ຣັດເຊຍ ຈະສົ່ງອອກວັກຊິນປ້ອງກັນໂຄວິດ-19 ແບບສີດໃສ່ດັງ ໃນປີ2022
November 26, 2021 - 1:25 PM
ອີງຕາມການລາຍງານຂ່າວຈາກ ມົດສະກູ, ວັນທີ 25 ພະຈິກ 2021 ທີ່ຜ່ານມາ, ຣັດເຊຍ ມີແຜນທີ່ຈະສົ່ງອອກ ວັກຊິນ ສະປຸດນິກ(Sputnik) ທີ່ໃຊ້ປ້ອງກັນ ໂຄວິດ-19 ແບບສີດໃສ່ດັງ ເຊິ່ງເປັນທາດແຫລວ ທີ່ຈະສົ່ງໃຫ້ກັບ ປະເທດອື່ນໆ ໃນປີໜ້າ ຫລັງຈາກ ທ່ານ ວາລາດີເມຍ ປູຕິນ ໄດ້ໃຊ້ວັກຊິນປະເພດນີ້ ແລ້ວ ໃນການກະຕຸ້ນ ພູມຕ້ານທານ ໃນຮ່າງກາຍ. ຂະນະນີ້ ຄະນະຜູ້ຊ່ຽວຊານ ຈາກອົງການ ອະນາໄມໂລກ ຈະເດີນທາງໄປ ຣັດເຊຍ ໃນເດືອນທັນວາ ເພື່ອກວດສອບ ວັກຊິນ ດັ່ງກ່າວ ຢ່າງລະອຽດ ແລະ ອາດຈະໄດ້ຮັບອະນຸຍາດ ຈາກອົງການ ອະນາໄມໂລກ ໃນໄວ້ນີ້.
