3 ວິທີການຝຶກ ບໍ່ກິນເຂົ້າແລງ
October 15, 2021 - 10:00 AM
- ເລີ່ມຕົ້ນກໍໃຫ້ທ່ານຄ່ອຍໆຫລຸດປະລິມານເຂົ້າແລງລົງເທື່ອລະໜ້ອຍ ຈາກປົກກະຕິກິນເຂົ້າ 2 ຈານ ກໍເຫລືອ 1 ຈານ ເຮັດແບບນີ້ໄປເລື້ອຍໆປະມານ 1 ເດືອນ ໂດຍມີເງື່ອນໄຂວ່າ ຫລັງກິນເຂົ້າແລງແລ້ວຫ້າມກິນອາຫານໃດໆຕື່ມອີກ ຍົກ ເວັ້ນນ້ຳດື່ມບໍລິສຸດ ເຮັດແບບນີ້ໄປເລື້ອຍໆປະມານ 1 ເດືອນ ແລ້ວຄ່ອຍໄປເຮັດຂໍ້ທີ 2.
- ຫາກທ່ານເລີ່ມເຮັດຂໍ້ທີ 1 ໄດ້ ຕໍ່ໄປທ່ານກໍເລີ່ມຫລຸດໄລຍະເວລາໃນການກິນເຂົ້າແລງລົງ ຈາກປົກກະຕິກິນເວລາ 20:00 ໂມງ ກໍປ່ຽນມາເປັນກິນເວລາ 19:00 ໂມງ ແທນ ເມື່ອຜ່ານໄປ 1 ເດືອນ ກໍເລື່ອນເປັນເວລາ 18:00 ໂມງ ຫລື 17:00 ໂມງ ແລ້ວກໍກິນຜັກ ແລະ ໝາກໄມ້ຕາມປົກກະຕິ.
- ກິນແກ່ນຜັກອິຕູ່ແທນເຂົ້າແລງ ເພາະການກິນແກ່ນຜັກອິຕູ່ 2 ບ່ວງແກງຕໍ່ມື້ ປະສົມກັບເຂົ້າ ຫລື ຊົງໃສ່ນ້ຳອຸ່ນດື່ມໃນ ຕອນບ່າຍກໍໄດ້ ວິທີນີ້ຈະຊ່ວຍເຮັດໃຫ້ທ່ານຈ່ອຍລົງໄວ ນັ້ນເປັນຍ້ອນວ່າແກ່ນຜັກອິຕູ່ຈະເຮັດໃຫ້ທ່ານຮູ້ສຶກອີ່ມໄວ ເຮັດ ປະມານ 1 ເດືອນກໍເຫັນຜົນແລ້ວວ່ານ້ຳໜັກຄວນຈະຫລຸດລົງໄປເຖິງ 5 – 7 ກິໂລກໍມີ.
