ໂຣນັນໂດ ຢືນຢັນຢູ່ ຣິນ ມາດຣິດ ຕໍ່ໄປ

ຄຣິສຕຽນໂນ ໂຣນັນໂດ ດາວເຕະຊຸບເປີສະຕາຂອງ ຣິນ ມາດຣິດ ອອກມາປະຕິເສດຂ່າວ ລືເລື່ອງການຍ້າຍທີມ ດ້ວຍການ ຢືນຢັນວ່າລາວເອງຍັງຕ້ອງການທີ່ຈະປະສົບຄວາມສຳເລັດ ຄວ້າ ແຊ໊ມຮ່ວມກັບ ຣິນ ມາດຣິດ ຕໍ່ໄປ ຫຼັງກ່ອນໜ້ານີ້ ລາວເອງເຄີຍຕົກ ເປັນຂ່າວວ່າຕ້ອງການຍ້າຍອອກຈາກຖິ່ນ ຊານຕິອາໂກ ເບນາເບວ ເນື່ອງຈາກບໍ່ພໍໃຈທີ່ຖືກທາງການ ສະເປນ ຫຼິ້ນງານໃນຂໍ້ຫາເລື່ອງ ການໜີພາສີ.
ໂຣນັນໂດ ເຊິ່ງຍັງມີສັນຍາ ກັບ ຣິນ ມາດຣິດ ເຖິງປີ 2021 ນັັ້ນ ເຜີຍຜ່ານ “ມາກາ” ສື່ດັງໃນ ສະເປນ ວ່າ: “ການຄວ້າແຊ໊ມ ລາຍການສຳຄັນກັບສະໂມສອນຂອງຂ້ອຍໃນລະດູການຜ່ານມາມັນເປັນສິ່ງທີ່ດີເດັ່ນຫຼາຍ ມັນຄື ກັບການໄດ້ລາງວັນສ່ວນບຸຸກຄົນ ເລີຍກະວ່າໄດ້ ເຊິ່ງຖ້າເຮັດໄດ້ ແບບນັ້ນອີກຄັ້ງມັນຄົງເປັນສິ່ງທີ່ດີຫຼາຍ ທ່ານຕ້ອງເຮັດວຽກໜັກປີ ແລ້ວປີເລົ່າ ແລະ ຂ້ອຍຈະເຮັດ ແບບນັ້ນຕໍ່ ບານເຕະຄືຊີວິດຂອງ ຂ້ອຍ”.