ອັງກິດ ລວມທັງຫລາຍປະເທດໃນເອີຣົບ ກວດພົບຜູ້ຕິດເຊື້ອໂຄວິດ ສາຍພັນໂອມິຄຣອນແລ້ວ

November 28, 2021 - 12:29 PM

ອັງກິດ ລວມທັງຫລາຍປະເທດໃນເອີຣົບ ກວດພົບຜູ້ຕິດເຊື້ອໂຄວິດ ສາຍພັນໂອມິຄຣອນແລ້ວ - kitchen vibe - ອັງກິດ ລວມທັງຫລາຍປະເທດໃນເອີຣົບ ກວດພົບຜູ້ຕິດເຊື້ອໂຄວິດ ສາຍພັນໂອມິຄຣອນແລ້ວ

ວັນທີ 27 ພະຈິກ 2021, ທາງການໃນຫລາຍປະເທດ ບໍ່ວ່າຈະເປັນອັງກິດ, ເຢຍລະມັນ, ອິຕາລີ ແລະ ສ.ເຊັກ ລວມທັງອີກຫລາຍປະເທດໃນເອີຣົບ ເລີ່ມທະຍອຍກວດພົບຜູ້ຕິດເຊື້ອໂຄວິດສາຍພັນໂອມິຄຣອນ (Omicron) ແລ້ວ ເຊິ່ງຜູ້ຕິດເຊື້ອສ່ວນຫລາຍມີປະຫວັດເດີນທາງກັບຈາກທາງຕອນໃຕ້ຂອງທະວີບອາຟຣິກາ ໂດຍຜູ້ຕິດເຊື້ອ 2 ຄົນທີ່ເດີນທາງເຖິງອັງກິດ ຢູ່ລະຫວ່າງການກັກຕົວແລ້ວຢູ່ເມືອງນ໊ອດຕິງແຮມ ແລະ ເອສເຊັກ ຫລັງກວດພົບການຕິດເຊື້ອໂອມິຄຣອນ.

ໂດຍທາງການອັງກິດປະກາດໃຫ້ອາຟຣິກາໃຕ້, ນາມິເບຍ, ຊິມບັບເວ, ບອດສວານາ, ເລໂຊໂທ, ເອສວາຕີນີ, ແອງໂກລາ, ໂມຊຳບິກ, ມາລາວີ ແລະ ແຊມເບຍ ເປັນກຸ່ມປະເທດສີແດງ ຜູ້ທີ່ເດີນທາງມາຈາກປະເທດເຫລົ່ານີ້ທັງໝົດຈຳເປັນຕ້ອງກັກຕົວຢູ່ພາຍໃນໂຮງແຮມເປັນຈຳນວນ 10 ວັນ.

ອັງກິດ ລວມທັງຫລາຍປະເທດໃນເອີຣົບ ກວດພົບຜູ້ຕິດເຊື້ອໂຄວິດ ສາຍພັນໂອມິຄຣອນແລ້ວ - Visit Laos Visit SALANA BOUTIQUE HOTEL - ອັງກິດ ລວມທັງຫລາຍປະເທດໃນເອີຣົບ ກວດພົບຜູ້ຕິດເຊື້ອໂຄວິດ ສາຍພັນໂອມິຄຣອນແລ້ວ

ຂະນະທີ່ເນເທີແລນເປັນອີກປະເທດໜຶ່ງກວດພົບຜູ້ຕິດເຊື້ອໂຄວິດສູງເຖິງ 61 ຄົນ ຈາກ 2 ຖ້ຽວບິນທີ່ເດີນທາງມາຈາກອາຟຣິກາໃຕ້. ເບື້ອງຕົ້ນຍັງບໍ່ມີການຢືນຢັນວ່າໃນຈຳນວນນີ້ມີຜູ້ຕິດເຊື້ອໂຄວິດກາຍພັນໂອມິຄຣອນຈຳນວນເທົ່າໃດ.

ຫລັງຈາກຫລາຍປະເທດເລີ່ມທະຍອຍກວດພົບຜູ້ຕິດເຊື້ອໂຄວິດກາຍພັນສາຍພັນໃໝ່ ບວກກັບອົງການອະນາໄມໂລກ (WHO) ປະກາດໃຫ້ໂອມິຄຣອນ (B.1.1.529) ເປັນສາຍພັນລະດັບທີ່ໜ້າກັງວົນ (Variants of Concern: VOC) ຊະນິດໃໝ່ ຕໍ່ຈາກເຊື້ອສາຍພັນເດວຕາ (B.1.617.2) ທາງການໃນຫລາຍປະເທດເລີ່ມຕື່ນຕົວ ພ້ອມຍົກລະດັບມາດຕະການຮັບມືໂຄວິດຂຶ້ນອີກ ຫລາຍປະເທດເລີ່ມທະຍອຍຄັດກອງຜູ້ທີ່ເດີນທາງກັບມາຈາກປະເທດທາງຕອນໃຕ້ຂອງອາຟຣິກາ ລວມທັງໂຈະຖ້ຽວບິນຈາກພື້ນທີ່ເຂດດັ່ງກ່າວແລ້ວ.

ຫລ້າສຸດ ອິດສະລາແອນເປັນອີກໜຶ່ງປະເທດທີ່ປະກາດຫ້າມການເດີນທາງເຂົ້າປະເທດຊົ່ວຄາວ ກັງວົນສາຍພັນໂອມິຄຣອນແຜ່ລະບາດພາຍໃນປະເທດ ພ້ອມຈະນຳເອົາເຕັກໂນໂລຊີຕິດຕາມທີ່ເຊື່ອມໂຍງກັບໂທລະສັບມືຖືມາຊ່ວຍຕິດຕາມ, ຄວບຄຸມ ແລະ ຮັບມືການແຜ່ລະບາດຂອງເຊື້ອໂຄໂຣນາໄວຣັສກາຍພັນສາຍພັນໃໝ່ທີ່ທົ່ວໂລກກຳລັງເຝົ້າຕິດຕາມໃນປັດຈຸບັນ.

ຂະນະທີ່ບັນດາຜູ້ຜະລິດ ແລະ ພັດທະນາວັກຊີນປ້ອງກັນໂຄວິດລາຍໃໝ່ກຳລັງເດີນໜ້າສຶກສາເຊື້ອໂອມິຄຣອນນີ້ ກຽມພ້ອມພັດທະນາວັກຊີນຮັບມືການກາຍພັນ ໂດຍ Pfizer ພ້ອມຈະປັບປຸງພັດທະນາວັກຊີນໂດຍໄວຖ້າມີຄວາມຈຳເປັນ ຄາດວ່າຈະສາມາດພັດທະນາວັກຊີນ mRNA ໄດ້ພາຍໃນ 6 ອາທິດ ແລະ ເລີ່ມກຽມຈັດສົ່ງ ແລະ ກະຈາຍວັກຊີນໄດ້ພາຍໃນ 100 ວັນ ຫລັງຈາກທີ່ລະບຸຂໍ້ມູນສະເພາະຂອງເຊື້ອກາຍພັນນີ້ໄດ້.

ອ້າງອີງ: