ເປີດໂຕເປັນທາງການ, ແມນເຊສເຕີ ຊິຕີ ຄວ້າ ເມນດີ້ ກອງຫຼັງຄ່າໂຕແພງທີ່ສຸດໃນໂລກ

ແບ໊ງຢາແມ໊ງ ເມນດີ້ ເປີດ ໂຕເປັນນັກເຕະຄົນໃໝ່ ແມນເຊສ ເຕີ ຊຕີ ຢ່າງເປັນທາງການຮຽບ ຮ້ອຍແລ້ວ ດ້ວຍຄ່າໂຕ 52 ລ້ານ ປອນ ກາຍເປັນກອງຫຼັງທີ່ແພງ ທີ່ສຸດໃນໂລກທັນທີ ທຳລາຍ ສະຖິຕິເກົ່າຂອງ ລຸກ ຊໍ ດາວເຕະ ແມນເຊສເຕີ ຢູໄນເຕັດ.
ສຳນັກຂ່າວ BBC ລາຍ ງານວ່າ ເມນດີ້ ອາຍຸ 23 ປີ ຍ້າຍ ມາຢູ່ກັບ ແມນເຊສເຕີ ຊິຕີ ດ້ວຍ ຄ່າໂຕສູງເຖິງ 52 ລ້ານປອນ ເຊິ່ງເຮັດໃຫ້ລາວເປັນນັກເຕະ ກອງຫຼັງຄ່າໂຕແພງທີ່ສຸດໃນປະ ຫວັດສາດຂອງພຣີເມຍລີກແທນທີ່ ໄຄ ວອກເກີ ທີ່ຫາກໍຍ້າຍຈາກ ທັອດແນມ ຮັອດສະເປີ ມາຢູ່ກັບ ແມນເຊສເຕີ ຊິຕີ ເຊັ່ນດຽວກັນ.
ນອກຈາກນີ້ ເມນດີ້ ຍັງ ເປັນນັກເຕຄ່າໂຕແພງທີ່ສຸດເປັນ ອັນດັບ 3 ໃນຕະຫຼາດຊື້ຂາຍ ຜູ້ຫຼິ້ນຂອງພຣີເມຍລີກໃນລະດູ ການນຳອີກ ແລະ ເປັນນັກເຕະ ໜ້າໃໝ່ຄົນທີ 5 ຂອງຖິ່ນ ເອຕີຮັດ ຕໍ່ຈາກ ໄຄ ວອກເກີ, ແບນາໂດ ຊິລວາ, ເອແດ ຊອນ ແລະ ດານິ ໂລ. ເຊິ່ງເຮັດໃຫ້ ເປບ ກວາດິໂອ ລາ ໃຊ້ເງິນຂອງສະໂມສອນໄປ ແລ້ວຫຼາຍກວ່າ 200 ລ້ານປອນ.
“ບໍ່ຕ້ອງສົງໄສເລີຍວ່າລາວເປັນໜຶ່ງໃນກອງຫຼັງທີ່ດີທີ່ສຸດໃນໂລກ ລາວເປັນເປົ້າໝາຍເບີ 1 ຂອງເຮົາໃນຕຳແໜ່ງນີ້ ຊິກິ ເບກິ ຣິສໄຕ ຜູ້ອຳນວຍການບານເຕະ ແມນເຊສເຕີ ຊິຕີ ເວົ້າເຖິງກອງ ຫຼັງຄົນໃໝ່ ເຊິ່ງເຄີຍຫຼິ້ນກັບ ມາກ ເຊ ກ່ອນຍ້າຍມາ ໂມນາໂກ ພຽງລະດູການດຽວເທົ່ານັ້ນ ແລະ ພາທີມຄວ້າແຊ໊ມລີກເອິງ ໄດ້ເປັນ ສະໄໝທຳອິດໃນໃຮອບ 17 ປີ”.
ທັງນີ້ ເມນດີ້ ໄດ້ບິນໄປ ຮ່ວມທັບ ແມນເຊສເຕີ ຊິຕີ ທີ່ ແອລເອ ສະຫະລັດ ໂດຍມີລາຍ ງານວ່າ ເຊັນສັນຍາກັນ 5 ປີ ແລະ ມີໂອກາດປະເດີມສະໜາມ ໃຫ້ ແມແນເຊສເຕີ ຊິຕີ ທັນທີໃນ ເກມກັບ ຣິນ ມາດຣິດ ວັນພະ ຫັດນີ້.