ລາວ ເສຍໃຫ້ ສປປ ເກເົາຫຼີ 0-6 ໝົດສິດໄປຫຼິ້ນຮອບສຸດທ້າຍ ບານຕະ U-23 ຊີງແຊ໊ມອາຊີ

ທີມຊາດລາວ U-23 ລົງ ສະໜາມນັດສຸດທ້າຍ ຕ້ານ ຄວາມແຂງແກ່ນຂອງຄູ່ແຂງບໍ່ ໄດ້ເສຍໃຫ້ ທີມຊາດ ສປປ ເກົາຫຼຼີ (ເຈົ້າພາບ) 0-6 ໃນການແຂ່ງ ຂັນບານເຕະຊີງແຊ໊ມອາຊີ 2018 ຮຸ່ນອາຍຸບໍ່ເກີນ 23 ປີ ຮອບຄັດ ເລືອກ.
ໂດຍທີມຊາດ ສປປ ເກົາຫຼີ ນຳຫ່າງ 4-0 ໃນເຄິ່ງເວລາທຳ ອິດ ຈາກການຍິງຂອງ ຄິມບອນ ນາທີ 5, ໂຊຈອງ ຣຸກ 2 ປະຕູ ນາທີ 14 ກັບ 33 ແລະ ຣິ ຣັນ ນາທີ 21, ສ່ວນເຄິ່ງເວລາທີ ສອງ ເຈົ້າພາບມາໄດ້ 2 ປະຕູ ປິດທ້າຍຈາກ ຄິມ ຢູ ຊອງ ນາທີ 56 ແລະ ຈອນ ເຊ ເງ ນາທີ 87.
ສ່ວນຜົນອີກຄູ່ 1 ໃນກຸ່ມ ດຽວກັນນັ້ນ ທີມຊາດຮົງ ຊະນະ ທີມຊາດໄຕ້ຫວັນ 4-0 ຈາກຜົນ ດັ່ງກ່າວ ສົ່ງຜົນໃຫ້ ທີມຊາດລາວ ໝົດສິດໄປຫຼິ້ນຮອບສຸດທ້າຍ ເພາະລົງສະໜາມ 4 ນັດ ມີພຽງ 4 ຄະແນນ ຕົກມາຢູ່ອັນດັບທີ 4 ຂອງຕາຕະລາງ. ຂະນະທີ່ ສປປ ເກົາຫຼີ ເກັບເພີ່ມເປັນ 7 ຄະແນນ ຄອງແຊ໊ມກຸ່ມ G ພ້ອມຄວ້າສິດ ໄປຫຼິ້ນຮອບສຸດທ້າຍ. ສ່ວນ ຮົງ ກົງ ເກັບເພີ່ມເປັນ 5 ຄະແນນລຸ້ນ ເປັນອັນດັບ 2 ຂອງກຸ່ມທີ່ດີທີ່ສຸດ ໃນ 5 ກຸ່ມໄປຫຼິ້ນຮອບສຸດທ້າຍຕໍ່ ໄປ.
ຂ່າວຈາກ:laosportnews.com.