ຝຣັ່ງ ບັນລຸຂໍ້ຕົກລົງອັດຕາພາສີນິຕິບຸກຄົນຂັ້ນຕ່ຳ 15% ຂອງບໍລິສັດຂາມຊາດ
ຂ່າວສານຫວຽດນາມລາຍງານວ່າ: ທ່ານ ເອັມມານູແອວ ມາຄຣອງ ປະທານາທິບໍດີ ຝຣັ່ງ ໄດ້ກ່າວຊົມເຊີຍຕໍ່ຂໍ້ຕົກລົງຄັ້ງປະຫວັດສາດ ຈາກ 136 ປະເທດ ໃນການກຳນົດອັດຕາພາສີຂັ້ນຕ່ຳສຳລັບບໍລິສັດຂ້າມຊາດ ຊຶ່ງເປັນບາດກ້າວສຳຄັນສູ່ຄວາມເປັນທຳທາງດ້ານການເງິນ.
ຂ່າວໄດ້ລະບຸວ່າ: ກຸ່ມປະເທດພາຍໃຕ້ອົງການເພື່ອການຮ່ວມມື ແລະ ພັດທະນາເສດຖະກິດ (OECD) ໄດ້ບັນລຸຂໍ້ຕົກລົງກຳນົດອັດຕາພາສີນິຕິບຸກຄົນ ຂັ້ນຕໍ່າຢູ່ທີ່ 15% ເພື່ອປ້ອງກັນການຫລີກລ້ຽງພາສີຂອງບໍລິສັດຂ້າມຊາດ 136 ປະເທດເຂົ້າຮ່ວມໃນສັນຍາພາສີ ກວມເອົາ 90% ຂອງລວມຍອດຜະລິດຕະພັນພາຍໃນ (GDP) ຂອງໂລກ. ຂໍ້ຕົກລົງດັ່ງກ່າວສາມາດສ້າງລາຍຮັບຕື່ມອີກ 150 ຕື້ເອີໂຣ (175 ຕື້ໂດລາ) ໃນປີ 2023, ທ່ານ ເອັມມານູແອວ ມາຄຣອງ ໃຫ້ຮູ້ວ່າ: ເປັນເວລາ 4 ປີ, ພວກເຮົາໄດ້ເຮັດວຽກເກັບພາສີຕໍ່ກັບບໍລິສັດຂ້າມຊາດ ແລະ ບັນດາບໍລິສັດໃຫຍ່ດ້ານດີຈີຕອນ ຂໍ້ຕົກລົງສະບັບນີ້ແມ່ນຂໍ້ຕົກລົງຄັ້ງປະຫວັດສາດບັນດາບໍລິສັດຂ້າມຊາດຈະຕ້ອງໄດ້ເສຍພາສີຂັ້ນຕ່ຳ 15% ແລະ ນີ້ແມ່ນບາດກ້າວສໍາຄັນອັນໃຫຍ່ຫລວງຕໍ່ຄວາມທ່ຽງທຳດ້ານພາສີ.
