NATO ປຶກສາຫາລືກ່ຽວກັບການເພີ່ມທະວີຄວາມສາມາດດ້ານການປ້ອງກັນປະເທດ

ຂ່າວສານຫວຽດນາມໄດ້ລາຍງານ ໃນວັນທີ 21 ຕຸລາຜ່ານມາວ່າ: ກອງປະຊຸມລັດຖະມົນຕີປ້ອງກັນປະເທດຂອງອົງການສົນທິສັນຍາແອັດແລນຕິກເໜືອ (NATO) ໄດ້ໄຂຂຶ້ນຢູ່ນະຄອນຫລວງບຣຸກແຊນ ປະເທດແບນຊິກ ເພື່ອປຶກສາຫາລືບັນຫາຄວາມໝັ້ນຄົງທີ່ສຳຄັນ ໃນນັ້ນ, ມີການເພີ່ມທະວີຄວາມສາມາດໃນດ້ານການປ້ອງກັນປະເທດ.

ຂ່າວລະບຸວ່າ: ທ່ານ ເຈນ ສະໂຕນເທນເບີກ ເລຂາທິການໃຫຍ່ NATO ໃຫ້ຮູ້ວ່າ: ກອງປະຊຸມສຸດຍອດຂອງກອງກຳລັງທະຫານແອັດແລນຕິກເໜືອ ກຳລັງຢູ່ໃນໄລຍະການຫັນປ່ຽນ  ໃນຫຼາຍປີຜ່ານມານີ້, NATO ໄດ້ເສີມຂະຫຍາຍຄວາມສາມາດດ້ານການປ້ອງກັນປະເທດໂດຍລວມ ເພື່ອຮັບປະກັນຄວາມເປັນເອກະພາບຂອງຜືນແຜ່ນດິນ.

ບັນດາລັດຖະມົນຕີຂອງ NATO ເຫັນດີເຫັນພ້ອມກ່ຽວກັບບັນດາເປົ້າໝາຍໃໝ່ ເພື່ອເພີ່ມທະວີຄວາມສາມາດດ້ານການທະຫານຂອງແຕ່ລະປະເທດ ເປັນຕົ້ນແມ່ນແຜນການປ້ອງກັນປະເທດ ເອີຣົບ-ມະຫາສະໝຸດແອັແລນຕິກ ຍຸດທະສາດແມ່ນເພື່ອຮັບປະກັນ NATO ມີກໍາລັງທີ່ຖືກຕ້ອງຢູ່ໃນສະຖານທີ່ທີ່ຖືກຕ້ອງໃນເວລາທີ່ເໝາະສົມ ການພົບປະຄັ້ງນີ້ເປັນການພົບປະກັນຄັ້ງທຳອິດຂອງລັດຖະມົນຕີປ້ອງກັນປະເທດຂອງອົງການ NATO ນັບຕັ້ງແຕ່ຕາລີບັນຂຶ້ນກຳອຳນາດໃນອັຟການີສະຖານ.