ເມົ້າ ກຽມຫນີຈາກເຊວຊີໄປຮ່ວມທີມຄູ່ແຂ່ງ ຫລັງໄດ້ລົງຫລິ້ນນ້ອຍ

ເມສັນ ເມົ້າ ກອງກາງອະນາຄົດໄກຂອງ ເຊວຊີ ຍອດທີມຂອງອັງກິດ ຕົກເປັນຂ່າວຕ້ອງການຍ້າຍອອກຈາກທີມ ໄປຢູ່ກັບທີມຄູ່ແຂ່ງຮ່ວມລີກ ຫລັງຈາກທີ່ລາວບໍ່ມີຄວາມສຸກກັບທີມປັດຈຸບັນ ເພາະໄດ້ລົງຫລິ້ນນ້ອຍ.

ເປັນທີ່ຮູ້ກັນວ່າ ລະດູການນີ້ ເມສັນ ເມົ້າ ບໍ່ໄດ້ຮັບໂອກາດລົງສະຫນາມຢ່າງຕໍ່ເນື່ອງ ໂດຍສະເພາະໃນເກມພຣີເມຍລີກ ອັງກິດ ທີ່ລາວໄດ້ລົງສະຫນາມເປັນໂຕຈິງພຽງ 3 ເກມ ເທົ່ານັ້ນ ຈຶ່ງເຮັດໃຫ້ລາວເລີ່ມບໍ່ມີຄວາມສຸກ ນອກຈາກນີ້ ການເຈລະນາຂະຫຍາຍສັນຍາສະບັບໃຫມ່ຂອງລາວກໍຍັງຄົງຕົກລົງກັນດີ ເນື່ອງຈາກ 75,000 ປອນ/ອາທິດ ເຮັດໃຫ້ລາວເບ່ິງວ່າບໍ່ໄດ້ຮັບການເບິ່ງແຍງທີດີຈາກສະໂມສອນຕົ້ນສັງກັດ.

ນັ້ນເຮັດໃຫ້ມີຂ່າວວ່າ : ເມສັນ ເມົ້າ ອາຍຸ 22 ປີ ພວມຄິດເຖິງຄວາມເປັນໄປໄດ້ໃນການຍ້າຍອອກຈາກທີມໂດຍອາດເປັນທີມຄູ່ແຂງຮ່ວມລີກໂດຍກົງ ເຊ່ັນ : ລີເວີພລ ພາຍໃຕ້ການນຳທີມ ເຈີເກັນ ຄລອບ ຜູ້ຈັດການທີມຊາວເຢຍລະມັນ ເນື່ອງຈາກລາວເຄີຍອອກມາຊື່ນຊົມແນວທາງຂອງທີມລວມເຖິງຍັງລໍຖ້າຈັງຫວະຕອນທີ່ລີເວີພູລ ຊູແຊ໊ມ ພຣີເມຍລີກ ນຳອີກ.