WHO ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ

September 24, 2021 - 4:28 PM
who ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ - 3000 scaled - WHO ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ
who ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ - kitchen vibe - WHO ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ

ດຣ. ທີໂດສ ອັດຮານອມ ກີບຣີເຢຊຸສ ຜູ້ອຳນວຍການອົງການອະນາໄມໂລກ ຫລື WHO ພ້ອມ ດຣ. ອາເໝັດ ອັລ-ມັນດາຣີ ຜູ້ອຳນວຍການປະຈຳພາກພື້ນເມດິເຕີເຣນຽນຕາເວັນອອກຂອງ WHO ອອກຖະແຫລງການເຕືອນວ່າ: ລະບົບສາທາລະນະສຸກຂອງອັບການິດສະຖານກຳລັງ “ໃກ້ເຂົ້າສູ່ສະພາບລົ້ມສະຫລາຍ” ຫລັງຈາກຂາດເຂີນເງິນສະໜັບສະໜູນຈາກນາໆຊາດ ເຮັດໃຫ້ໂຮງໝໍແຫ່ງຕ່າງໆປະສົບບັນຫາໃນການຈັດຊື້ຢາ ແລະ ອຸປະກອນການແພດ ລວມທັງບໍ່ມີເງິນຈ່າຍເງິນເດືອນພະນັກງານ.

ຖະແຫລງການດັ່ງກ່າວມີຂຶ້ນໃນວັນທີ 22 ກັນຍາຜ່ານມາ ຫລັງ ດຣ. ທີໂດສ ພ້ອມ ດຣ. ອາເໝັດ ແລະ ທີມເຈົ້າໜ້າທີ່ຂອງ WHO ໄດ້ເດີນທາງໄປຢ້ຽມຢາມນະຄອນຫລວງຄາບູລ ເພື່ອພົບປະຜູ້ນຳຂອງກຸ່ມຕາລີບັນ ແລະ ເຈົ້າໜ້າທີ່ສະຫະປະຊາຊາດ ພ້ອມທັງລົງພື້ທີ່ກວດກາໂຮງໝໍ ແລະ ສະຖານະການດ້ານສາທາລະນະສຸກໃນອັບການິດສະຖານ.

who ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ - Visit Laos Visit SALANA BOUTIQUE HOTEL - WHO ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ

ໂດຍຜ່ານມາ ອັບການິດສະຖານອາໄສການຊ່ວຍເຫລືອຈາກເງິນບໍລິຈາກຂອງນາໆຊາດເປັນຈຳນວນລາຍ, ແຕ່ການຖອນທະຫານຂອງອາເມລິກາ ແລະ ການເຂົ້າຢຶດອຳນາດຂອງກຸ່ມຕາລີບັນ ສົ່ງຜົນໃຫ້ຜູ້ບໍລິຈາກຈຳນວນຫລາຍຢຸດການຊ່ວຍເຫລືອ. ຂະນະທີ່ລັດຖະບານອາເມລິກາໄດ້ສັ່ງອາຢັດຊັບສິນທາງການເງິນຂອງອັບການິດສະຖານ.

ປັດຈຸບັນ, ໂຮງໝໍໃນອັບການິດສະຖານປະມານ 2 ໃນ 3 ຈາກທັງໝົດ 2.309 ແຫ່ງ ເປັນສ່ວນໜຶ່ງໃນໂຄງການແຊຮັດມັນດີ (Sehatmandi) ເຊິ່ງເປັນໂຄງການພັດທະນາລະບົບສາທາລະນະສຸກຂະໜາດໃຫຍ່ທີ່ສຸດຂອງປະເທດ ທີ່ໄດ້ຮັບເງິນສະໜັບສະໜູນຈຳນວນ 600 ລ້ານໂດລາ ຈາກຜູ້ບໍລິຈາກນາໆຊາດຫລາຍລາຍ ເຊິ່ງລວມທັງທະນາຄານໂລກ, ສະຫະພາບເອີຣົບ ແລະ ໜ່ວຍງານເພື່ອການພັດທະນາສາກົນຂອງອາເມລິກາ.

ແຕ່ເນື່ອງຈາກເງິນບໍລິຈາກທັງໝົດ ຖືກສົ່ງມອບຜ່ານກະຊວງສາທາລະນະສຸກໃນລັດຖະບານພົນລະເຮືອນອັບການິດສະຖານທີ່ຖືກໂຄ່ນລົ້ມໄປ ເຮັດໃຫ້ເມື່ອກຸ່ມຕາລີບັນເຂົ້າຢຶດອຳນາດ ກຸ່ມຜູ້ບໍລິຈາກຈຶ່ງຖອນການສະໜັບສະໜູນໂຄງການ.

ທັງນີ້ WHO ຍັງລະບຸວ່າ: ໂຮງໝໍທີ່ປິ່ນປົວພະຍາດໂຄວິດໃນອັບການິດສະຖານ ຈຳນວນ 9 ແຫ່ງ ຈາກ 37 ແຫ່ງ ຫລື ກວ່າ 1 ໃນ 4 ຂອງທົ່ວປະເທດ ໄດ້ປິດລົງໃນໄລຍະຜ່ານມາ. ຂະນະທີ່ການກວດ ແລະ ຕິດຕາມຜູ້ສຳຜັດເຊື້ອ ລວມທັງອັດຕາການໃຫ້ວັກຊີນແກ່ປະຊາຊົນອັບການິດສະຖານກໍຫລຸດລົງຫລາຍ ໂດຍ WHO ເຜີຍວ່າ: ມີປະຊາກອນອັບການິດສະຖານປະມານ 2,2 ລ້ານຄົນ ຫລື ປະມານ 6% ທີ່ໄດ້ຮັບການສັກວັກຊີນ ເຊິ່ງສົ່ງຜົນກະທົບຕໍ່ການຮັບມືວິກິດໂຄວິດໃນອັບການິດສະຖານ ໂດຍຕອນນີ້ສະຖານະການການລະບາດເລີ່ມກັບມາຮຸນແຮງອີກ ຈາກການແຜ່ລະບາດຂອງໄວຣັສສາຍພັນເດວຕາ.

ອ້າງອີງ:

who ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ - 5 - WHO ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ
who ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ - 4 - WHO ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ
who ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ - 3 - WHO ເຕືອນລະບົບສາທາລະນະສຸກອັບການິດສະຖານ ‘ໃກ້ລົ້ມສະຫລາຍ’ ຫລັງຂາດເງິນຊ່ວຍເຫລືອຈາກນາໆຊາດ

Your Might Also Like