ສິດປະເສີດ ເຍົາວະຊົນລາວ ກຽໝໄປເຝິກຊ້ອມກັບຄູເຝິກ ບາເຢິນ ມິວນິກ

ມື້ນີ້ເຮົາມາຮູຈັກກັບ ສິດປະ ເສີດ ທີ່ສາມາດຍາດໄດ້ຄະແນນ ສູງສຸດ ໃນການຄັດເລືອກທີ່ ສປປ ລາວ ຈາກເຍົາວະຊົນລາວເຂົ້າ ຮ່ວມຄັດເລືອກ 50 ກວ່າຄົນ ອາ ຍຸລະຫວ່າງ 14-16 ປີ ພາຍໃຕ້ ການຈັດກິດຈະກຳຂອງ ບໍລິສັດ ອາລີອັນ ປະກັນໄພລາວ ໃນໂຄງ ການ Alianz Junior Football Camp laos 2017 ຫຼື AJFC laos 2017 ທີ່ຄວ້າສິດໄປເຂົ້າ ຮ່ວມສູນເຝິກຊ້ອມ ທີ່ບາຫຼີ ປະ ເທດອິນໂດເນເຊຍ ລະຫວ່າງວັນ ທີ 31 ກໍລະກົດຫາວັນທີ 4 ສິງຫາ 2017 ເຊິ່ງຈະໄດ້ໄປສຳຜັດ ແລະ ຮຽນຮູ້ການຫຼິ້ນກິລາບານເຕະນຳຄູເຝິກ ແລະ ນັກເຕະຈາກສະໂມ ສອນທີ່ມີຊື່ສຽງໂລກຢ່າງ ບາເຢິນ ມິວນິກ.
ສຳລັບຮູບແບບການຄັດ ເລືອກເອົາເຍົາວະຊົນລາວໃນຄັ້ງນີ້ມີ 7 ຮູບແບບຄື: ຄວາມສຳພັນ ກັບບານ, ການສົ່ງບານ ຫຼື ການ ໝູນບານ, ການລ້ຽງບານ, ການ ໄປກັບບານ, ການຈັບບານ, ການ ສົ່ງບານກັບໝູ່ຄູ່ ແລະ ການຜ່ານ ບານ-ການຍິງປະຕູ ຜົນປາກົດວ່າ ທ້າວ ສິດປະເສີດ ສີອິນທະວົງ ເກັບຄະແນນສະເລ່ຍໄດ້ສູງສຸດ ເຖິງ 126 ຄະແນນ ແລະ ທ້າວ ວິເສດ ສີສຸພັນທະວົງ ໄດ້ 122 ຄະແນນ ຕາມຫຼັງມາເປັນອັນດັບ 2 ເຮັດໃຫ້ທັງ 2 ກາຍເປັນເຍົາວະ ຊົນຜູ້ທີ່ມີຄະແນນູສງສຸດ ຄວ້າສິດ ໄປຮ່ວມເຝິກຊ້ອມໃນໂຄງການ ດັ່ງກ່າວ ທີ່ປະເທດອິນໂດເນເຊຍ.
ທ້າວ ສິດປະເສີດ ເປີດເຜີຍ ວ່າ: “ຮູ້ສຶກດີໃຈຫຼາຍທີ່ຜ່ານການ ຄັດເລືອກຄັ້ງນີ້ ເພາະຜ່ານມາ ນ້ອງກໍໄດ້ຄັດເລືອກຫຼາຍກິດຈະ ກຳເປັນຕົ້ນແມ່ນເຄີຍເຂົ້າຄັດ ເລືອກໄປ ສປປ ເກົາຫຼີ ເມື່ອຕອນ ອາຍຸ 10 ປີ ແລະ ສາມາດຜ່ານ ເຂົ້າຮອບທຳອິດ ແຕ່ໜ້າເສຍດາຍ ການຄັດເລືອກຮອງສອງນ້ອງບໍ່ສະບາຍກໍເລີຍພາດໄປ ແລະ ຍັງເຄີຍເຂົ້າຄັດເລືອກທີມຊາດ ລາວ ຮຸ່ນອາຍຸບໍ່ເກີນ 15 ປີ ແຕ່ ບໍ່ຜ່ານ ເຊິ່ງປະສົບການດັ່ງກ່າວ ນ້ອງຄິດສະເໝີວ່າການໄດ້ມາຄັດເລືອກກໍດີໃຈແລ້ວ ແລະ ມັນເປັນ ປະສົບການໃຫ້ກັບໂຕເອງ. ການ ຄັດເລືອກໄປ ອິນໂດເນເຊຍ ຄັ້ງນີ້ ນ້ອງກໍມີຄວາມຫວັງຢາກໄປທີ່ ສຸດ ເພາະຈະໄດ້ໄປສຳຜັດ ແລະ ຮຽນຮູ້ຈາກນັກເຕະທີ່ມີຊື່ສຽງ ຂອງ ບາເຢິນ ມິວນິກ ເຊິ່ງຂວັນ ໃຈຂອງນ້ອງກໍແມ່ນ ອາເຢັນ ຣ໊ອບເບັນ ກອງໜ້າຂອງສະໂມ ສອນດັ່ງກ່າວ ດັ່ງນັ້ນນ້ອງຈຶ່ງມີ ຄວາມຕ້ັງໃຈ ແລະ ເຮັດໃຫ້ດີທີ່ ສຸດ ບໍ່ປະໝາດໃນການຄັດເລືອກ ຄັ້ງ ເພາະວ່າມີເຍົາວະຊົນລາວ 50 ກວ່າຄົນ ລ້ວນແລ້ວແຕ່ມີຄົນ ເກັ່ງ ແລະ ສຸດທ້າຍນ້ອງກໍເຮັດ ໄດ້ສຳເລັດ ກາຍເປັນເຍົາວະ ຊົນລາວ ໄປຮ່ວມເຝິກຊ້ອມກັບຄູ ເຝິກ ແລະ ນັກເຕະລະດັບໂລກ ສົມດັ່ງໃຈ”.
ສິດປະເສີດເກີດວັນທີ 17 ພະຈິກ 2002 ທີ່ບ້ານຈອມເພັດ ໃຕ້ ເມືອງສີສັດຕະນາກ ນະຄອນ ຫຼວງວຽງຈັນ ປັດຈຸບັນຮຽນຢູ່ ໂຮງຮຽນ ມ.ສ ວຽງຈັນ ຫ້ອງມໍ 5 ກ່າວອີກວ່າ: ການໄປ ອິນໂດ ເນເຊຍ ຄັ້ງນີ້ ນ້ອງຫວັງວ່າຈະໄດ້ ແລກປ່ຽນກັບເຍົາວະຊົນຊາດ ອື່ນໆ ແລະ ໄປເກັບກ່ຽວປະສົບ ການ ຈາຳນັກເຕະຊາດຕ່າງໆທີ່ ເຂົ້າຮ່ວມ ໂດຍສະເພາະແມ່ນນັກ ເຕະຊຸບເປີສະຕາຂອງສະໂມສອນ ບາເຢິນ ມິວນິກ ທີ່ຈະມາສອນທັກ ສະ ແລະ ການຫຼິ້ນບານເຕະ ເຊິ່ງ ນ້ອງກໍຈະພະຍາຍາມເຮັດໃຫ້ດີທີ່ສຸດ ແລະ ຮຽນຮູ້ໃຫ້ໄດ້ຫຼາຍທີ່ສຸດ ລວມທັງຫວັງໄດ້ເຝິກຊ້ອມທີ່ສະ ໂມສອນ ບາເຢິນ ມິວນິກ ປະເທດ ເຢຍລະມັນ ແລະ ໄປສຳຜັດກັບ ສະໜາມ ແລະ ນັກເຕະທີ່ມີຊື່ສຽງ ຂອງໂລກ ເພື່ອນຳເອົາປະສົບ ການດັ່ງກ່າວມາເປັນແບບຢ່າງ ໃນການພັດທະນາການຫຼິ້ນບານ ເຕະຕໍ່ໄປ.
ຂ່າວຈາກ:laosportnews.com.