຍໄປຫຼິ້ນກັບສະໂມສອນອື່ນໆ ແລະ ໄດ້ແຊ໊ມຕ່າງໆນຳອີກ. ຈາກນັ້ນລາວກໍຜົນຕົວມາຮັບວຽກເປັນຜູ້ຈັດການທີມ ແລະ ສ້າງຊື່ສຽງໃຫ້ກັບຕົນເອງ ກັບສະໂມສອນ ອັລ ອາລີ ແລະ ອິສ ໄມລີ ກ່ອນຈະຍ້າຍໄປຄວບຄຸມ ເອລ ມາກ ເປັນທີມສຸດທ້າຍ.
