ຊື້ປີ້ໂດຍສານລົດໄຟລາວ-ຈີນໄດ້ແລ້ວ ຫຼັງມື້ເປີດໃຊ້ທາງການ
ຫຼັງຈາກມື້ເປີດບໍລິການເປັນທາງການ, ການຊື້ປີ້ລົດໄຟຂອງຜູ້ໂດຍສານ ກ່ອນຈະເດີນທາງຕ້ອງຊື້ປີ້ຢູ່ປ່ອງບໍລິການຂາຍປີ້ ທີ່ສະຖານີລົດໄຟທີ່ເປີດບໍລິການເບື້ອງຕົ້ນ ກໍຄືນະຄອນຫຼວງວຽງຈັນ-ບໍ່ເຕັນ 1 ຖ້ຽວ (ໄປ-ກັບ) ແລະນະຄອນຫຼວງວຽງຈັນ-ຫຼວງພະບາງ 1 ຖ້ຽວ(ໄປ-ກັບ). ອີງຕາມແຈ້ງການຂອງບໍລິສັດທາງລົດໄຟລາວ-ຈີນຈຳກັດແຈ້ງໃນວັນທີ 30 ພະຈິກ 2021.
ຂໍ້ມູນແຈ້ງວ່າ: ໃນໄລຍະທີ່ມີການລະບາດຂອງໂຄວິດ-19, ແມ່ນສາມາດມາຊື້ປີ້ໄດ້ລ່ວງໜ້າ 3 ວັນກ່ອນເດີນທາງ ແລະໃນເວລາຊື້ປີ້ລົດໄຟຕ້ອງໄດ້ສະແດງບັດປະຈໍາຕົວ, ບັດສັກວັກຊີນຄົບ 2 ເຂັມເພື່ອເປັນການຢັ້ງຢືນ. ຜູ້ໂດຍສານສາມາດປ່ຽນສະຖານີຂຶ້ນ-ລົງລົດໄຟ, ເວລາຂຶ້ນລົດໄຟ ແລະບ່ອນນັ່ງໄດ້ທີ່ປ່ອງບໍລິການຂາຍປີ້ ພາຍໃນ 48 ຊົ່ວໂມງກ່ອນລົດໄຟຈະອອກ, ໃນກໍລະນີຫຼັງລົດໄຟອອກແລ້ວ ແມ່ນສາມາດປ່ຽນໃໝ່ໄດ້ຕາມມື້ທີ່ລະບຸຢູ່ໃນປີ້ລົດໄຟ ແລະຈະບໍ່ສາມາດປ່ຽນເປັນມື້ຖັດໄປ ຫຼື ປ່ຽນພາຍຫຼັງໄດ້ຕາມໃຈ. ສໍາລັບ, ການຖອນປີ້ຄືນແມ່ນຕ້ອງດໍາເນີນການກ່ອນລົດໄຟຈະ ອອກ ແລະການຖອນປີ້ຄືນແມ່ນຈະຫັກຄ່າທໍານຽມການຖອນປີ້ 20% ຂອງມູນຄ່າປີ້.
ຂໍ້ມູນແຈ້ງຕື່ມວ່າ: ຜູ້ໂດຍສານທີ່ຈະເດີນທາງ ແມ່ນໃຫ້ມາຮອດສະຖານີລົດໄຟກ່ອນ 1 ຊົ່ວໂມງ ກ່ອນທີ່ລົດໄຟຈະອອກ ພ້ອມກັບການໃຊ້ປີ້ຢັ້ງຢືນເພື່ອເຂົ້າໃນສະຖານີ ແລະດໍາເນີນການກວດກາຄວາມປອດໄພຂອງເຄື່ອງ, ຫຼັງຈາກກວດກາແລ້ວໃຫ້ໄປລໍຖ້າທີ່ເຂດລໍຖ້າ, ຕາມຫຼັກການກ່ອນຂະບວນລົດໄຟ EMU ຈະອອກເດີນທາງຈາກສະຖານີຕົ້ນທາງ 20 ນາທີ ຈະເລີ່ມຂັ້ນຕອນການແຈ້ງປີ້ເພື່ອຂື້ນລົດໄຟ ແລະຈະຢຸດການແຈ້ງປີ້ກ່ອນ ລົດໄຟຈະອອກ 5 ນາທີ, ກະລຸນາເກັບຮັກສາປີ້ລົດໄຟໃຫ້ດີ ລະຫວ່າງທາງ ຂື້ນລົດ, ລົງລົດໄຟ. ຫຼັງຈາກຮອດສະຖານີຈະຕ້ອງໄປບ່ອນກວດກາປີ້ຢູ່ຊ່ອງທາງອອກເພື່ອອອກຈາກສະຖານີ.
ນອນນີ້, ຜູ້ໂຍສານຍັງມີສິດທິພິເສດຄື: ຜູ້ໂດຍສານຜູ້ໃຫຍ່ຫນຶ່ງຄົນ ສາມາດພາເດັກນ້ອຍທີ່ມີສ່ວນສູງບໍ່ເກີນ 1.2 m ຂື້ນລົດໄຟໂດຍບໍ່ ເສຍຄ່າປີ້ໄດ້ 1 ຄົນ, ແຕ່ຈະບໍ່ມີຕັ່ງນັ່ງໃຫ້ສໍາລັບເດັກນ້ອຍທີ່ພາຂື້ນລົດໄຟມາ, ຖ້າຫາກມີເດັກນ້ອຍເກີນ 1 ຄົນ, ຈໍານວນຄົນທີ່ເກີນມາຕ້ອງໄດ້ຊື້ປີ້ສໍາລັບເດັກນ້ອຍ. ກໍລະນີເດັກນ້ອຍທີ່ພາຂື້ນລົດໄຟໂດຍບໍ່ເສຍຄ່າປີ້ຢາກຈະນໍາໃຊ້ຕັ່ງນັ່ງຂອງຜູ້ໃຫຍ່, ຈະຕ້ອງໄດ້ຊື້ປີ້ສໍາລັບເດັກນ້ອຍ.
ສຳລັບລາຄາ ຕົ້ນທາງຈາກນະຄອນຫລວງວຽງຈັນໄປຫາ ໂພນໂຮງ ຂະບວນລົດໄຟ EMU ຊັ້ນ 1 ແມ່ນ 86,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 58,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 40,000 ກີບ/ຄົນ/ຖ້ຽວ; ວັງວຽງ ຂະບວນລົດໄຟ EMU ຊັ້ນ 1 ແມ່ນ 164,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 103,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 74,000 ກີບ/ຄົນ/ຖ້ຽວ; ຫລວງພະບາງ ຂະບວນລົດໄຟ EMU ຊັ້ນ 1 ແມ່ນ 313,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 198,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 140,000 ກີບ/ຄົນ/ຖ້ຽວ; ເມືອງໄຊ ຂະບວນລົດໄຟ EMU ຊັ້ນ 1 ແມ່ນ 443,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 279,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 198,000 ກີບ/ຄົນ/ຖ້ຽວ; ບໍ່ເຕັນ ຂະບວນລົດໄຟ EMU ຊັ້ນ 1 ແມ່ນ 529,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 333,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 238,000 ກີບ/ຄົນ/ຖ້ຽວ.
ສ່ວນຕົ້ນທາງຈາກ ໂພນໂຮງ ໄປຫາ ວັງວຽງ ຂະບວນລົດໄຟ EMU ຊັ້ນ 1 ແມ່ນ 79,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 52,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 38,000 ກີບ/ຄົນ/ຖ້ຽວ; ຫລວງພະບາງ ຂະບວນລົດໄຟ EMU ຊັ້ນ 1 ແມ່ນ 230,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 146,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 104,000 ກີບ/ຄົນ/ຖ້ຽວ; ເມືອງໄຊ ຂະບວນລົດໄຟ EMU ຊັ້ນ 1 ແມ່ນ 360,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 227,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 162,000 ກີບ/ຄົນ/ຖ້ຽວ; ບໍ່ເຕັນ ຂະບວນລົດໄຟ EMU ຊັ້ນ 1 ແມ່ນ 446,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 281,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 200,000 ກີບ/ຄົນ/ຖ້ຽວ;
ຕົ້ນທາງຈາກ ວັງວຽງ ໄປຫາ ຫລວງພະບາງ ຂະບວນລົດໄຟ EMU ຊັ້ນ 1 ແມ່ນ 155,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 97,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 70,000 ກີບ/ຄົນ/ຖ້ຽວ; ເມືອງໄຊ ຂະບວນລົດໄຟ EMU ຊັ້ນ 1 ແມ່ນ 248,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 178,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 128,000 ກີບ/ຄົນ/ຖ້ຽວ; ບໍ່ເຕັນ ຂະບວນລົດໄຟ EMU ຊັ້ນ 1 ແມ່ນ 371,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 232,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 167,000 ກີບ/ຄົນ/ຖ້ຽວ.
ຕົ້ນທາງຈາກ ຫລວງພະບາງ ໄປຫາ ເມືອງໄຊ ຂະບວນລົດໄຟ EMU ຊັ້ນ 1 ແມ່ນ 133,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 85,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 61,000 ກີບ/ຄົນ/ຖ້ຽວ; ບໍ່ເຕັນ ຂະບວນລົດໄຟ EMU ຊັ້ນ 1 ແມ່ນ 220,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 139,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 99,000 ກີບ/ຄົນ/ຖ້ຽວ.
ຕົ້ນທາງຈາກ ເມືອງໄຊ ໄປຫາ ບໍ່ເຕັນ ຂະບວນລົດໄຟ EMU ຊັ້ນ 1 ແມ່ນ 99,000 ກີບ/ຄົນ/ຖ້ຽວ, ຂະບວນລົດໄຟ EMU ຊັ້ນ 2 ແມ່ນ 58,000 ກີບ/ຄົນ/ຖ້ຽວ, ຂະບວນລົດໄຟຄວາມໄວທຳມະດາ ແມ່ນ 41,000 ກີບ/ຄົນ/ຖ້ຽວ.
