ອົງການອະນາໄມໂລກ ເຕືອນຄຳສັ່ງຫ້າມເດີນທາງບໍ່ຊ່ວຍສະກັດໂອໄມຄຣອນ
ຕາມຂ່າວຈາກ ເຈນີວາ,ວັນທີ1ທັນວາ2021,ອົງການ ອະນາໄມໂລກ ເຕືອນວ່າ: ການໃຊ້ມາດຕະການ ຫ້າມການເດີນທາງ ແບບກວ້າງຂວາງ ໄປທົ່ວ ຈະບໍ່ຊ່ວຍປ້ອງກັນ ການແຜ່ລະບາດ ເຊື້ອພະຍາດ ໂຄວິດ-19ສາຍພັນໃໝ່ ໂອໄມຄຣອນ ທ່າມກາງ ສະຖານະການ ຫລາຍປະເທດ ເລັ່ງປະກາດ ໃຊ້ມາດຕະການ ດັ່ງກ່າວ ຫລາຍຂຶ້ນ ໃນຂະນະທີ່ ພາກພື້ນ ອາເມລິກາ ລາຕິນ ກວດພົບ ຜູ້ຕິດເຊື້ອ ໂຄວິດ ສາຍພັນ ໂອໄມຄຣອນແລ້ວ2ຄົນ ພາຍຫລັງ ທ່ານ ທີໂດຣສ ອັດຮານອມ ກີບຣີເຢຊຸສ,ຜູ້ອຳນວຍການ ອົງການ ອະນາໄມໂລກ ກ່າວວ່າ:ຄວາມເຂົ້າໃຈວ່າ ປະເທດຕ່າງໆ ຕ້ອງຫາທາງປົກປ້ອງ ພົນລະເມືອງ ຂອງຕົນ ຈາກເຊື້ອພະຍາດ ໂອໄມຄຣອນ ທີ່ຍັງບໍ່ມີຂໍ້ມູນ ອະທິບາຍ ຢ່າງລະອຽດ ແຕ່ຮຽກຮ້ອງ ໃຫ້ທົ່ວໂລກ ຢ່າແຕກຕື່ນ ຕົກໃຈຫລາຍ ໃຫ້ຮ່ວມມື ແລະ ເຮັດວຽກ ຮ່ວມກັນ ຢ່າງຕໍ່ເນື່ອງ ພ້ອມທັງ ຮຽກຮ້ອງ ໃຫ້ປະເທດຕ່າງໆ ໃຊ້ມາດຕະການ ຄວບຄຸມເຊື້ອພະຍາດ ດັ່ງກ່າວ ຢ່າງສົມເຫດ ສົມຜົນ.
