5 ວິທີປ້ອງກັນບໍ່ໃຫ້ມາລະຍາດທາງສັງຄົມບົກພ່ອງ

ເຮົາອາດຈະບວ່າຄົນອ້ອມໂຕເຮົາບາງຄົນເບິ່ງບໍ່ເປັນມິດກັບໃຜເລີຍ ເຊິ່ງເຮົາຄິດວ່າເຂົາກໍຄົງເປັນແບບນັ້ນ ບໍ່ໄດ້ສົນໃຈຫຍັງ ຄົນເຮົາໃຫຍ່ມາຄົນລະແບບ, ແຕ່ບາງເທື່ອເລື່ອງລາວຊ້ຳພັດບໍ່ໄດ້ເປັນພຽງເທົ່ານັ້ນ ແຕ່ຄວາມຈິງແລ້ວແມ່ນພະຍາດມາລະຍາດ ທາງສັງຄົມບົກພ່ອງ. ຫລາຍຄົນອາດຈະຍັງບໍ່ຮູ້ຈັກ ພະຍາດມາລະຍາດທາງສັງຄົມບົກພ່ອງ ແຕ່ຕອນນີ້ກຳລັງລະບາດໃນສັງຄົມ ບາງພາກສ່ວນ ໂດຍສະເພາະໃນກຸ່ມໄວໜຸ່ມ ແລະ ໄວເຮັດວຽກ, ແຕ່ພວກເຂົາບໍ່ຮູ້ໂຕ.

ໃນສັງຄົມປັດຈຸບັນ ເຮົາຈະເຫັນວ່າຜູ້ຄົນຍິ້ມໃຫ້ກັນໜ້ອຍລົງ, ມີຄວາມເປັນມິດກັນໜ້ອຍລົງ ແລະ ມີຄວາມເຫັນແຕ່ໂຕຫລາຍ ກ່ວາຄວາມເຫັນໃຈເຊິ່ງກັນ ແລະ ກັນ ຈຶ່ງເຮັດໃຫ້ພະຍາດນີ້ໜ້າເປັນຫ່ວງ ອາດຈະກາຍເປັນບັນຫາໃຫຍ່ຂຶ້ນ ແລະ ສາມາດ ລະບາດສົ່ງຕໍ່ຈາກຮຸ່ນສູ່ຮຸ່ນໄດ້.

     ອາການຂອງພະຍາດມາລະຍາດທາງສັງຄົມບົກພ່ອງ : ລອງສັງເກດອາການຄົນອ້ອມໂຕເຮົາວ່າມີອາການເຫລົ່ານີ້ກັນແດ່ ຫລືບໍ່ ?

1. ສຳລັບອາການຂັ້ນທຳອິດຂອງຄົນທີ່ເປັນພະຍາດມາລະຍາດທາງສັງຄົມບົກພ່ອງຈະມີອາການນິ້ງເສີຍ, ບໍ່ມີປະຕິສຳພັນ ຫລື ການສົນທະນາໂອ້ລົມກັບຄົນອ້ອມຂ້າງ ເຊັ່ນ : ທັກທາຍ, ຂອບໃຈ ຫລື ຊ່ວຍເຫລືອ ແລະ ຈະສະແດງອອກດ້ວຍ ອາການຮຸນແຮງທັນທີເມື່ອບໍ່ໄດ້ດັ່ງໃຈ.
2. ຄົນທີ່ເປັນພະຍາດມາລະຍາດທາງສັງຄົມບົກພ່ອງຂັ້ນທີ 2 ຈະບໍ່ມີມາລະຍາດຂັ້ນພື້ນຖານ ເຊັ່ນ : ບໍ່ຮັບການທັກທາຍ, ບໍ່ຂອບໃຈ, ບໍ່ຂໍໂທດ, ບໍ່ຍິ້ມແຍ້ມແຈ່ມໃສ, ບໍ່ໃຫ້ຄວາມຮ່ວມມືກັບວຽກຂອງສ່ວນລວມ, ບໍ່ເຫັນອົກເຫັນໃຈ ຫລື ມີນ້ຳໃຈ ຕໍ່ຜູ້ອື່ນ ຖ້າບໍ່ມີຜົນປະໂຫຍດ ແລະ ຜົນຕອບແທນ.
3. ອາການໃນຂັ້ນທີ 3 ແມ່ນຄົນທີ່ມີອາການຕໍ່ຕ້ານສັງຄົມຢ່າງເຫັນໄດ້ແຈ້ງ, ຄວາມມີເຫດຜົນຈະຫາຍໄປ ໂດຍມີສັນຊາດ ຕະຍານຂອງຄວາມເຫັນແກ່ໂຕຈະເຂົ້າມາແທນບ່ອນ, ໜ້າຕາຈະບູດບຶ້ງ, ໃຈຮ້າຍ ຫລື ຄຽດຢູ່ຕະຫລອດເວລາ ຄິດວ່າ ຕົນເອງເປັນສູນກາງຂອງຈັກກະວານ, ຄິດວ່າຕົນເອງສຳຄັນເກີນກ່ວາຈະຫລຸດໂຕເອງລົງໄປເຮັດດີກັບຄົນອື່ນ, ບໍ່ຈຳ ເປັນຕ້ອງເຄົາລົບກະຕິກາມາລະຍາດ, ກາລະເທສະຕ່າງໆ ເພາະເປັນໜ້າທີ່ຂອງຄົນອ້ອມຂ້າງຈະຕ້ອງມາເອົາອົກ ເອົາໃຈໂຕເທົ່ານັ້ນ.

• ແລະ 5 ວິທີປ້ອງກັນ ແລະ ປິ່ນປົວພະຍາດມາລະຍາດທາງສັງຄົມບົກພ່ອງມີຄື :

1. ຍິ້ມໃຫ້ຄົນອ້ອມຂ້າງດ້ວຍຄວາມເປັນມິດ.
2. ຝຶກເອົາໃຈເຂົາມາໃສ່ໃຈເຮົາ ຖ້າເຮົາພົບຄົນອື່ນເຮັດແບບໄຮ້ມາລະຍາດແດ່ຈະຮູ້ສຶກແນວໃດ ເພື່ອຈະໄດ້ບໍ່ ເຮັດກັບຄົນອື່ນ.
3. ຝຶກເວົ້າຄຳວ່າ ຂອບໃຈຢ່າງຈິງໃຈໃຫ້ເປັນນິໄສ.
4. ຝຶກເປັນຜູ້ໃຫ້ອະໄພ, ບໍ່ຄຽດບໍ່ຊັງ, ບໍ່ຫງຸດຫງິດກັບເລື່ອງບໍ່ເປັນເລື່ອງ.
5. ປ່ຽນຈາກຄຳວ່າ ຍອມ ເປັນຄຳວ່າ ເຂົ້າໃຈ.

ຫາກບໍ່ໄດ້ຮັບການປິ່ນປົວ ອາດເກີດຜົນຮ້າຍແຮງຈົນບໍ່ມີໃຜຄົບ, ສັງຄົມລັງກຽດ, ບໍ່ມີໃຜຢາກຄົບຄ້າສະມາຄົມນຳ, ໃນບຸກຄົນທີ່ມີອາການຮຸນແຮງຫລາຍ ອາດຖືກເບິ່ງດ້ວຍສາຍຕາທີ່ລັງກຽດໄດ້, ມະນຸດເປັນສັດສັງຄົມ ດັ່ງນັ້ນ ເຮົາບໍ່ສາມາດຢູ່ໄດ້ ດ້ວຍໂຕຄົນດຽວ ແລ້ວຖ້າເຮົາບໍ່ຮູ້ວິທີທີ່ຈະຢູ່ຮ່ວມກັບຜູ້ອື່ນ ເຮົາຈະໃຊ້ຊີວິດຢ່າງມີຄວາມສຸກໄດ້ແນວໃດ. ສຳລັບໃຜທີ່ຄິດວ່າໝູ່ ເຮົາເປັນພະຍາດນີ້ ຫລື ແມ່ນແຕ່ໂຕເຮົາທີ່ກຳລັງເປັນຢູ່ ຕ້ອງຮີບແກ້ໄຂ ຖ້າໃຊ້ຄຳແນະນຳທັງ 5 ຂໍ້ແລ້ວຍັງບໍ່ດີຂຶ້ນ ກໍຄວນທີ່ຈະ ໄປພົບແພດໃນທັນທີ.