ລ້າງນ້ຳຕານໃນເລືອດເພື່ອໃຫ້ຫລອດເລືອດສະອາດ

ການກິນຂອງຫວານຫລາຍທຸກມື້ຈົນເກີນຄວາມຕ້ອງການຂອງຮ່າງກາຍ ນຳ້ຕານທີ່ຮ່າງກາຍໃຊ້ບໍ່ໝົດຈະຖືກດູດຊຶມເຂົ້າສູ່ ກະແສເລືອດໄປຈັບຢູ່ຜິວໜັງຫລອດເລືອດ ເກີດເປັນຂົນນ້ອຍໆຕາມຜິວໜັງຫລອດເລືອດ.

ໂດຍປົກກະຕິຫລອດເລືອດຕ້ອງສະອາດ, ກ້ຽງ ແລະ ໂລ່ງເລືອດຈຶ່ງໄຫລວຽນໄດ້ດີ, ແຕ່ນຳ້ຕານທີ່ສະສົມໃນເລືອດຫລາຍ ຈະເຮັດໃຫ້ຫລອດເລືອດບໍ່ຫົດຢືດໃນເວລາອາກາດປ່ຽນແປງຈະເປັນໄຂ້ງ່າຍ ເຊັ່ນ : ອາກາດຮ້ອນຫລອດເລືອດກໍບໍ່ຂະຫຍາຍໂຕ, ອາກາດເຢັນຫລອດເລືອດກໍບໍ່ຫົດໂຕ ເຊິ່ງເປັນສາເຫດເຮັດໃຫ້ເຈັບຫົວ ຖ້າຄົນທີ່ມີຫລອດເລືອດສະອາດ, ຫົດຢືດດີເລືອດກໍຈະໄຫລ ວຽນໄດ້ສະດວກດີ.

ການເຮັດໃຫ້ຫລອດເລືອດສະອາດຂຶ້ນ ມີດັ່ງນີ້ :

– ງົດກິນນຳ້ຕານຫລາຍເກີນຄວາມຕ້ອງການຂອງຮ່າງກາຍ ຄວນໄດ້ຮັບນຳ້ຕານຈາກໝາກໄມ້ສະຫລັບກັບກິນເຂົ້າໜົມຫວານ.

– ກິນຜັກຢານາງເພື່ອລ້າງນຳ້ຕານໃນເລືອດ.

– ກິນໃບໝາກຍົມດິບ ຫລື ຕົ້ມຮາກໃບເຕີຍໃສ່ນຳ້ດື່ມກໍຊ່ວຍຟື້ນຟູຕັບອ່ອນໄດ້ ເມື່ອຕັບອ່ອນແຂງແຮງ ການຄວບຄຸມນຳ້ຕານຈະດີຂຶ້ນເອງ (ຕ້ອງກິນເປັນປະຈຳ).

ເພື່ອສຸຂະພາບທີ່ດີ ເລືອກກິນຂອງຫວານ ຫລື ນຳ້ຕານແຕ່ພໍດີ ເຊິ່ງຄົນເຮົາຕ້ອງການນຳ້ຕານບໍ່ເກີນມື້ລະ 6 ບ່ວງກາເຟ.