“ໂຣນັລໂດ” ກຽມແຊງຕໍານານດາວຍິງສູງສຸດຕະຫລອດການ
ກອງໜ້າຂອງ ແມນເຊສເຕີ ຢູໄນເຕັດ ກາຍເປັນຜູ້ຍິງປະຕູລະດັບອາຊີບຫລາຍທີ່ສຸດ ຫຼັງຈາກການແຂ່ງຂັນພຣີເມຍລີກ ນັດທີ່ ຊະນະ ອາເຊນອລ, ແຕ່ຍັງເຫລືອອີກ 1 ດ່ານ ຫາກນບຂໍ້ມູນທີ່ຖືກບັນທຶກ.
ໃນວັນທີ 3 ທັນວາ 2021 ທີ່ຜ່ານມາ ຄວັນຫລົງການແຂ່ງຂັນບານເຕະ ພຣີເມຍລີກ ອັງກິດ ນັດທີ 14 ເຊິ່ງ ແມນເຊສເຕີ ຢູໄນເຕັດ ເປີດບ້ານເອົາຊະນະ ອາເຊນອລ ສຸດມັນ 3-2 ເຮັດໃຫ້ “ຜີສາດແດງ” ເກັບໄດ້ 21 ຄະແນນ ຂຶ້ນມາຢູ່ອັນດັບ 7. ສ່ວນ “ອາເຊນອລ”. ຍັງມີ 23 ຄະແນນ ຄືເກ່ົາ ຄອງອັນດັບ 5.
ໃນເກມນີ້, ຄຣິສຕຽນໂນ ໂຣນັລໂດ ຍິງ 2 ປະຕູດຽວໃຫ້ກັບ ແມນເຊສເຕີ ຢູໄນເຕັດ ພ້ອມເພີ່ມສະຖິຕິການຍິງປະຕູຕະຫຼອດອາຊີບຂອງຕົນເປັນ 801 ປະຕູ, ກາຍເປັນນັກເຕະຄົນທຳອິດທີ່ຍິງໄດ້ກວ່າ 800 ປະຕູ.
ຢ່າງໃດກໍຕາມ, ຂໍ້ມູນບາງແຫຼ່ງຂ່າວລະບຸວ່າ ໂຈເຊບ ບີຊານ ອະດີດກອງໜ້າຊາວອອສເຕຣຍ ເຊື້ອສາຍ ສ.ເຊັກ ຄືເຈົ້າຂອງສະຖິຕິຍິງປະຕູຫລາຍທີ່ສຸດຕະຫຼອດການດ້ວຍ 821 ປະຕູ. ຈາກການອ້າງອີງໂດຍສະມາຄົມບານເຕະຂອງ ສ.ເຊັກ, ແຕ່ຂໍ້ມູນຈາກອົງການລວບລວມສະຖິຕິບານເຕະລະຫວ່າງປະເທດ (RSSSF) ລະບຸວ່າເປັນການຍິງໃນອາຊີບນັກເຕະ 805 ປະຕູ, ແຕ່ 27 ປະຕູ ໃນຈຳນວນນັ້ນເປັນການຍິງໃຫ້ກັບທີມສຳຮອງຂອງ ຣາປີ ວຽນນາ ແລະ ທີມສະຫມັກຫລິ້ນ ລວມເຖິງຍັງມີການເຮັດປະຕູໃນເກມທີມຊາດຢ່າງບໍ່ເປັນການທງ.
ທັງນີ້ ໂຣນັລໂດ ຕາມທີ່ມີການບັນທຶກໄວ້ຍັງມີໂອກາດທີ່ຈະທໍາລາຍສະຖິຕິທີ່ຕັ້ງໄວ້ໂດຍ ໂຈເຊຟ. ແຫຼ່ງຂ່າວອີກອັນໜຶ່ງເປີດເຜີຍວ່າ ເປເລ ອະດີດນັກເຕະຊາວບຣາຊິລ ຍິງໄດ້ຫຼາຍກວ່າ 1,000 ປະຕູ, ແຕ່ຖືກຕັດເກມໃນເກມມິດຕະພາບ ແລະ ເກມທີ່ບໍ່ເປັນທາງການອອກໄປກໍຈະເຫລືອພຽງ 767.
5 ອັນດັບນັກເຕະຄະແນນສູງສຸດຕະຫຼອດການ (ມີການບັນທຶກສະຖິຕິ)
- ໂຈເຊຟ ບີຊານ (ເຊັກ-ອອສເຕຣຍ) 805+ ປະຕູ 530+ ນັ (1931 – 1956) *ຕົວເລກທີ່ບໍ່ເປັນທາງການ
- ຄຣິສເຕຍໂນ ໂຣນັລໂດ (ໂປຣຕຸເກສ) 801 ປະຕູ, 1,097 ເກມ (ປີ 2001 – ປັດຈຸບັນ)
- ໂຣມາຣິໂອ (ບຣາຊິລ) 772 ປະຕູ 994 ເກມ ( ປີ1985 – 2007)
- ເປເລ (ບຣາຊິລ) 767 ປະຕູ, 831 ເກມ (ປີ1957 – 1977)
- ລີໂອເນລ ເມສຊີ (ອາເຈນຕິນາ) 755 ປະຕູ 942 ເກມ ( ປີ 2003 – ປັດຈຸບັນ)
