ການພັດທະນາເສດຖະກິດ-ສັງຄົມເມືອງອາດສະພອນ ໄດ້ຮັບການປັບປຸງດີຂຶ້ນເທື່ອລະກ້າວ

ກອງປະຊຸມຄົບຄະນະອົງ ການປົກຄອງເມືອງອາດສະ ພອນແຂວງສະຫວັນນະເຂດຄັ້ງ ທີ V ໄດ້ຈັດຂຶ້ນເມື່ອບໍ່ດົນນີ້, ໂດຍ ການເປັນປະທານຂອງ ທ່ານ ແສງທອງ ວັງແກ້ວມະນີ ກໍາມະການພັກແຂວງ, ເລຂາພັກ ເມືອງເຈົ້າເມືອງດັ່ງກ່າວ, ມີບັນດາ ຄະນະປະຈໍາພັກເມືອງ, ກຳມະ ການພັກເມືອງ, ຫົວໜ້າ ຈຸດສຸມ- ກຸ່ມບ້ານ ແລະ ຫ້ອງການອ້ອມ ຂ້າງ ເມືອງຮ່ວມຢ່າງ ພ້ອມພຽງ.

+ ທ່ານຮອງນາຍົກ ສອນໄຊ ສີພັນດອນ ລົງເຄື່ອນໄຫວຊຸກຍູ້ການພັດທະນາ ເສດຖະກິດ-ສັງຄົມທີ່ແຂວງເຊກອງ

+ ເມືອງອາດສະພອນຮັບຮອງເອົາ 10 ບ້ານເປັນບ້ານວັດທະນະທຳ

+ ວຽກງານການສຶກສາເຂດຊົນນະບົດໄດ້ຮັບການປັບປຸງດີຂຶ້ນ

ທ່ານ ກອງແລ ອ່ອນຈັນ ທະລືໄຊ ຫົວໜ້າຫ້ອງວ່າການ ປົກຄອງເມືອງໄດ້ຂຶ້ນຜ່ານບົດ ສະຫລຸບການຈັດຕັ້ງປະຕິບັດ ແຜນພັດທະນາເສດຖະກິດ-ສັງ ຄົມ ຂອງເມືອງວ່າ: ຜ່ານມາແຕ່ ລະຂະແໜງການ ແລະ ອົງການ ຈັດຕັ້ງທຸກພາກສ່ວນພາຍໃນ ເມືອງໄດ້ຕັ້ງໜ້າປະຕິບັດໜ້າທີ່ ວຽກງານສຸມໃສ່ສ້າງສາເສດ ຖະກິດ ແລະ ພັດທະນາພື້ນຖານ ໂຄງລ່າງຂອງເມືອງໃຫ້ດີຂຶ້ນ ເປັນຕົ້ນ: ເອົາໃຈໃສ່ສ້ອມແປງ ເສັ້ນທາງທີ່ເປ່ເພເພື່ອຮັບປະ ກັນໃຫ້ການສັນຈອນໄປ-ມາມີ ຄວາມສະດວກເປັນຕົ້ນ: ສ້ອມ ແປງເສັ້ນທາງແຕ່ບ້ານກຸດຊຸງ ຫາບ້ານສົ້ມໂຮງສຳເລັດແລ້ວ ໃນມູນຄ່າ 368 ລ້ານກວ່າກີບ, ສໍາເລັດການກໍ່ສ້າງສ້ອມແປງ ທໍ່ລະບາຍນໍ້າລອດທາງບ້ານນາປອດມູນຄ່າ 70 ລ້ານກວ່າກີບ, ສໍາເລັດ ໂຄງການສ້ອມແປງ ເສັ້ນທາງແຕ່ບ້ານນາໝາກເກືອຫາບ້ານບຶງມູນຄ່າຫລາຍກວ່າ 328 ລ້ານກີບ ໂດຍແມ່ນທຶນ ຂອງໂຄງການກອງທຶນຫລຸດ ຜ່ອນຄວາມທຸກຍາກ (ທລຍ). ສ່ວນການພັດທະນາດ້ານເສດ ຖະກິດແມ່ນໄດ້ເອົາໃຈໃສ່ສົ່ງ ເສີມປະຊາຊົນຈັດຕັ້ງກຸ່ມການ ຜະລິດ, ການປູກ-ການລ້ຽງ, ໂດຍໄດ້ເລັ່ງໃສ່ການປູກເຂົ້ານາປີ, ມາຮອດປັດຈຸບັນການປັກ ດຳທົ່ວເມືອງສໍາເລັດແລ້ວ 13.800 ກວ່າເຮັກຕາເທົ່າກັບ 75%, ປູກພືດສຳຮອງໄດ້ ຫລາຍກວ່າ 2.100 ເຮັກຕາ ເທົ່າກັບ 100%, ໃນນັ້ນພືດ ທີ່ປູກສ່ວນຫລາຍແມ່ນສາລີ, ໝາກແຕງ, ໝາກຖົ່ວ, ອຶ-ບວບ, ໝາກຫຸ່ງ, ມັນດ້າງ ແລະ ພືດ ຜັກຕ່າງໆ.

ສໍາລັບທິດທາງ ໃນຕໍ່ໜ້າ ແມ່ນ ຈະຕ້ອງສືບຕໍ່ລົງກວດກາ ເສັ້ນທາງ, ທໍ່, ຂົວແຫ່ງຕ່າງໆ ພາຍໃນເມືອງຢ່າງເປັນປົກກະຕິ, ຕິດຕາມການສ້າງສະໂມສອນຫ້ອງວ່າການຫລັງໃໝ່, ສືບຕໍ່ ຊຸກຍູ້ການປັກດຳເຂົ້ານາປີຂອງປະຊາຊົນໃນທົ່ວເມືອງໃຫ້ສໍາ ເລັດຕາມແຜນການ, ເອົາໃຈໃສ່ ຊຸກຍູ້ສົ່ງເສີມເຕັກນິກການຜະ ລິດ, ນຳໃຊ້ກົນຈັກເຂົ້າໃນການ ຜະລິດ ແລະ ຕິດຕາມເຝົ້າລະ ວັງການລະບາດຂອງພະຍາດ ສັດຕ່າງໆ ແລະ ເອົາໃຈໃສ່ປັບ ປຸງພື້ນຖານໂຄງລ່າງຂອງ ເມືອງໃຫ້ດີຂຶ້ນເປັນກ້າວໆ.