12 ເຕັກນິກເປັນຄົນເກັ່ງ ແລະ ເປັນທີ່ຮັກຂອງທຸກຄົນໃນບ່ອນເຮັດວຽກ

ທ່ານເຄີຍສັງເກດບໍ່ວ່າ ເປັນຫຍັງບາງຄົນຈຶ່ງເປັນທີ່ຮູ້ຈັກ ແລະ ຮັກແພງຂອງທຸກຄົນໃນບໍລິສັດ, ພວກເຂົາເຮັດຫຍັງຈຶ່ງມີແຕ່ ຄົນມັກ, ການເປັນເພື່ອນຮ່ວມງານທີ່ໜ້າຮັກ ຈະເຮັດໃຫ້ທ່ານໄດ້ຮັບມິດຕະພາບທີ່ດີຈາກຜູ້ຄົນອ້ອມຮອບໂຕທ່ານ ບໍ່ແມ່ນເລື່ອງ ຍາກ ຫາກທ່ານຢາກຈະເປັນແບບນັ້ນຄືເຂົາເຈົ້າ ມາເບິ່ງ 12 ວິທີຕໍ່ໄປນີ້ຈະຊ່ວຍທ່ານໄດ້.

1. ໃຫ້ເລີ່ມໂດຍການທັກທາຍກັບທຸກໆຄົນໃນຕອນເຊົ້າ : ເພື່ອປ່ຽນບຸກຄະລິກ ລັກສະນະນິໄສຂອງເຮົາໃຫ້ເປັນຄົນທີ່ ຍິ້ມແຍ້ມແຈ່ມໃສກັບທຸກໆຄົນໃນອົງກອນ.
2. ຮຽນຮູ້ການໂອ້ລົມເລື່ອງງ່າຍໆ : ໃຫ້ເຮົາເລີ່ມຕົ້ນຖາມເພື່ອນຮ່ວມງານຂອງເຮົາວ່າສົນໃຈໃນເລື່ອງຫຍັງແດ່ ເຊັ່ນ : ມັກຟັງເພງແບບໃດ, ມັກອ່ານໜັງສືຫຍັງ, ກິດຈະກຳຍາມວ່າງເຮັດຫຍັງ ສິ່ງເຫລົ່ານີ້ຈະເຮັດໃຫ້ທ່ານກັບເພື່ອນ ຮ່ວມງານໄດ້ມີການໂຕ້ຕອບໄປມາ ກໍຈະຍິ່ງເຮັດໃຫ້ສະໜິດກັນຫລາຍຂຶ້ນ ແລ້ວຈະເຮັດໃຫ້ທຸກໆຄົນເບິ່ງທ່ານບໍ່ແມ່ນແຕ່ ເພື່ອນຮ່ວມງານ ແຕ່ເປັນດັ່ງເພື່ອນຄົນໜຶ່ງ. ຄວນຈະຖາມເຖິງຄວາມຄິດເຫັນຕ່າງໆ ແລະ ເອົາໃຈໃສ່ລາຍລະອຽດກັບ ເພື່ອນຮ່ວມງານຂອງເຮົານຳ.
3. ຫລີກເວັ້ນການນິນທາ : ແນ່ນອນວ່າຄົງບໍ່ມີໃຜມັກໃຫ້ມີຄົນມານິນທາລັບຫລັງ ຖ້າຫາກເກີດເຫດການຂຶ້ນທີ່ວ່າ ມີເພື່ອນ ຮ່ວມງານຂອງເຮົາເລີ່ມເຂົ້າມານິນທາເຖິງບຸກຄົນອື່ນໆໃຫ້ເຮົາຕອບກັບໄປດ້ວຍປະໂຫຍກຄຳຖາມວ່າ ແມ່ນແທ້ບໍ່ ? ແລ້ວໃຫ້ປ່ຽນເລື່ອງທີ່ຈະລົມກັນຕໍ່ ຫລື ເຮັດວຽກຕໍ່. ແຕ່ຖ້າປ່ອຍໃຫ້ມີການນິນທາເກີດຂຶ້ນ ທ່ານອາດຈະເສຍຄວາມ ນັບຖືກໍເປັນໄດ້ ຖ້າຫາກມີຄົນມາຮູ້ເລື່ອງນີ້.
4. ເມື່ອຕ້ອງພົບກັບເພື່ອນຮ່ວມງານທີ່ກຳລັງຢູ່ໃນຄວາມຍາກລຳບາກ : ໃຫ້ເຮົາເຮັດໂຕເປັນເດັກນ້ອຍທີ່ກຳລັງຕັ້ງໃຈຟັງ ເພາະນີ້ເປັນວິທີງ່າຍໆທີ່ຈະເຮັດໃຫ້ໂຕທ່ານບໍ່ເຈັບຫົວໄປນຳເຂົາຫລາຍ. ການເຮັດໂຕເປັນເດັກນ້ອຍອາດຈະເປັນວິທີທີ່ ສຸພາບ ແລະ ຮັກສາມາລະຍາດດີກ່ວາເຮົາໄປສະເໜີ ຫລື ສອດແຊກເລື່ອງສ່ວນໂຕຂອງເຂົາ.
5. ຍ້ອງຍໍແດ່, ຕັກເຕືອນແດ່ບາງໂອກາດ : ເຊັ່ນວ່າ “ເຮັດອະນາໄມເຄື່ອງພິມເອກະສານອີກແລ້ວ ດຸໝັ່ນແທ້ໆນໍ້” ຫລື ເຕືອນວ່າ “ເຊົາສູບຢາແລ້ວຫລືຍັງ?” ສິ່ງເຫລົ່ານີ້ກຳລັງສື່ເຖິງຄວາມຫວັງດີທີ່ເຮົາມີໃຫ້ກັບເພື່ອນຮ່ວມງານ ເພື່ອຊ່ວຍ ໃຫ້ເພື່ອນຮ່ວມງານຂອງເຮົາມີກຳລັງໃຈໃນການເຮັດວຽກ ຫລື ບັນລຸເປົ້າໝາຍທີ່ຕັ້ງໄວ້.
6. ຄອຍສົ່ງກຳລັງໃຈສະເໝີ : ທ່ານອາດຈະສົ່ງຄວາມສຸກ ຄອຍໃຫ້ກຳລັງໃຈເພື່ອນຮ່ວມງານຂອງເຮົາອາທິດລະເທື່ອ ເຊັ່ນ: ອາທິດນີ້ຊື້ຂະໜົມໃຫ້ກິນ, ອາທິດຕໍ່ໄປສົ່ງຈົດໝາຍອວຍພອນໃຫ້ກຳລັງໃຈອີກຄົນໜຶ່ງ ຫລື ສົ່ງຈົດໝາຍຂອບໃຈ ໃນໂອກາດຕ່າງໆ.
7. ຮີບໂທກັບ ຫລື ຕອບອີເມລກັບທັນທີ : ເພື່ອທີ່ຈະເອົາຊະນະໃຈເພື່ອນຮ່ວມງານ ຢ່າປ່ອຍໃຫ້ວຽກຫລາຍຈົນລືມທີ່ຈະ ຕິດຕໍ່ກັບ ຫລື ສົນທະນາກັບເພື່ອນຮ່ວມງານຂອງເຮົາ ເພາະບໍ່ດັ່ງນັ້ນແລ້ວຈະຍິ່ງເຮັດໃຫ້ມີຄວາມເຄັ່ງຄຽດ ແລະ ວຽກ ອາດຈະຫລາຍຂຶ້ນຕ່ອມອີກ ສິ່ງທີ່ສຳຄັນສຳລັບການຕອບກັບໄປນັ້ນກໍເປັນມາລະຍາດທີ່ດີນຳອີກ.
8. ໃຫ້ເຄຣດິດກັນເມື່ອມີຜົນງານ : ຢ່າເກັບຜົນງານໄວ້ສຳລັບໂຕເຮົາພຽງຄົນດຽວ ໂດຍໃຫ້ເຄຣດິດກັບຄົນທີ່ມີສ່ວນຮ່ວມ ໃນວຽກນັ້ນນຳ ເພື່ອເປັນການໃຫ້ດຽດເພື່ອນຮ່ວມງານຂອງເຮົາ ເພາະເມື່ອວຽກແລ້ວ ຜົນຕອບຮັບດີ ຈະເຮັດໃຫ້ໂຕເຮົາ ແລະ ເພື່ອນຂອງເຮົາໄດ້ຮັບລາງວັນໄປພ້ອມໆກັນ ຫລື ບາງເທື່ອອາດຈະເຮັດໄດ້ຍິ່ງກ່ວາວຽກທີ່ແລ້ວກໍເປັນໄດ້.
9. ສຳລັບຫົວໜ້າ ຄວນຄຳນຶງສະເໝີວ່າທຸກໆຄົນເຮັດວຽກໜັກຕະຫລອດເວລາ ເພື່ອໃຫ້ເປົ້າໝາຍໃນວຽກນັ້ນສຳເລັດ.
10. ກົງຕໍ່ເວລາ ແລະ ເຄົາລົບຄວາມເປັນສ່ວນໂຕຂອງຜູ້ອື່ນສະເໝີ.
11. ແບ່ງປັນໄອເດຍທີ່ດີໆໃຫ້ຄົນອື່ນໆໄດ້ຮັບຮູ້ ເພື່ອແບ່ງປັນເຊິ່ງກັນ ແລະ ກັນ ເພາະວ່າໄອເດຍຈາກໃຜບາງຄົນກໍອາດຈະ ດີຄືກັນ.
12. ຄິດແງ່ບວກສະເໝີກັບສິ່ງທີ່ທ່ານບໍ່ຮູ້ : ໃຫ້ທ່ານມີຄວາມເຊື່ອສະເໝີວ່າເຮັດເພື່ອອົງກອນ ແລະ ເຮັດຢ່າງດີທີ່ສຸດ ເທົ່າທີ່ ເຮົາຈະເຮັດໄດ້ ເຖິງວ່າວຽກນັ້ນຈະຍາກກໍຕາມ, ແຕ່ສິ່ງທີ່ສຳຄັນຄື ທີມງານຂອງເຮົາເຮັດວຽກໜັກກ່ວາທີມອື່ນໆ ຢ່າ ໃຫ້ຄວາມຄິດນີ້ຄອບງຳເຮົາ ບໍ່ດັ່ງນັ້ນຈະເຮັດໃຫ້ວຽກບໍ່ສຳເລັດໄດ້ດ້ວຍດີ.