ສາມີຄຽດໃຫ້ພັນລະຍາ ຈົນບໍ່ເວົ້ານຳກັນຫລາຍສິບປີ ຍ້ອນ “ອິດສາ” ຕໍ່ຄວາມເອົາໃຈໃສ່ຂອງພັນລະຍາຕໍ່ກັບລູກໆ

ທ່ານ ໂອຕູ ດຳລົງຊິວິດຢູ່ກັບລູກ ແລະ ພັນລະຍາ ທີ່ເມືອງ ນາຣາ. ເຖິງແມ່ນເຂົາຈະເວົ້ານົວຫົວມ່ວນກັບລູກໆທັງ 3 ຄົນຕາມປົກະຕິເປັນເວລາ 20 ປີແລ້ວກໍຕາມ ແຕ່ເຂົາກໍບໍ່ເຄີຍເວົ້າຈາກັບພັນລະຍາຈັກເທື່ອ. ແຕ່ວ່າພັນລະຍາຂອງລາວ ນາງ ກາຕາຢາມະ ຊູມິ ໂອ້ລົມກັບລາວເປັນປົກະຕິທຸກວັນ ແຕ່ທ່ານ ໂອຕູ ບໍ່ເຄີຍເວົ້າລົມກັບເມຍຈັກເທື່ອ ໄດ້ແຕ່ພຽງງຶກຫົວຕອບກັບເທົ່ານັ້ນ.

ເມື່ອເວົ້າເຖິງຄວາມມິດງຽບ(ຄວາມບໍ່ເວົ້າຈາ) ກັບພັນລະຍານັ້ນທ່ານ ໂອຕູ ໃຫ້ຮູ້ເຫດຜົນວ່າ ເຂົາເກີດຄວາມ “ອິດສາ” ຕໍ່ຄວາມເອົາໃຈໃສ່ຂອງພັນລະຍາຕໍ່ກັບພວກລູກໆ. ຊຶ່ງບັນຫາດັ່ງກ່າວລູກຊາຍຂອງພວກເຂົາ ໂຢຊີ ກິ ອາຍຸ 18 ປີ ເປີດເຜີຍໃນລາຍການໂທລະທັດເພື່ອຮ້ອງຂໍໃຫ້ຊ່ວຍພໍ່ແມ່ຂອງເຂົາເວົ້າຈານຳກັນ.

ໂຢຊີ ກິ ໃຫ້ຮູ້ວ່າ ດົນທີ່ສຸດແລ້ວທີ່ເຂົາເຫັນພໍ່ແມ່ບໍ່ເວົ້າຈານຳກັນ. ເມີໂຣ ອ້າງອີງຄຳເວົ້າຂອງ ໂຢຊີ ກິ ທີ່ວ່າ: “ພໍ່ບໍ່ເວົ້ານຳແມ່ແຕ່ດົນແລ້ວ ແຕ່ແມ່ ເວົ້ານຳພໍ່ເປັນປະຈຳ, ການໂອ້ລົມນຫ້ນ ມີແຕ່ຝ່າຍດຽວ”

ບໍ່ສະເພາະແຕ່ ໂຢຊີ ກິ ເທົ່ານັ້ນ ເອື້ອຍຂອງເຂົາ ອາຍຸ 21 ປີ ແລະ 25 ປີ ກໍບໍ່ເຄີຍເຫັນພໍ່ເວົ້ານຳແມ່ຈັກເທື່ອ.

ຫວ່າງມໍ່ໆ ມານີ້, ທ່ານ ໂອຕູ ໃຫ້ຮູ້ເຫດຜົນທີ່ຕົນບໍ່ເວົ້າຈາກັບພັນລະຍານັ້ນວ່າ ຕົນເອງຄຽດໃຫ້ເມຍ ເພາະພັນລະຍາບໍ່ສົນໃຈນຳຕົນ ມີແຕ່ສົນໃຈນຳພວກລູກໆ ເທົ່ານັ້ນ. ດັ່ງນັ້ນຈຶ່ງເກີດຄວາມອິດສາ ແລະ ຄຽດໃຫ້ພັນລະຍາ ນັບແຕ່ມື້ມີລູກນ້ຳກັນເປັນຕົ້ນມາ.

ເພື່ອຕອບສະໜອງຄຳຮ້ອງຂໍຂອງລູກຊາຍຂອງພວກເຂົາ, ລາຍການໂທລະທັດ ໄດ້ຈັດລາຍການໃຫ້ຄູ່ສາມີພັນລະຍາພວກເຂົາໄດ້ພົບປະກັນຢູ່ທີ່ສວນສາທາລະນະ ບ່ອນທີ່ພວກເຂົາພົບກັນຄັ້ງທຳອິດໃນຊີວິດ. ນັ່ງເທິງຕັ່ງຫີນໃນສວນສາທາລະນະ ນາຣາ ນຳກັນ, ໃນທີ່ສຸດທ່ານ ໂອຕູ ອົດບໍ່ໄດ້ກໍໄດ້ເວົ້າກັບພັນລະຍາໃນທີ່ສຸດ.

ທ່ານ ໂອຕູ ເວົ້າດ້ວຍສຽງເຄືອໆ ແລະ ໃຫ້ຄຳໝັ້ນສັນຍາວ່າ: “ເຈົ້າຫັ້ນນາ ເອົາໃຈໃສ່ລູກເກີນໄປ. ຊູມີ ເອີຍ ຜ່ານມາເຈົ້າໄດ້ເຈັບປວດ ລວດລ້າວ, ທຸກອົກ ທຸກໃຈມາພໍແລ້ວ. ເຖິງເວລານີ້ຂ້ອຍ ຂໍຂອບໃຈເຈົ້າຫຼາຍໆ ທີ່ເຈົ້າໄດ້ເຮັດທຸກສິ່ງທຸກຢ່າງ, ແຕ່ນີ້ຕໍ່ໄປຂ້ອຍຈະບໍ່ເຮັດຄືເກົ່າອີກ”.
____
Theo: Ngoi Sao
Cập nhật tin tức Nhật Bản: Hello Nhật Bản