ກັກໂຕຢູ່ເຮືອນ ກັບ 8 ອາຫານເສີມສ້າງພູມຕ້ານທານ
November 26, 2021 - 10:00 AM
- ຂີ້ໝິ້ນຂຶ້ນ : ພືດສະໝຸນໄພທີ່ເຊື່ອກັນມາດົນນານວ່າຊ່ວຍຕໍ່ຕ້ານການອັກເສບ, ສານເຄີຄູມິນທີ່ຢູ່ພາຍໃນຂີ້ໝິ້ນຂຶ້ນຊ່ວຍເພີ່ມປະລິມານ ແລະ ກະຕຸ້ນການເຮັດວຽກຂອງທີ – ແຊນ.
- ຂີງ : ປຽບດັ່ງຢາປິ່ນປົວຕາມທຳມະຊາດ ແລະ ເປັນໂຕຊ່ວຍກະຕຸ້ນພູມຕ້ານທານໃຫ້ເຮັດວຽກຢ່າງມີປະສິດທິພາບ ຊ່ວຍຫລຸດອາການເຈັບຄໍ ແລະ ອາການອັກເສບຕ່າງໆ.
- ໝາກໄມ້ໃນຕະກູນເບີຣີ : ໝາກສະຕໍເບີຣີ, ໝາກເຊີຣີ, ແຄນເບີຣີ, ບລູເບີຣີ ອຸດົມໄປດ້ວຍວິຕາມິນ C, ໄບໂອຟລາໂວນອຍ ແລະ ສານພືດເຄມີ ຊ່ວຍຕ້ານອະນຸມູນອິດສະລະ.
- ໝາກໄມ້ທີ່ມີລົດຊາດສົ້ມ : ເປັນຕົ້ນແມ່ນໝາກກ້ຽງ, ໝາກນາວ, ໝາກນັດ, ໝາກມ່ວງ, ໝາກຍົມ, ໝາກຂາມ, ໝາກກ້ຽງໃຫຍ່, ໝາກຂາມປ້ອມ ລ້ວນແຕ່ມີວິຕາມິນ C ຫລາຍ ຊ່ວຍກະຕຸ້ນໃຫ້ຮ່າງກາຍສ້າງແຊນເມັດເລືອດຂາວ ເພື່ອຕໍ່ສູ້ກັບເຊື້ອພະຍາດ.
- ຊາຂຽວ : ເຕັມໄປດ້ວຍສານຕ້ານອະນຸມູນອິດສະລະ, ແຄຊິທີນ ແລະ ກົດອະມິໂນທີ່ມີຊື່ວ່າ ແອລ – ທີອະນີນ ເຊິ່ງອາດມີສ່ວນຊ່ວຍໃນການສ້າງສານປະກອບທີ່ຊ່ວຍຕໍ່ສູ້ກັບເຊື້ອພະຍາດໃຫ້ກັບ ທີ – ແຊນ.
- ໂຢເກິດ : ເປັນແຫ່ລງຂອງວິຕາມິນ D ແລະ ມີຈຸລິນຊີຊະນິດດີ ເຮັດໃຫ້ລະບົບພູມຕ້ານທານເຮັດວຽກຢ່າງມີປະສິດທິພາບຍິ່ງຂຶ້ນ.
- ປາ : ມີກົດໄຂມັນໂອເມກ້າ – 3 ແລະ ໄຂມັນທີ່ມີປະໂຫຍດ ເຮັດໃຫ້ແຊນເມັດເລືອດຂາວເຮັດວຽກໄດ້ດີຂຶ້ນ ແລະ ຊ່ວຍໃຫ້ພູມຕ້ານທານຂອງຮ່າງກາຍເຮັດວຽກໄດ້ຢ່າງມີປະສິດທິພາບ.
- ໝາກເຜັດຢວກ ຫລື ໝາກເຜັດໃຫຍ່ (ໝາກເຜັດຫວານ) : ມີວິຕາມິນ C ເປັນ 2 ເທົ່າຂອງໝາກໄມ້ທີ່ມີລົດຊາດສົ້ມ ຊ່ວຍເສີມສ້າງລະບົບພູມຕ້ານທານ.
