ເລບຣອນ ເຈມ ຖືກ NBA ລົງໂທດ ແລະ ປັບໃຫມ ຫລັງຕີໜ້າຄູ່ແຂ່ງ
ເລບຣອນ ເຈມ ຖືກໂທດ ແລະ ຖືກປັບໃໝຢ່າງໜັກ ຈາກກໍລະນີ ເອົາມືໄປຟາດຫນ້າຄູ່ແຂ່ງຈົນເລືອດອາບຫນ້າຄາສະໜາມ ກ່ອນທີ່ຈະເກີດຄວາມວຸ້ນວາຍ, ໃນຂະນະທີ່ຝ່າຍກໍລະນີກໍຖືກລົງໂທດເຊັ່ນດຽວກັນ.
ວັນອັງຄານທີ 23 ພະຈິກ 2021, ຫຼັງຈາກ ເລບຣອນ ເຈມ ນັກກິລາບານບ້ວງຂອງ ລອສ ແອງເຈລີສ ເລເກີສ ຖືກຜູ້ຕັດສິນໄລ່ອອກຈາກສະຫນາມໃນເກມທີ່ ເລເກີສ ເປີດບ້ານເອົາຊະນະ ດິທຣອຍ ປິສຕັນ ດ້ວຍຄະແນນ 116-112 ໃນການແຂ່ງຂັນ NBA ຕອນເຊົ້າມື້ວານນີ້.
ລາວຖືກໄລ່ອອກຍ້ອນເອົາມືໄປຕົບໃສ່ຫນ້າຂອງ ໄອເຊ ສະຈວດ ກອງໜ້າຂອງ ດີທຣອຍ, ຫລັງຈາກນັ້ນກໍ່ມີການປະທະກັນໃນສະໜາມກ່ອນກຳມະການຈະເບິ່ງພາບຊ້າ ແລະ ໄລ່ທັງສອງອອກຈາກສະໜາມ, ການໄລ່ອອກຈາກສະໜາມເທື່ອນີ້ ນັບເປັນຄັ້ງທີສອງຂອງ ເຈມ ໃນອາຊີບການຫລິ້ນຂອງລາວ . ໂດຍຄັ້ງທໍາອິດເກີດຂຶ້ນໃນເດືອນພະຈິກ 2017 ໃນຂະນະທີ່ຫຼີ້ນໃຫ້ກັບ ຄລີບແລນ ຄາວາລຽສ.
ລ່າສຸດ NBA ມີບົດລົງໂທດຂອງກໍລະນີດັ່ງກ່າວອອກມາແລ້ວ ໂດຍ ເລບຣອນ ເຈມ ຈະຖືກຫ້າມລົງສະຫນາມໜຶ່ງເກມ ແລະ ປັບໃໝເຖິງ 284,000 ໂດລາ. ໂດຍກຳມະການໃຫ້ເຫດຜົນວ່າມີຄວາມຜິດຮ້າຍແຮງເກີນໄປ ແລະ ເຮັດໃຫ້ເກີດຄວາມວຸ່ນວາຍນີ້.
ສໍາລັບ ສະຈວດ ຄູ່້ກໍລະນີຖືກໂທດຫ້າມລົງຫລິ້ນ 2 ເກມ ພ້ອມປັບໃໝອີກ 45,000 ໂດລາ ໂດຍກຳມະການໃຫ້ເຫດຜົນວ່າ ສະຈວດ ບໍ່ຍອມຄວບຄຸມອາລົມຂອງຕົນ. ແລະພະຍາຍາມທີ່ຈະໄປຫາເລື່ອງເອົາຄືນໃຫ້ໄດ້.
ຢ່າງໃດກໍຕາມ, ເລບຣນ ເຈມ ແລະ ລອສ ແອນເຈລິສ ເລເກີ ຈະກັບມາພົບກັນອີກເທື່ອຫນຶ່ງ. ວັນຈັນທີ 29 ພະຈິກນີ້ ຈະເປັນທີ່ໜ້າສົນໃຈຫຼາຍວ່າ ຄູ່ດັ່ງກ່າວຈະກັບມາມີບັນຫາໃນສະໜາມ ຫຼື ບໍ່.
