ແພດໝໍປະຈຳສູນກັກກັນຫລັກ 27 ເອົາໃຈໃສ່ປະຕິບັດຫນ້າທີ່ຂອງຕົນດ້ວຍຄວາມຫ້າວຫັນ

ທ່ານ ຫົວໜ້າພະແນກ ຈຸລິນຊີ ວິທະຍາ ສະຖະບັນກັນພະຍາດ ສົງເສີມສຸກຂະພາບກອງທັບ ໃຫ້ສຳພາດວ່າ:  ໂດຍປະຕິບັດສຶບຕໍ່ສະກັດກັ້ນການແພ່ລະບາດໂຄວິດ 19 ຂອງນາຍົກລັດຖະມົນຕີ ແລະ ເພີ່ມທະວີເອົາໃສ່ຢ່າງເຂັມງວດ ເວົ້າລວມ ເວົ້າສະເພາະ ສູນກັກກັ້ນຈໍາກັດບໍລິເວນຫລັກ 27 ແມ່ນສູນໜຶ່ງທີ່ຈຳກັດ ບໍລິເວນເພື່ອຕິດຕາມຜູ້ທີມີຄວາມສຽງໃນການຕິດເຊື້ອໂຄວິດ 19 ເຊິ່ງ ລັດຖະບານໄດ້ມອບໃຫ້ກະຊວງປ້ອງກັນປະເທດເປັນຜູ້ຄຸ້ມຄອງ ແລະ ໄດ້ເປີດນຳໃຊ້ມາແຕ່ເດືອນມີນາ ປີ 2021 ເປັນຕົນມາໄລຍະຜ່ານມາມີຜູ້ທີ່ໄດ້ມາຜ່ານຈໍາກັດບໍລິເວນຢູ່ສູນແຫ່ງນີ້ ສ່ວນຫຼາຍແມ່ນແຮງງານທີ່ມາຈາກຕ່າງປະເທດ,​ ເພື່ອເຮັດໃຫ້ຄວາມເປັນລະບຽບຮຽບຮ້ອຍ ແລະ ບໍ່ໃຫ້ມີການລະບາດຂອງພະຍາດໂຄວິດ 19 ນັ້ນໜ່ວຍງານສະເພາະກິດຂອງກະຊວງປ້ອງກັນປະເທດຈຶ່ງໄດ້ມອບໝາຍໜ້າທີ່ໃຫ້ສະຖະບັນກັນພະຍາດ ສົງເສີມສຸກຂະພາບກອງທັບລົງໃກ້ສິດຕິດຕາມກວດກາເຊື້ອໃນແຕ່ລະວັນປະຈຳຢູ່ສູນກັກກັ້ນຈຳກັດບໍລິເວນ ຫລັກ 27.

ພ້ອມນີ້,  ໂດຍອີງໃສ່ມາດຕະການໃນການປ້ອງກັນຕົນເອງ ແລະ ຂອງທ່ານໝໍແລ້ວເພື່ອບໍໃຫ້ມີຄວາມສຽງໃນການຕິດເຊື້ອແລ້ວໃນການປະຕິບັດໜ້າທີ່ໃກ້ສິດກັບຜູ້ຕິດເຊື້ອ ແລະ ຈຳກັດບໍລິເວນ ທ່ານ ໝໍຈະໄດ້ປະຕິບັດຕາຫຼັກການ ການປ້ອງກັນຢ່າງເຂັມງວດ ດ້ວຍນ້ຳໃຈ ແລະ ຈັນຍາບັນຂອງແພດປະຕິວັດເຖິ່ງວ່າຕົວເລກຜູ້ຕິດເຊື້ອຈະເພີ່ມຂື້ນໃນແຕ່ລະວັນກໍ່ຕາມບໍ່ວ່າຈະຢູ່ສູນຫລັກ 27 ກໍຄືສູນ ແລະ ໂຮງໝໍແຫ່ງຕ່າງໆໃນຂອບເຂດທົ່ວປະເທດທ່ານໝໍກໍ່ຈະເຮັດໜ້າທີ່ເບີ່ງແຍງດູແລຜູ້ຕິດເຊື້ອ ແລະ ຜູ້ທີ່ກໍາລັງຕິຕາມອາກາດ້ວຍຄວາມບາກບັນດ້ວຍຄວາມຮັບຜິດຊອບສູງທີ່ການຈັດຕັງ ພັກ-ລັດ ມອບໃຫ້ມີຜົນຢ່າງຈົບງາມ.

ພາບ-ຂ່າວ : ເກນ ວິໄລສານ