ລັດຖະມົນຕີຕ່າງປະເທດເຄື່ອນໄຫວເຮັດວຽກຢູ່ແຂວງບໍ່ແກ້ວ

ເມື່ອທ້າຍອາທິດຜ່ານມາ ນີ້, ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງຕ່າງປະເທດ ພ້ອມຄະນະ ໄດ້ເຄື່ອນໄຫວຢ້ຽມ ຢາມ ແລະ ເຮັດວຽກຢູ່ ແຂວງ ບໍ່ ແກ້ວ, ໂດຍມີທ່ານ ເພັງສອນ ແກ້ວວິໄລ ຫົວໜ້າຫ້ອງວ່າ ການ ປົກຄອງແຂວງ, ພ້ອມດ້ວຍ ພະ ນັກງານພະແນກການຕ່າງປະ ເທດແຂວງໃຫ້ການຕ້ອນຮັບ ຢ່າງອົບອຸ່ນ.

+ ຮອງນາຍົກລັດຖະມົນຕີລົງຊຸກຍູ້ການເກັບລາຍຮັບຢູ່ແຂວງບໍລິຄຳໄຊ

+ ນັກສຶກສາໂຮງຮຽນເຕັກນິກວິຊາຊີບແຂວງບໍ່ແກ້ວ ຫລາຍສິບຄົນບໍລິຈາກເລືອດເພື່ອສັງຄົມ

+ ກະຊວງການຕ່າງປະເທດສຳເລັດການອົບຮົມທິດສະດີໄລຍະສັ້ນ

ໂອກາດນີ້ທ່ານ ລັດ ຖະມົນຕີຕ່າງປະເທດ ສະເຫລີມ ໄຊ ກົມມະສິດ ໄດ້ໄປຢ້ຽມຢາມ ເຂດເສດຖະກິດພິເສດສາມຫລ່ຽມຄໍາເມືອງຕົ້ນເຜິ້ງ ແລະ ໄດ້ຮັບຟັງການລາຍງານຈາກ ທ່ານ ຈັນທະວີ ໂພທິສານ ຮອງ ປະທານສະພາບໍລິຫານເຂດ ເສດຖະກິດພິເສດດັ່ງກ່າວວ່າ: ເຂດເສດຖະກິດພິເສດແຫ່ງນີ້ ມີເນື້ອ ທີ່ທັງໝົດ 10 ພັນເຮັກຕາ, ໃນນັ້ນ 3.000 ເຮັກຕາແມ່ນ ເຂດພັດທະນາຕົວເມືອງ ແລະ ອີກ 7.000 ເຮັກຕາແມ່ນເຂດ ປ້ອງກັນສາຍພູກິ່ວລົມ, ປັດຈຸບັນ ໄດ້ສໍາເລັດການໄກ່ເກ່ຍຊົດເຊີຍທີ່ ດິນແລ້ວຫລາຍກວ່າ 1 ພັນເຮັກ ຕາ ແລະ ມີອາຍຸການສໍາປະທານ 99 ປີ. ມາຮອດປັດຈຸບັນໄດ້ປຸກ ສ້າງເຮືອນທົດແທນໃຫ້ປະຊາ ຊົນຈໍານວນ 114 ຫລັງ ແລະ ສ້າງວັດ, ໂຮງຮຽນ, ຫ້ອງການ ບ້ານ, ຕະຫລາດ ແລະ ອື່ນໆ ລວມມີມູນຄ່າຫລາຍກວ່າ 13 ລ້ານໂດລາສະຫະລັດ ແລະ ມີບັນ ດາໂຄງການກໍ່ສ້າງຂະໜາດ ໃຫຍ່ອີກ 16 ໂຄງການລວມ ມູນຄ່າທັງໝົດຫລາຍກວ່າ 315 ລ້ານໂດລາສະຫະລັດ ແລະ ປັດ ຈຸບັນມີບັນດາໂຄງການ, ບໍລິສັດ ແລະ ຫ້າງຮ້ານຕ່າງໆ ໄດ້ລົງ ທຶນ ດໍາເນີນຢູ່ໃນເຂດເສດຖະ ກິດແຫ່ງນີ້ຫລາຍກວ່າ 10 ບໍລິສັດ ແລະ 238 ຫົວໜ່ວຍ, ຄິດເປັນ ມູນຄ່າຫລາຍກວ່າ 96 ລ້ານໂດລາສະຫະລັດ.

ໃນໂອກາດນີ້, ທ່ານ ສະ ເຫລີມໄຊ ກົມມະສິດ ໄດ້ໂອ້ລົມ ຊີ້ນໍາໂດຍເນັ້ນໃຫ້ພາກສ່ວນ ກ່ຽວຂ້ອງເອົາໃຈໃສ່ຄຸ້ມຄອງ ຄົນຕ່າງປະເທດທີ່ມາເຮັດວຽກຢູ່ເຂດເສດຖະກິດພິເສດສາມ ຫລ່ຽມຄໍານີ້ໃຫ້ດີ ແລະ ຖືກຕ້ອງ ຕາມລະບຽບກົດໝາຍ ເພື່ອແນ ໃສ່ຮັບປະກັນຄວາມສະຫງົບ ເປັນລະບຽບຮຽບຮ້ອຍໃນເຂດຊາຍແດນໃຫ້ດີຂຶ້ນເທື່ອລະກ້າວ.