ສ່ອງປະຫວັດຜູ້ຮັກສາຄວາມປອດໄພສ່ວນໂຕຝາແຝດ ຂອງ ໂຣນັລໂດ ເຄີຍເປັນອະດີດທະຫານກອງກຳລັງພິເສດ

ຜູ້ຮັກສາຄວາມປອດໄພຝາແຝດສ່ວນໂຕຂອງ ຄຣິສຕຽນໂນ ໂຣນັລໂດ ດາວຍິງຄົນດັງຂອງ ແມນເຊສເຕີ ຢູໄນເຕັດ  ທີມດັງແຫ່ງການແຂ່ງຂັນ ພຣີເມຍລີກ ອັງກິດ ແລະ ຄອບຄົວຂອງລາວ ໂດຍມີຊື່ວ່າ : ເຊີຈີໂອ ຣາມັລໄຮໂຣ ກັບ ຮໍເກ ຣາມັລໄຮໂຣ ເຄີຍເປັນອະດີດທະຫານກອງກຳລັງພິເສດທີ່ເຄີຍປະຈຳການໃນປະເທດອັບການິສຖານມາແລ້ວ ລວມເຖິງເຄີຍຜ່ານການຝຶກຢູ່ໃນກອງກຳລັງພິເສດ ໜ່ວຍຮົບສຸດເກ່ັງໃນຕຳແຫນ່ງຕຳນານທີ່ຖືກກໍ່ຕັ້ງຂຶ້ນໃນປະເທດແອງໂກລາຕັ້ງແຕ່ປີ 1962 ນຳອີກ.

ຝາແຝດທັງຄູ່ ມີຈຸດເດ່ັນທີ່ມີຮູບຮ່າງໃຫຍ່ ຫນ້າເກງກົວ ແລະ ມີຄວາມຄ່ອງແຄ່ວວ່ອງໄວໃນການປະຕິບັດງານ ເຊິ່ງຫລັງຈາກທັງສອງປົດປະຈຳການຈາກກອງກຳລັງກອງທັບປັອກຕຸຍການແລ້ວ ທັງສອງກໍເຂົ້າເປັນສະມາຊິກຂອງໜ່ວຍຕຳລວດພິເສດທີ່ມີຫນ້າທີ່ຫລັກຄືຮັກສາຄວາມປອດໄພໃຫ້ກັບບັນດານັກການເມືອງ, ຜູ້ພິພາກສາ ຕະຫລອດຈົນບຸກຄົນດັງມາກ່ນຫນ້ານີ້ ແລະ ຫລ້າສຸດກັບການຄຸ້ມຄອງຄວາມປອດໄພໃຫ້ກັບຄົນໃນວົງການບານເຕະຄືດາວຍິງຄົນດັງຂອງຍອດທີມແຫ່ງຖິ່ນ ໂອລ ແທຣຟຟອດ ໃນເວລານີ້.