ອີຣັກເຈລະຈາຊື້ລົດຕັງ ທີ-90 ຈາກຣັດເຊຍ
ປະທານາທິບໍດີ ວະລາດິເມຍ ປູຕິນ ຜູ້ນຳຣັດເຊຍ ແລະ ຮອງປະທານາທິບໍດີ ນູຣີ ອັດ ມາລິກີ ຂອງອີຣັກ ພົບປະຫາລືກັນຢູ່ເມືອງເຊນປີເຕີສເບິກ ໃນວັນທີ 25 ກໍລະກົດ ກ່ຽວກັບການສັ່ງຊື້ລົດຕັງຮົບ ທີ-90 ຂອງຣັດເຊຍ.
ສຳນັກຂ່າວຣອຍເຕີລາຍງານຈາກເມືອງເຊນປີເຕີສເບີກ ປະເທດຣັດເຊຍ ໃນວັນທີ 25 ກໍລະກົດນີ້ວ່າ: ໜັງສືພິມອິເວສຕີຂອງຣັດເຊຍ ລາຍງານໂດຍອ້າງແຫລ່ງຂ່າວໃນທຳນຽບເກຣມລິນ ໃນອາທິດຜ່ານມາວ່າ: ລັດຖະບານອີຣັກຕົກລົງຈະສັ່ງຊື້ລົດຕັງຮົບຮຸ່ນ ທີ-90 ທີ່ຖືກໃຊ້ໃນສົງຄາມກາງເມືອງຊີຣີ.
ທ່ານ ຣຸສລານ ພູຄອບ ນັກວິເຄາະດ້ານການທະຫານຊາວຣັດເຊຍ ເປີດເຜີຍຕໍ່ອິເວສຕີວ່າ: ຂໍ້ຕົກລົງອາດຄວບຄຸມການສົ່ງມອບ ທີ-90 ຫລາຍຮ້ອຍຄັນ ລວມມູນຄ່າຫລາຍກວ່າ 1.000 ລ້ານໂດລາສະຫະລັດ.
https://www.youtube.com/watch?v=Yx9kW5gEG6E
