ເດວິດ ມອຍ ຢາກໄດ້ ລິນກາດ ມາຮ່ວມທີມອີກຄັ້ງ, ຫລັງທົນເຫັນນັກເຕະໄປນັ່ງສຳຮອງກັບແມນຢູ
ເດວິດ ມອຍ ຜູ້ຈັດການທີມຊາວສະກັອດ ຂອງສະໂມສອນ ເວສແຮມ ຢູໄນເຕັດ ທີມດັງແຫ່ງເວທີ ພຣີເມຍລີກ ອັງກິດ ອອກມາກ່າວເຖິງ ເຈສຊີ ລິນກາດ ຫລັງຈາກທີ່ຕ້ອງທົນເຫັນນັກເຕະໄປນັ່ງສຳຮອງກັບ ແມນເຊສເຕີ ຢູໄນເຕັດ ໃນເວລານີ້ກ.
ເປັນທີ່ເຂົ້າໃຈວ່າ ເຈສຊີ ລິນກາດ ຍ້າຍຈາກຍອດທີມແຫ່ງເມືອງ ແມນເຊສເຕີ ໄປຮ່ວມທີມ ເວສແຮມ ຢູໄນເຕັດ ດ້ວຍສັນຍາຢືມໂຕເມື່ອກາງລະດູການຜ່ານມາ ພ້ອມກັບສ້າງຜົນງານໄດ້ຢ່າງໂດດເດ່ັນ ດ້ວຍການຍິງປະຕູ 9 ປະຕູກັບ ແລະ ຈ່າຍໃຫ້ຫມູ່ຍິງເຂົ້າປະຕູ 5 ຄັ້ງ ຈາກການລົງສະຫນາມ 16 ນັດ ໂດຍທາງ ເດວິດ ມອຍ ກໍຢາກໄດ້ນັກເຕະມາຮ່ວມທີມຖາວອນ ແຕ່ບໍ່ສາມາດຕົກລົງຄ່າໂຕກັນໄດ້ ນັ້ນເຮັດໃຫ້ນັກເຕະຕ້ອງກັບໄປສູ່ສະໂມສອນຕົ້ນສັງກັດ, ແຕ່ການກັບໄປສູ່ທີມເກ່ົາ ລາວກໍເກືອບບໍ່ໄດ້ໂອກາດລົງສະຫນາມຄືເກ່ົາ.
ຈາກສະຖານະການດ່ັງກ່າວ ເຮັດໃຫ້ ເດວິດ ມອຍ ອອກມາກ່າວວ່າ : ແທ້ຈິງແລ້ວຂ້ອຍບໍ່ສາມາດເວົ້າຫຍັງໄດ້ດອກ ເພາະລາວເປັນນັກເຕະຂອງ ແມນເຊສເຕີ ຢູໄນເຕັດ ແຕ່ຕອນທີ່ເຂົ້າຍ້າຍມາຢູ່ກັບເຮົາ ລາວຫລິ້ນໄດ້ດີຫລາຍ ລາວເປັນນັກເຕະທີ່ມີສັກກະຍາພາບດີຫລາຍ ແຕ່ລາວພັດບໍ່ຄ່ອຍໄດ້ລົງຫລິ້ນ ລິນກາດ ມີສ່ວນຊ່ວຍເຮົາຫລາຍໃນຕອນທີ່ຍ້າຍມາ ແຕ່ນັກເຕະທຸກຄົນໃນທີມກໍສ້າງຜົນງານໄດ້ດີ ເຮົາຍັງຄົງເດີນຫນ້າຕໍ່ໄປ ເຖິງວ່າເຮົາຈະບໍ່ມີລາວຢູ່ກັບທີມແລ້ວກໍຕາມ.
