ຈີນສະເໜີສົ່ງການຊ່ວຍເຫລືອສຸກເສີນໃຫ້ອັບການິດສະຖານ ລວມອາຫານ-ວັກຊີນຕ້ານໂຄວິດ ມູນຄ່າ 200 ລ້ານຢວນ

ທ່ານ ຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນ ປະກາດມາດຕະການຊ່ວຍເຫລືອອັບການິດສະຖານ ລະຫວ່າງກອງປະຊຸມຮ່ວມກັບປະເທດເພື່ອນບ້ານ ແລະ ພັນທະມິດຂອງອັບການິດສະຖານ ທັງປາກິດສະຖານ, ອີຣານ, ທາກິຈິດສະຖານ, ອຸດເບກິດສະຖານ ແລະ ເຕິກເມນິສະຖານ ໂດຍສະເໜີໃຫ້ການຊ່ວຍເຫລືອມູນຄ່າ 200 ລ້ານຢວນ ເຊິ່ງລວມທັງການຈັດສົ່ງສະບຽງອາຫານ ຕະຫລອດຈົນວັກຊີນຕ້ານໂຄວິດ 3 ລ້ານກວ່າໂດສ.

ທ່າທີຂອງຈີນມີຂຶ້ນຫລັງກຸ່ມຕາລີບັນປະກາດຈັດຕັ້ງລັດຖະບານຮັກສາການຊຸດໃໝ່ ໂດຍລັດຖະບານປັກກິ່ງໃຫ້ຄວາມເຫັນວ່າເປັນຂັ້ນຕອນທີ່ຈຳເປັນ ເພື່ອຟື້ນຟູຄວາມສະຫງົບໃນອັບການິດສະຖານ. ຂະນະທີ່ຢືນຢັນວ່າ: ຈີນພ້ອມຈະຮັກສາການສື່ສານກັບລັດຖະບານຕາລີບັນຕໍ່ໄປ. ທັງນີ້, ຈີນຍັງຮຽກຮ້ອງກຸ່ມປະເທດເພື່ອນບ້ານຂອງອັບການິດສະຖານໃຫ້ຮ່ວມກັນຊ່ວຍເຫລືອ.

ເຈົ້າໜ້າທີ່ລະດັບສູງຂອງຕາລີບັນກ່າວເຖິງຈີນວ່າ: ເປັນຫຸ້ນສ່ວນທີ່ສຳຄັນຫລາຍທີ່ສຸດຂອງອັບການິດສະຖານ, ພ້ອມຕັ້ງຄວາມຫວັງວ່າຈະໄດ້ຮັບການສະໜັບສະໜູນ ແລະ ການລົງທຶນຈາກຈີນ ເພື່ອຊ່ວຍສ້າງປະເທດທີ່ເສຍຫາຍຈາກສົງຄາມຂຶ້ນໃໝ່.

ອ້າງອີງ:

https://www.bbc.com/news/world-asia-china-58496867