ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ

October 15, 2021 - 10:03 PM
ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ - bf12d86bd68be71e25ab140cefc4951a65493c3a scaled - ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ
ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ - kitchen vibe - ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ

ວັນທີ 14 ຕຸລາ 2021, ກະຊວງການຕ່າງປະເທດຂອງອາເມລິກາເປີດເຜີຍວ່າ: ອາເມລິກາໄດ້ຮັບເລືອກໃຫ້ນັ່ງຕັ່ງສະພາສິດທິມະນຸດແຫ່ງສະຫະປະຊາຊາດ (UNHRC) ອີກ ຫລັງເຄີຍປະກາດລາອອກໃນສະໄໝອະດີດປະທານາທິບໍດີ ໂດນັລ ທຣຳ ເມື່ອປີ 2018 ຖືເປັນອີກກ້າວສຳຄັນຂອງອາເມລິກາທີ່ພະຍາຍາມຈະກັບເຂົ້າມາມີບົດບາດ ແລະ ສ່ວນຮ່ວມໃນອົງກອນ ແລະ ເວທີລະດັບນາໆຊາດໃນມິຕິທີ່ຫລາກຫລາຍອີກ ນັບແຕ່ມີການປ່ຽນແປງລັດຖະບານແຕ່ຕົ້ນປີ 2021 ຜ່ານມາ.

ໂດຍອາເມລິກາຈະເຂົ້າເປັນສະມາຊິກສະພາສິດທິມະນຸດ UNHRC ນັບແຕ່ປີ 2022-2024 (ວາລະລະ 3 ປີ) ຮ່ວມກັບອີກ 46 ປະເທດ ຈາກ 5 ທະວີບ ໂດຍຈະໄດ້ຮັບເລືອກຈາກກອງປະຊຸມສະມັດຊາໃຫຍ່ແຫ່ງສະຫະປະຊາຊາດ (UNGA) ເຊິ່ງ UNHRC ເລີ່ມສ້າງຕັ້ງຂຶ້ນຢ່າງເປັນທາງການໃນປີ 2006 ເບິ່ງແຍງ ສະໜັບສະໜູນ ແລະ ປົກປ້ອງບັນຫາດ້ານສິດທິມະນຸດໂດຍກົງ.

ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ - Visit Laos Visit SALANA BOUTIQUE HOTEL - ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ

ອາເມລິກາເຄີຍນັ່ງຕັ່ງສະພາສິດທິມະນຸດ UNHRC ມາແລ້ວ 3 ວາລະ ກ່ອນຈະລາອອກເມື່ອກາງປີ 2018 ໂດຍໃນຮອບວາລະປີ 2022-2024 ຈະມີສະມາຊິກໃໝ່ 13 ປະເທດ (ກາຊັກສະຖານ, ເບນິນ, ແກມເບຍ, ກາຕາ, ສະຫະລັດອາຣັບເອມິເຣດ, ມາເລເຊຍ, ປາຣາໄກວ, ຮອນດູຣັດ, ລັກເຊມເບິກ, ຟິນແລນ, ມອນເຕເນໂກຣ, ລິທົວເນຍ ແລະ ອາເມລິກາ) ແລະ ສະມາຊິກເກົ່າທີ່ໄດ້ຮັບເລືອກໃນນັ່ງຕັ່ງຕໍ່ອີກ 5 ປະເທດ (ແຄເມີຣູນ, ເອທິເທຍ, ໂຊມາເລຍ, ອິນເດຍ ແລະ ອາເຈນຕິນາ).

ນອກຈາກສະພາສິດທິມະນຸດ UNHRC ທີ່ລັດຖະບານອາເມລິກາພາຍໃຕ້ການນຳພາຂອງ ທຣຳ ໄດ້ຕັດສິນໃຈລາອອກແລ້ວ ຍັງມີອີກຫລາຍອົງກອນຫລາຍການຮ່ວມມືເຊັ່ນ: ອົງການການສຶກສາ, ວິທະຍາສາດ ແລະ ວັດທະນະທຳແຫ່ງສະຫະປະຊາຊາດ (UNESCO), ຂໍ້ຕົກລົງປາຣີສ (Paris Agreement), ອົງການອະນາໄມໂລກ (WHO) ເປັນຕົ້ນ ທີ່ລັດຖະບານອາເມລິກາຫັນຫລັງໃຫ້ການຮ່ວມມືພະຫຸພາຄີ ແລະ ຍົກນະໂຍບາຍ America First ເປັນແກ່ນແກນນະໂຍບາຍຫລັກທີ່ສຳຄັນ.

ແອນໂທນີ ບລິງເຄນ ລັດຖະມົນຕີຕ່າງປະເທດອາເມລິກາ ລະບຸວ່າ: ນັບແຕ່ລັດຖະບານຊຸດໃໝ່ນີ້ເຂົ້າມາເຮັດວຽກ ປະທານາທິບໍດີ ໂຈ ໄບເດນ ປະກາດວ່າ: ນະໂຍບາຍດ້ານການຕ່າງປະເທດຂອງອາເມລິກາຈະໃຫ້ຄວາມສຳຄັນຕໍ່ຄຸນຄ່າຂອງປະຊາທິປະໄຕ ເຊິ່ງເປັນຄຸນຄ່າສຳຄັນທີ່ອາເມລິກາຢຶດຖື, ປົກປ້ອງເສລີພາບ, ຍື່ນໂອກາດ, ສະໜັບສະໜູນສິດທິມະນຸດ ແລະ ເສລີພາບຂັ້ນພື້ນຖານ ເຄົາລົບຫລັກນິຕິທຳ ແລະ ປະຕິບັດຕໍ່ທຸກຄົນຢ່າງມີສັກສີ.

ເຖິງຢ່າງໃດກໍຕາມ, ລັດຖະບານອາເມລິກາໄດ້ຮັບສຽງວິພາກວິຈານບໍ່ໜ້ອຍ ເຖິງກໍລະນີການລະເມີດສິດທິມະນຸດຂອງຊາວອິດສະລາແອນຕໍ່ຊາວປາແລັສຕິນທີ່ເກີດຂຶ້ນເລື້ອຍໆ. ຂະນະທີ່ລັດຖະບານອາເມລິກາລະບຸວ່າ: ສະພາສິດທິມະນຸດ UNHRC ຕັ້ງເປົ້າໃສ່ອິດສະລາແອນຫລາຍເກີນໄປ ທັງທີ່ຍັງມີອີກຫລາຍປະເທດຍັງມີຊ່ອງຫວ່າງ ແລະ ບັນຫາດ້ານສິດທິມະນຸດຄືກັນ.

ອ້າງອີງ:

ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ - 5 - ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ
ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ - 4 - ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ
ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ - 3 - ອາເມລິກາໄດ້ຮັບເລືອກໃຫ້ນັ່ງຕັ່ງ ສະພາສິດທິມະນຸດແຫ່ງສະຫະປະຊາຊາດອີກ ຫລັງລາອອກສະໄໝ ໂດນັລ ທຣຳ

Your Might Also Like