ເຊລຊີ ແຕ່ງຕັ້ງ ເຄຮິລ ເປັນຫົວໜ້າທີມຄົນໃໝ່ແລ້ວ

ສະໂມສອນ ໂມນາໂກ ທີມ ໃຫຍ່ແຫ່ງລີກເອິງ ຝຣັ່ງ ອອກມາ ເຜີຍວ່າ ຍັງບໍ່ໄດ້ຮັບຂໍ້ສະເໜີຂໍຊື້ ໂຕ ຄີລຽນ ເອັມບັບເປ ກອງໜ້າ ດາວຮຸ່ງຊາວ ຝຣັ່ງ ອາຍຸ 18 ປີ ຈາກ ຣິນ ມາດຣິດ ທີມໃຫຍ່ແຫ່ງ ລາລີກາ ສະເປນ ແຕ່ຢ່າງໃດ ຖື ເປັນການຢຸດຕິຂ່າວລືທີ່ວ່າດາວ ເຕະຜູ້ນີ້ກຳລັງຈະຍ້າຍໄປຫຼິ້ນທີ່ ສະເປນ.
ກ່ອນໜ້ານີ້ມີຂ່າວລືວ່າ ຣິນ ມາດຣິດ ໄດ້ຍື່ນຂໍ້ສະເໜີຄ່າໂຕ ເປັນສະຖິຕິໂລກທີ່ຕົວເລກ 180 ລ້ານເອີໂຣ ໃຫ້ ໂມນາໂກ ເພື່ອຂໍ້ຊື້ ໂຕ ເອັມບັບເປ ໄປຮ່ວມທັບ ແຕ່ ໂມນາໂກ ອອກມາຢືນຢັນແລ້ວ ວ່າ ຍັງບໍ່ໄດ້ຮັບຂໍ້ສະເໜີຈາກສະ ໂມສອນໃດໆທັງສິ້ນ.
ດ້ານ ວາດິມ ວາຊິລເຍຟ ຮອງປະທານສະໂມສອນ ໂມນາ ໂກ ໄດ້ຕັ້ງໂຕະຖະແຫຼງຂ່າວວ່າ ທີມໄດ້ຍື່ນຂໍ້ສະເໜີສັນຍາສະບັບ ໃໝ່ໃຫ້ກັບ ເອັມບັບເປ ໂດຍ ຄາດ ວ່າຜູ້ຫຼິ້ນຈະຕັດສິນໃຈຂະຫຍາຍ ສັນຍາກັບທີມອອກໄປ.
“ຂ້ອຍໄດ້ອ່ານຂ່າວຫຼວງ ຫຼາຍຈາກສື່ ທຸກຢ່າງໄປໄກຫຼາຍ ແຕ່ເຮົາຍັງບໍ່ໄດ້ເຊັນສັນຍາຕົກລົງກັບ ຣິນ ມາດຣິດ ຫຼື ສະໂມສອນ ອື່ນໆ ມີຫຼາຍສະໂມສອນໃຫຍ່ ຫຼວງຫຼາຍທີ່ຕ້ອງການໂຕລາວ ລາວເປັນຄວາມຫວັງຂອງບານ ເຕະເອີຣົບ ເຮົາກຳລັງເຈລະຈາ ເລື່ອງສັນຍາສະບັບໃໝ່ກັບ ເອັມ ບັບເປ ແລະ ຫວັງວ່າຈະສຳເລັດ ລຸລ່ວງໃນໄວໆນີ້”.
ສຳລັບສັນຍາສະບັບປັດຈຸ ບັນຂອງ ເອັມບັບເປ ກັບ ໂມນາ ໂກ ຈະໝົດລົງໃນປີ 2019 ເຮັດ ໃຫ້ສື່ມວນຊົນສອບຖາມວ່າ ຫາກ ດາວເຕະຜູ້ນີ້ປະຕິເສດທີ່ຈະຕໍ່ສັນ ຍາໃໝ່ ທີມຈະຂາຍລາວອອກໄປ ໃນໄລຍະລະດູການນີ້ ຫຼື ບໍ່ ເຊິ່ງ ທາງ ວາຊິລເຍຟ ໄດ້ຕອບວ່າ “ບໍ່ ລາວຈະບໍ່ຍ້າຍໄປໃສທັງນັ້ນ ເປັນ ຫຍັງລາວຕ້ອງຍ້າຍອອກໄປ ລະ”