ແບ່ງເວລາແນວໃດໃຫ້ວຽກແລ້ວທັນ
November 10, 2021 - 10:00 AM
- ຈົດລາຍການວຽກທັງໝົດທີ່ຕ້ອງເຮັດອອກມາ ຈະໄດ້ຮູ້ວ່າທ່ານຈະຕ້ອງສະສາງອັນໃດແດ່ (ໃຊ້ລາຍການທີ່ຈົດມາ ເພື່ອ ຈັດລະບຽບວຽກທີ່ທ່ານຕ້ອງເຮັດ).
- ຕື່ນນອນໃນເວລາເກົ່າທຸກມື້ ແລະ ຈັດລຽງລຳດັບຄວາມສຳຄັນ ເບິ່ງວ່າວຽກໃດຮີບດ່ວນ, ວຽກໃດລໍຖ້າໄດ້ ແລ້ວຈຶ່ງ ຄ່ອຍໆຈັດການເທື່ອລະວຽກ (ຢ່າເຮັດຫລາຍໆຢ່າງພ້ອມກັນ).
- ວຽກຫລາຍຈົນລົ້ນ ຢ່າຖືເບົາ ປ່ອຍໃຫ້ວຽກສະສົມຂຶ້ນໄປທຸກໆມື້ ເພາະມັນຈະລົ້ນເປັນກອງໃຫຍ່ຈົນແກ້ໄຂ ຫລື ສະສາງ ນຳບໍ່ທັນ (ບັນທຶກວ່າແຕ່ລະວຽກໃຊ້ເວລາເຮັດດົນປານໃດ).
- ຈັດໂຕະເຮັດວຽກ ເພາະໂຕະທີ່ເປັນລະບຽບເຮັດໃຫ້ຊອກເອກະສານເຫັນງ່າຍຂຶ້ນ ແລະ ເຮັດວຽກໄດ້ໄວຂຶ້ນ (ກຳນົດ ສັນຍະລັກໃຫ້ກັບວຽກແຕ່ລະມື້ເປັນລາຍອາທິດ)
- ໃຈແຂງ ຝຶກປະຕິເສດການຂໍຄວາມຊ່ວຍເຫລືອໃນການເຮັດວຽກຂອງຄົນອື່ນແດ່ກໍໄດ້.
- ວາງແຜນແຕ່ລະມື້ກ່ອນນອນ.
- ຖ້າເຮົາຈັດການ ແລະ ລຽງລຳດັບໄດ້ ເຮົາຈະໃຊ້ຊີວິດທີ່ມີຄວາມສຸກ ແລະ ບໍ່ເຄັ່ງຄຽດຈົນເກີນໄປ.
