ຣາມອສ-ເມສຊີ ຕອນນີ້ຮັກກັນດີ

ກອງຫລັງປະສົບການຫລາຍຊາວສະເປີນ ອວຍພອນໃສ່ ລີໂອເນລ ເມສຊີ ວ່າເປັນນັກເຕະທີ່ດີເດ່ັນຂອງງໂລກ ພ້ອມເຊື່ອວ່າຄູ່ຄວນກັບການຄວ້າລາງວັນບານຄຳໃນປີນີ້.

ເຊີຄີໂອ ຣາມອສ ຄືຫນຶ່ງໃນນັກເຕະຊັ້ນນຳຂອງເອີຣົບ ທີ່ຖືກດຶງໂຕມາຮ່ວມ ປາຣິສ ແຊງແຊັກແມັງ ແບບບໍ່ມີຄ່າໂຕ ໃນໄລຍະລະດູການຜ່ານມາ ເຊິ່ງ ຣາມອສ ຕ້ອງຍ້າຍມາຮ່ວມງານກັບ ລີໂອເນລ ເມສຊີ ເປັນຄັ້ງທຳອິດ ຫລັງຈາກທີ່ທັງຄູ່ເຄີຍເປັນຄູ້ກັນໃນສະເປັນມາຢ່າງຍາວນານ.

ແຕ່ຫລ້າສຸດ ຣາມອສ ຢືນຢັນວ່າ : ຄວາມຂັດແຍ່ງຂອງທັງຄູ່ກາຍເປັນອະດີດໄປແລ້ວ ແລະຕອນນີ້ຕ້ອງສຸ່ມໃສ່ການພາ ເປແອສເຊ ປະສົບຄວາມສຳເລັດໃຫ້ຫລາຍທີ່ສຸດ ແລະ ຍັງໄດ້ອວຍພອນໃຫ້ ເມສຊີ ຄວ້າລາງວັນບານຄຳ ຫລື ຟີຟາ ບັນລົງ ດໍ ເປັນສະໄຫມທີ 7 ໃຫ້ໄດ້.

ແນ່ນນອນ ຂ້ອຍຫວັງວ່າ ລາວຈະຄວ້າລາງວັນມາໄດ້ ຂ້ອຍຈະປົກປ້ອງຫມູ່ຮ່ວມທີມຂອງຂ້ອຍທຸກຄົນ ແລະ ຢາກອວຍພອນໃຫ້ລາວໂຊກດີທີ່ສຸດ ຕອນນີ້ຂ້ອຍຄິດວ່າ ເມສຊີ ຢູ່ໃນສະພາບທີ່ໂດດເດ່ັນທີ່ສຸດ ລາວເປັນນັກເຕະທີ່ສ້າງຄວາມແຕກຕ່າງໄດ້ຢ່າງຈະແຈ້ງ ແລະ ຂ້ອຍຮູ້ສຶກເປັນກຽດຫລາຍທີ່ໄດ້ມາຢູ່ໃນທີມດຽວກັບລາວ.