ກະຊວງສາທາລະນະສຸກສຸມໃສ່ 3 ໜ້າວຽກໃນການແກ້ໄຂການລະບາດໂຄວິດ-19

ວັນທີ 20 ພະຈິກ 2021 ຜ່ານມານີ້ ການນຳນະຄອນຫຼວງວຽງຈັນໄດ້ລົງຕິດຕາມຊຸກຍູ້ວຽກງານຕ້ານ ແລະ ຄວບຄຸມພະຍາດໂຄວິດ-19 ຢູ່ບ້ານແດງໃນເມືອງສີໂຄດຕະບອງໃນ 3 ບ້ານຄື: ບ້ານທົ່ງປົ່ງ, ບ້ານຈັນສະຫວ່າງ, ບ້ານເມືອງວາທົ່ງ. ລົງຕິດຕາມຊຸກຍູ້ຄັ້ງນິ້ໂດຍມີ ທ່ານ ພູຂົງ ບັນນະວົງ ຮອງເຈົ້າຄອງນະຄອນຫຼວງວຽງຈັນ, ທ່ານ ປອ ດຣ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ທ່ານ ທະວີໄຊ ເໝົາສົມພູ ເຈົ້າເມືອງໆສີໂຄດຕະບອງ ພ້ອມດ້ວຍກົມກອງ, ວິຊາການ ແລະ ອຳນາດການປົກຄອງບ້ານ.

ການລົງຕິດຕາມຄັ້ງນີ້ໄດ້ຮັບຟັງການລາຍງານສະພາບການເຄື່ອນໄຫວວຽກງານຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ໃນແຕ່ລະບ້ານ, ໄດ້ຮັບຟັງສະພາບຈຸດພິເສດຂອງເມືອງສີໂຄດຕະບອງ.

ໃນຕອນທ້າຍທ່ານລັດຖະມົນຕີກະຊວງສາທາລະນະສຸກໄດ້ປະກອບຄຳເຫັນ ແລະເນັ້ນໜັກເຂົ້າໃນ 3 ໜ້າວຽກຄື:
1. ໃຫ້ຊອກຄົ້ນຫາ C1 ແລະ ແນະນຳໃຫ້ເຂົ້າໃຈປະຕິບັດມາດຕະການເພື່ອໃຫ້ລຸດຜ່ອນການເສຍຊີວິດຈາກໂຄວິດ-19.
2. ແມ່ນໃຫ້ເອົາໃຈໃສ່ຕິດຕາມເຂດບ້ານແດງເພື່ອເຮັດໃຫ້ກາຍເປັນບ້ານເຫລືອງ, ບ້ານຂຽວ ໃຫ້ໄວ້ເພື່ອເຮັດໃຫ້ເຂດບ້ານແດງລຸດລົງ.
3. ໃຫ້ກຸ່ມເປົ້າໝາຍທີ່ສາມາດເຂົ້າເຖີງວັກຊິນໃຫ້ເພີ້ມຂື້ນ.