ນິໄສຕາມວັນເກີດຈະບອກສິ່ງເດັ່ນໆໃນໂຕທ່ານ

ວັນເກີດຂອງທ່ານຈະສາມາດບອກສິ່ງເດັ່ນໆຂອງໂຕທ່ານໄດ້ ເປັນອີກໜຶ່ງສາລະປະໂຫຍດດີໆສຳລັບໃຜທີ່ມີຄວາມເຊື່ອທາງ ດ້ານດວງວັນເກີດ. ມື້ນີ້ພວກເຮົາມີລັກສະນະນິໄສຕາມວັນເກີດຂອງທ່ານມາບອກ ໂດຍທົ່ວໄປແລ້ວລັກສະນະນິໄສຂອງແຕ່ລະຄົນ ນັ້ນບໍ່ຄືກັນ ແຕກຕ່າງກັນໄປ ຂຶ້ນກັບແຕ່ລະບຸກຄົນ ດັ່ງນີ້ :

1. ເກີດວັນຈັນ : ຄົນເກີດມື້ນີ້ເປັນຄົນທີ່ອ່າວດື້, ເປັນຄົນທີ່ຫົວແຂງ, ມີຄວາມຄິດຄວາມອ່ານເປັນຂອງຕົນເອງ, ມີຄວາມ ເຊື່ອໝັ້ນໃນຄວາມຄິດ ບໍ່ສົນໃຈວ່າໃຜຈະຄິດແນວໃດ, ມັກເຮັດຫຍັງໂດຍບໍ່ເພິ່ງພາຄົນອື່ນ, ເປັນຄົນເຈົ້າອາລົມໃນລະດັບ ໜຶ່ງ, ຄຳເວົ້າບາງຄັ້ງອ່າວແຂງກະດ້າງ ຄິດຫຍັງກໍເວົ້າໄປແບບນັ້ນ, ເປັນຄົນທີ່ກົງໄປກົງມາ, ບໍ່ມີແອບແຝງ, ເປັນຄົນທີ່ ມັກເອົາຊະນະຜູ້ອື່ນ, ເປັນຄົນທຸ້ມເທກັບທຸກຢ່າງ ເພາະຕັ້ງເປົ້າໝາຍໄວ້ສູງ, ຕ້ອງການຄວາມເປັນເລີດໃນທຸກດ້ານ ແຕ່ ຈະບໍ່ສະແດງອອກໃຫ້ໃຜຮູ້ວ່າຕ້ອງການຫຍັງ, ເປັນຄົນຫຍິ່ງແມ່ນແຕ່ໃນເວລາທີ່ພະເຊີນບັນຫາ ກໍຈະບໍ່ເອີ່ຍປາກບອກໃຜ ຄົນທີ່ຈະສາມາດເອົາຊະນະໃຈຄົນເກີດວັນຈັນໄດ້ ຕ້ອງມີນິໄສຄ້າຍຄືກັນ. ຄົນເກີດວັນຈັນເປັນຄົນຕົກຂຸມຮັກງ່າຍ ແລະ ຈະຮັກຢ່າງສຸດຫົວໃຈ ແຕ່ບໍ່ຄ່ອຍກ້າສະແດງອອກ, ເກັບໄວ້ຄົນດຽວຫລາຍກ່ວາ. ຄົນເກີດວັນຈັນຮັກຄວາມເປັນອິດສະ ຫລະ ຊີວິດສ່ວນຫລາຍຈຶ່ງຕ້ອງຢູ່ຄົນດຽວ, ບໍ່ງໍ້ໃຜ, ບາງເທື່ອກໍເບິ່ງຄືເປັນຄົນບໍ່ມີນ້ຳໃຈ ແລະ ເອົາແຕ່ໃຈຕົນເອງ.
2. ເກີດວັນອັງຄານ : ເປັນຄົນສະຫລາດ ສາມາດເອົາຄຳວິພາກວິຈານ – ຄຳແນະນຳຕ່າງໆມາພັດທະນາຜົນງານຂອງຕົນ ເອງໄດ້, ເປັນຄົນຮັກໝູ່ຫລາຍ ເຮັດຫຍັງກໍຄິດເຖິງຜົນປະໂຫຍດຂອງໝູ່ຫລາຍກ່ວາຕົນເອງ, ໃຜມີໝູ່ເປັນຄົນເກີດວັນອັງ ຄານຖືວ່າໂຊກດີຫລາຍ ເພາະຄົນເກີດວັນອັງຄານບໍ່ຄ່ອຍມັກຂັດໃຈໃຜ, ພ້ອມເຂົ້າຫາຄົນອື່ນ, ອ່າວເປັນຄົນສຸພາບຮຽບ ຮ້ອຍ, ແຕ່ຂໍ້ເສຍກໍຄື ອາລົມປ່ຽນແປງງ່າຍ ຖ້າຮູ້ສຶກບໍ່ພໍໃຈຈະຄືເສືອ, ໃຈຮ້າຍ, ໃຈຮ້ອນທັນທີ ຈົນເກືອບບໍ່ມີໃຜຢາກ ເຂົ້າໃກ້ ເຮັດໃຫ້ມີໝູ່ສະໜິດບໍ່ເທົ່າໃດຄົນ ຍ້ອນເຫດຜົນເລື່ອງອາລົມນີ້ເອງ, ແຕ່ຖ້າອາລົມດີຈະຄືແມວ. ຄົນເກີດວັນອັງ ຄານບໍ່ມັກຢູ່ຄົນດຽວ ເພາະຂີ້ເຫງົາ ບາງເທື່ອຢູ່ໃນກຸ່ມໝູ່ກໍຍັງຮູ້ສຶກເຫງົາ ຖ້າບໍ່ໄດ້ຮັບຄວາມສົນໃຈ ກໍຈະນ້ອຍໃຈ ແລະ ຫຶງຫວງເກັ່ງ.
3. ເກີດວັນພຸດ : ມີຄວາມຄິດທີ່ບໍ່ຢຸດຈຶ້ງ, ສະຫລາດ, ມີຄວາມຄິດສ້າງສັນ, ມັກຮຽນຮູ້ສິ່ງໃໝ່, ເໝາະສົມກັບວຽກທີ່ຕ້ອງ ໃຊ້ຄວາມຄິດວາງແຜນ, ມີສະເໜ່ທີ່ເປັນຄົນຊື່, ເປີດເຜີຍ, ຄິດຫຍັງກໍເວົ້າແນວນັ້ນ, ບໍ່ສົນໃຈວ່າໃຜຈະຄິດແນວໃດກັບຕົນ ແລະ ບໍ່ສົນ ເຖິງວ່າຈະຕ້ອງທຳຮ້າຍຄວາມຮູ້ສຶກຂອງໃຜ ຫລາຍເທື່ອທີ່ມັກເວົ້າແຮງເກີນໄປ, ມັກຢູ່ກັບໝູ່, ການໄດ້ແລກ ປ່ຽນຄວາມຄິດເຫັນກັນຢ່າງເຕັມທີ່ ແລະ ກົງໄປກົງມາແມ່ນສິ່ງທີ່ຢາກເຮັດທີ່ສຸດ, ຊື່ນຊົມຄວາມງົດງາມຂອງທຳມະ ຊາດ, ບໍ່ມັກອັນໃດເກົ່າໆເດີມໆ, ເບື່ອງ່າຍ, ບໍ່ມັກໃຫ້ໃຜມາບັງຄັບ, ຖ້າຖືກອອກຄຳສັ່ງ ຫລື ຫ້າມບໍ່ໃຫ້ເຮັດ ຈະສະແດງ ອອກເຖິງຄວາມບໍ່ພໍໃຈ ໂດຍການເຮັດໃນສິ່ງທີ່ຫ້າມ ເພື່ອປະທ້ວງ. ຄົນເກີດວັນພຸດຮັກໝູ່ຫລາຍ ແຕ່ຫາຄົນສະໜິດນຳ ເກືອບບໍ່ມີ ຖ້າເປັນໝູ່ກັບໃຜຈະແສນດີມີນ້ຳໃຈ ສ່ວນໃຜທີ່ໄດ້ເປັນຄູ່ຊີວິດກັບຄົນເກີດວັນພຸດ ຈະປຽບດັ່ງໄດ້ທັງຄົນຮັກ ແລະ ໝູ່ທີ່ແສນດີໃນຄົນຜູ້ດຽວ.
4. ເກີດວັນພະຫັດ : ທຸກຢ່າງຕ້ອງພ້ອມ ຫລື ສົມບູນແບບ ຖ້າຊີວິດຂອງຄົນປະກອບໄປດ້ວຍຄວາມສຸພາບ, ຄວາມໝັ້ນຄົງ ແລະ ຄວາມມີການສຶກສາທີ່ດີແລ້ວ ຄົນເກີດວັນພະຫັດກໍແມ່ນຄົນທີ່ຂົນຂວາຍຫາສິ່ງນີ້ມາເພື່ອໃຫ້ຊີວິດຂອງເຂົາສົມບູນ ແບບ, ການສະແຫວງຫາຄວາມສົມບູນແບບຂອງເຂົາອາດເຮັດໃຫ້ຄົນໃກ້ໂຕຕ້ອງທົນລຳບາກໄປນຳ. ຄົນເກີດວັນພະ ຫັດມັກມີສະໝອງເປັນເລີດ ສະຫລາດຫລັກແຫລມ ຈົນເບິ່ງຄືມີເລ່ຫລ່ຽມ ໂດຍທີ່ເປັນພຽງຄົນຊື່ຕໍ່ກົດເກນເທົ່ານັ້ນ, ຄວາມຫລັກແຫລມເຮັດໃຫ້ມີຄວາມສາມາດຫລາຍດ້ານ, ຮຽນໜັງສືເກັ່ງ, ເຮັດວຽກເກັ່ງ, ປັບໂຕໃຫ້ເຂົ້າກັບວິທະຍາ ການສະໄໝໃໝ່ໄດ້ດີ, ມີຈິດໃຈອ່ອນໄຫວ, ຮັບຮູ້ຄວາມປາຖະໜາດີຈາກຄົນຮັກໄດ້ ເກືອບບໍ່ຕ້ອງບອກວ່າຮັກກໍຮູ້ວ່າຮັກ ແລະ ຜູກພັນ, ແຕ່ເຂົາຈະເກັບຄວາມຮູ້ສຶກນີ້ໄວ້ ບໍ່ຄ່ອຍສະແດງອອກມາ.
5. ເກີດວັນສຸກ : ເປັນຄົນທີ່ທ່ານຈະເຫັນງ່າຍ, ແຕ່ຮູ້ຈັກຍາກ ຍ້ອນພາຍນອກເບິ່ງເປັນຄົນລ່າເລີງແຈ່ມໃສ, ຮັກຄວາມມີອິດ ສະຫລະ, ສະແດງໃຫ້ເຫັນວ່າເປັນຄົນມີຄວາມກ້າແກ່ນ ຈົນບາງເທື່ອຈະຕ້ອງເຮັດຫຍັງແປກໆ ເພື່ອໃຫ້ເບິ່ງເກັ່ງໃນສິ່ງ ທີ່ປະກົດອອກມາ. ຄົນເກີດວັນສຸກຈຶ່ງມັກເປັນພາບຂອງຄົນທີ່ມັກຢູ່ກາງແຈ້ງ, ມັກການພະຈົນໄພ, ມັກສະແດງເດັ່ນ, ເປັນນັກກິລາ, ນັກແຂ່ງຂັນ, ນັກເຮັດວຽກສ່ຽງອັນຕະລາຍ. ຄົນເກີດວັນສຸກເປັນຄົນທີ່ໃຈອ່ອນ ອ່ອນໄຫວງ່າຍ, ສົງ ສານຄົນງ່າຍ, ຄຽດເກັ່ງ ແລະ ເຊື່ອງຄວາມອ່ອນຫວານໜ້າຮັກໄວ້ພາຍໃນ, ມີຄວາມຮັກເຮືອນ ແລະ ຄອບຄົວ, ເປັນ ຄົນມັກອ້ອນ ແລະ ຕ້ອງການຄົນເອົາໃຈທີ່ປົກປິດຈິດໃຈຂອງຕົນເອງໂດຍການສະແດງອອກໃຫ້ຄົນອື່ນເຫັນວ່າ ເປັນ ຄົນແຂງກະດ້າງ ຄິດຈະຮັກກັບຄົນເກີດວັນສຸກ ຕ້ອງຍອມຮັບໄດ້ ຫາກບາງເທື່ອເຂົາຈະມັກເປັນຈຸດເດັ່ນເວລາຢູ່ຕໍ່ໜ້າ ຄົນອື່ນ, ໝັ່ນຕື່ມຄວາມອ່ອນຫວານ, ຊ່າງຮູ້ໃຈ, ເປັນທີ່ປຶກສາ ແລະ ຮ່ວມທຸກຮ່ວມສຸກ ນີ້ແມ່ນສິ່ງທີ່ຄົນເກີດວັນສຸກ ຕ້ອງການ.
6. ເກີດວັນເສົາ : ຄົນເກີດວັນເສົາເປັນຄົນສະຫລາດ ທັນຄົນ ມີໄຫວພິບ ແລະ ມີຄວາມສາມາດຫລາກຫລາຍ ເຮັດໃຫ້ຜູ້ຄົນ ເຄົາລົບນັບຖື ແລະ ຍອມຮັບ, ສາມາດເວົ້າໃຫ້ຄົນເຊື່ອ ໃຫ້ຄົນເຮັດຕາມໄດ້, ເກັ່ງເລື່ອງການບໍລິຫານວຽກ ວຽກທີ່ຕ້ອງ ຄວບຄຸມສັ່ງການ, ແກ້ບັນຫາເກັ່ງ, ເໝາະສົມທີ່ຈະເປັນຫົວໜ້າ ຫລື ທີ່ເພິ່ງຂອງຄົນອື່ນ. ໃນສາຍຕາຄົນນອກອາດຈະ ເບິ່ງວ່າຄົນເກີດວັນເສົາເປັນຄົນສົມບູນແບບ, ບໍ່ມີຫຍັງຕ້ອງຢ້ານ, ເບິ່ງເຂັ້ມແຂງ ຈິງຈັງກັບຊີວິດ, ແຕ່ເລິກໆແລ້ວອ່ອນ ໄຫວ, ນຸ້ມນວນ, ຊ່າງເຫັນອົກເຫັນໃຈ, ບາງເທື່ອກໍຮ້າຍ, ມີເລ່ຫລ່ຽມມານຍາ ທີ່ຫລາຍຄົນນຶກບໍ່ເຖິງ ດ້ວຍຄວາມປາຖະ ໜາວ່າຢາກໃຫ້ທຸກຢ່າງສົມບູນແບບ ຈຶ່ງພະຍາຍາມຢ່າງຫລາຍເພື່ອໃຫ້ໄດ້ທຸກສິ່ງຕາມທີ່ຕ້ອງການ. ຄົນເກີດວັນເສົາມີ ຫລາຍບຸກຄະລິກ ບາງເທື່ອກໍເບິ່ງເປັນຄົນງ່າຍໆ, ບາງເທື່ອກໍກາຍເປັນຄົນເຄັ່ງຄຽດເອົາແຕ່ໃຈ, ຄົນອ້ອມໂຕຕ້ອງປັບ ອາລົມໃຫ້ທັນ, ເມື່ອມີຄອບຄົວ ຄວາມປັ່ນປ່ວນຈະຫລຸດລົງ ເຫລືອໄວ້ແຕ່ຄວາມເຢັນຊາຈົນໜ້າຕົກໃຈ, ເປັນຄົນເບິ່ງ ຍາກ, ໃຫ້ຄວາມສຳຄັນກັບເລື່ອງວຽກ ແລະ ຄວາມສຳເລັດຫລາຍກ່ວາຄວາມຮັກ.
7. ເກີດວັນອາທິດ : ມັກຈະເປັນຄົນສະຫລາດ ແລະ ມີຄວາມໝັ້ນໃຈໃນຕົນເອງສູງ, ມີການວາງແຜນກຽມຮັບມືກັບສິ່ງທີ່ ຈະເກີດຂຶ້ນໃນຊີວິດ ຖ້າຕັດສິນໃຈແລ້ວຖືວ່າເປັນອັນເດັດຂາດ, ເບິ່ງໜ້າເກງຂາມ, ເປັນຄົນທີ່ຮູ້ວ່າໂຕເອງມີຂໍ້ດີຫຍັງ ແລະ ສັດຕູຄູ່ແຂ່ງມີຂໍ້ດີຫຍັງ ຈຶ່ງເອົາຊະນະໄດ້ບໍ່ຍາກ. ຄົນເກີດວັນອາທິດເປັນຄົນສະຫລາດ, ຮຽນຮູ້ໄວ, ກັບຄວາມຮັກ ນັ້ນມີລັກສະນະຂອງຄົນທີ່ຂາດສະເໜ່, ຄົນເກີດວັນອາທິດອ່າວຈະພໍໃຈທີ່ຈະຮັກຄົນທີ່ເກັ່ງກ້າໜ້ອຍກ່ວາຕົນເອງ, ມັກ ໃຊ້ອຳນາດ ຫລື ສະແດງທ່າທາງໃຫ້ຄົນອື່ນເຫັນວ່າຕົນເອງມີອຳນາດເໜືອຄູ່ຄອງ, ຄູ່ຮັກ ຈຶ່ງເຮັດໃຫ້ຄົນທີ່ເກີດວັນອາ ທິດຂາດສະເໜ່ໄປຢ່າງໜ້າເສຍດາຍ.