ລັດຖະບານໄທ ຊ່ວຍເຫລືອອຸປະກອນການແພດ ໂຮງໝໍເມືອງໂພນໂຮງ ມູນຄ່າ 1.643.224.100 ກີບ
September 27, 2021 - 7:09 PM
ອີງຕາມການລາຍງານຂອງສະຖານທູດໄທ ໃຫ້ຮູ້ວ່າ: ວັນທີ 27 ກັນຍາ 2021ທີ່ຂົວມິດຕະພາບແຫ່ງທີI ນະຄອນຫລວງວຽງຈັນ ລັດຖະບານໄທ ໂດຍກົມຄວາມຮ່ວມມືລະຫວ່າງປະເທດ ກະຊວງການຕ່າງປະເທດ ໄດ້ສົ່ງມອບເຄື່ອງໃຊ້ທາງການແພດ ຈຳນວນ 9 ລາຍການ ແລະ ອຸປະກອນການແພດ ຈຳນວນ 47 ລາຍການ ມູນຄ່າ 4.694.926 ບາດ (ປະມານ 1.643.224.100 ກີບ) ແກ່ໂຮງໝໍເມືອງໂພນໂຮງ ແຂວງວຽງຈັນ ສປປ ລາວ.
ໂຄງການດັ່ງກ່າວແມ່ນໜຶ່ງໃນກິດຈະກຳສະຫຼອງຄົບຮອບ 70 ປີ ແຫ່ງການສ້າງຕັ້ງ ສາຍພົວພັນທາງການທູດລາວ-ໄທ ໂດຍມີ ປອ.ດຣ. ບຸນສະຖຽນ ພິມມະແສນ ຫົວຫນ້າພະແນກເງິນຊ່ວຍເຫລືອຈາກຕ່າງປະເທດ ກະຊວງສາທາລະນະສຸກ ສປປ ລາວ ເປັນຜູ້ກ່າວຮັບ.
