ສະຫວັນນະເຂດເລີ່ມປະຕິບັດ ກອງທຶນປະກັນສຸຂະພາບແຫ່ງຊາດຂັ້ນແຂວງ

ພິທີລົງນາມບົດບັນທຶກ ສັນຍາການຈັດຕັ້ງປະຕິບັດກອງ ທຶນປະກັນສຸຂະພາບແຫ່ງຊາດ ຂັ້ນ ແຂວງ ແລະ 15 ເມືອງຂອງ ແຂວງສະຫວັນນະເຂດ ໄດ້ມີຂຶ້ນ ໃນວັນທີ 24 ກໍລະກົດນີ້ທີ່ ຫ້ອງ ວ່າການປົກຄອງເມືອງໄກສອນພົມວິຫານ, ໂດຍການ ເຂົ້າຮ່ວມ ຂອງທ່ານ ຄຳພູນ ຕຸໄພທູນ ຮອງ ເຈົ້າແຂວງສະຫວັນນະເຂດ, ທ່ານ ບຸນແຝງ ພູມມະໄລສິດ ຫົວໜ້າ ຫ້ອງການປະ ກັນສຸຂະພາບ ແຫ່ງຊາດ, ທ່ານ ບົງສຸວັນ ພັນ ທະວົງສາ ຫົວໜ້າພະແນກສາ ທາລະນະສຸກແຂວງ, ມີອຳນວຍ ການໂຮງໝໍແຂວງ, ໂຮງໝໍ ເມືອງ, ຫ້ອງການສາທາລະນະ ສຸກ 15 ເມືອງ, ສຸກສາລາ, ພ້ອມ ດ້ວຍພາກສ່ວນກ່ຽວຂ້ອງເຂົ້າ ຮ່ວມຢ່າງພ້ອມພຽງ.

+ ສະຫວັນນະເຂດ-ຊຽງຂວາງແລກປ່ຽນບົດຮຽນການປ້ອງກັນພະຍາດສັດ

+ ຫາລືຜ່ານຮ່າງດຳລັດວ່າດ້ວຍ ກອງທຶນພັດທະນາສີມືແຮງງານ

ໃນພິທີໄດ້ນຳສະເໜີກ່ຽວ ກັບເອກະສານການເງິນສາທາລະນະສຸກ-ປະກັນສຸຂະພາບທຸກຖ້ວນໜ້າ, ເອກະສານກອງທຶນ ປະກັນສຸຂະພາບແຫ່ງຊາດ ແລະ ສະພາບການສ້າງຕັ້ງກອງທຶນ ປະກັນສຸຂະພາບແຂວງສະຫວັນ ນະເຂດ ເພື່ອ ແນໃສ່ໃຫ້ບໍລິການ ປະຊາຊົນທຸກຊັ້ນຄົນ, ນໍາເອົາ ຜົນປະໂຫຍດໃຫ້ເຂົາເຈົ້າສູງ ສຸດ,ຈຳກັດ ຫລື ລົບລ້າງຄວາມ ບໍ່ປອດໃສ ຫລື ຜົນປະໂຫຍດ ອັນບໍ່ຊອບທຳໃນການບໍລິຫານ ແລະ ບໍລິການ.