ປະຕິເສດສັກວັກຊີນປ້ອງກັນໂຄວິດ-19 ຈະຖືກປັບໃໝ 3.600 euro ຫຼື ປະມານ 4.000 USD

ຊາວ ອອສເຕເລຍ ຄົນໃດຫາກປະຕິເສດທີ່ຈະສັກວັກຊີນປ້ອງກັນໂຄວິດ-19 ຈະຖືກປັບໃໝເປັນເງິນສູງເຖິງ 3.600 euro ຫຼື ປະມານ 4.000 USD. ຊຶ່ງຄຳສັ່ງດັ່ງກ່າວຈະມີຜົນສັກສິດໃນການຈັດຕັ້ງປະຕິບັດເລີ່ມໃນປີໜ້ານີ້.

ສຳນັກຂ່າວ Bloomberg ໃຫ້ຮູ້ວ່າ ຄຳສັ່ງດັ່ງກ່າວເປັນຄຳສັ່ງທີ່ເດັດຂາດຂອງລັດຖະບານ ອອສເຕເລຍ ເພື່ອແນໃສ່ຊຸກຍູ້ການສັກວັກຊີນປ້ອງກັນໂຄວິດ-19 ໃນທ່າມກາງມີຜູ້ຕິດເຊື້ອພາຍໃນປະເທດນັບມື້ເພີ່ມສູງຂຶ້ນ ຈົນລັດຖະບານໄດ້ປະກາດປິດເມືອງອີກຄັ້ງໃນວັນທີ 22 ພະຈິກທີ່ຜ່ານມາ.

ກ່ອນອື່ນໝົດເຈົ້າໜ້າທີ່ຈະມີແຜນສັກໃຫ້ກັບຜູ້ທີ່ບໍ່ທັນໄດ້ຮັບວັກຊິນກ່ອນ ຖ້າຜູ້ໃດຫາກປະຕິເສດບໍ່ສັກກໍຈະຖືກປັບໃໝ ແລະ ຜູ້ທີ່ປະຕິເສດສັກເຂັມກະຕຸ້ນ ກໍຈະຖືກປັບໃໝ 1.700 ໂດລາເຊັ່ນດຽວກັນ.

ເປັນອັນວ່າ ອອສເຕເລຍ ເປັນປະເທດທຳອິດໃນເອີຣົບ ທີ່ມີຄຳສັ່ງໃຫ້ປະຊາຊົນສັກວັກຊີນປ້ອງກັນໂຄວິດ-19 ແບບບຫງຄັບ ທີ່ຈະເລີ່ມແຕ່ເດືອນກຸມພາປີໜ້າເປັນຕົ້ນໄປ ໂດຍປະເທດນີ້ມີປະຊາກອນສັກວັກຊີນຕໍ່າທີ່ສຸດໃນເອີຣົບ, ໄດ້ພຽງແຕ່ 66%

ສຳນັກຂ່າວ ຣອຍເຕີ ໃຫ້ຮູ້ວ່າ ອອສເຕເລຍ ເປັນປະເທດທຳອິດໃນເອີຣົບ ທີ່ປະກາດປິດເມືອງທີ່ເຂັ້ມງວດ ແລະ ເດັດຂາດ ເພື່ອຮັບມືກັບກັບການຕິດເຊື້ອສາຍພັນໃໝ່ທີ່ເພີ່ມຂຶ້ນ. ກ່ອນໜ້ານີ້, ມີບາງປະເທດໃນເອີຣົບ ກໍມີການປະກາດປິດເມືອງຫຼາຍຄັ້ງເຊັ່ນດຽວກັນ ເປັນຕົ້ນແມ່ນປະເທດ ເນເທິແລນ ແຕ່ບໍ່ເຄັ່ງຕຶງຄືກັນກັບປະເທດ ອອສເຕເລຍ ໃນຂະນະນີ້.